¹ Pigo Kraisti Isu kanama tave ambima kavikibi ndagava, ayeva amba kotimi vikiye kevaya aogama mindike puwandakeva. Ma ivaba ayege Anutu geva nagava vese kamana ugamo kava. ² Kamana oimikena esegima Kraisti ka. kaga yagava yoke puma mima kaga ena uma akusa kiyo uma esegi vikiyoma. Wasana indavindiva esegima oimo nanavaya aogienaya suma kaisa ena ige uma pagapa waiginapa. Esegima oimo agunda enava kamba aogiena yema. Iyunana kamanapa oimo Kraisti agaluve kinakava. Pinkawa yenava aogimavo poiya kindanapa, kaga yagava kaumama igava vegini aogima viyo. ³ Nageva pinkawa enagava kayeka ugamuwe, Pipa ka yagava kanakiye taye takapi minde kinami taga kamana nga kamba agaluveka Anutu poiya kindanaga. Pikava, igeva agakiveye igoma kinami poiya kite ikiveye nana aogiena pikenava kaumala pikivenema. Pingaukwai, igeva kaga yagava agaye aoso ena aotamba atapuma vikena. ⁴ Igeva pavigo aku kasaye taga kamana avikenana vindiva, piya vundini kamba aogi kamana avikenana vindiga igeva awiga saye kambari kamana avikenaga. ⁵ Pigoya kayendava, Timoti, kauta aogima kavilo a kaye kuruvo nanavaya vikibe kava. Pavi esegi vuwakibi pindiva ugawo. Eliya mono kamanapa uga oimo. Pagi vugasima eliya kamiti tave yagara mandava poto. ⁶ Nageva ugamuwe pindana gava, pipa alondaga nageva puwakuwe mambava atate. Nageva waini kapu ganda vuma alikai kuwe Anutu nda alta wata ofa gandama. ⁷ Nageva piyamaye pigosi kenana pindi nagisa malo palosuwe. Nageva pigosi kena yagara ena vuwe maloti atuti uma pagivikena. Nageva ago pagi vugasuwe amalu enane Anutu kamana avikenana vindiva. ⁸ Ivaba apendepa nagava vundiye pipa aogima Anutu nda aogi aukwai mitokagana. tave yagarava koti vunataki vipa aogi aukwai punatakiye. Ayeva apendepa unatate kanakiye to kananda nava. Ayeva kaga kinami ndava imite vikiye kanasanaga agavama miye kinapa. ⁹ Timoti, kano nageti atakama avagaenaga. ¹⁰ Dimasiva natate wagaitaya Tesalonaikai, ayeva mamba vindisa enaga tavela avuwama. Kresenisi va wagaitaya Galesiyai, pigo Taitasi va Dalmatiya ilo wagaitagina. ¹¹ Aye asa Luku nagegeva mindiya. Makipa avameya gilisi kanaiso. Piyavo aye kana ndanava tavela amba nopikiya. ¹² Nageva Tikikasi aisago gana Efesasi wagasaya. ¹³ Kana ndanapa, avei saketi pulivo kaite kanatuwa Trowasi Kapasi ndama pindi. Mo nake skrolige mete gano, yaga alila pumalanda. ¹⁴ Alekisanda metoli eliya pugagai ndagarava kamba lagaena punatataye. Tave yagarava ayepa igana votakiya nanavaya putikava. ¹⁵ Pi ayekava aogima kautapa kavima naso tage mono kamana mete nasombepa akunita nasiya. ¹⁶ Amalu ndaga nage kotila uma asito kamana alama ikena eliya ndeka, kaisa imatiti kinapa kamba nakaiva umima naoputaya. Ige kagapa kamba wataya. Aye Anutu va kamba igepa iyopikiya pitakava. ¹⁷ Piyavutipa tave yagarava nagege mima naoputaya. Ayeva esegi vunatataya, piyavutagi kaga kamanapa utogini Gentaeli ginapa avitaya. Pingaukwai Anutu va naoputaya pulikena vutopa. ¹⁸ Tave yagarava nawikiya pikaga kamba lagaena pikive pindisava. Ayeva navamete nawime kenali natakiya aye kavima mi-imbali inatisa kumati. Piyavikana kaga kinapa age mema inata pikiveya asiasima. Tagambane, ¹⁹ Ayaveye oito Prisilake akwaila kegava. Ayaveye oitatevo mo ige Onesiporasige miteve kina kava. ²⁰ Erasitasi va Korini siti mindiya. Aye Tropimasi, Nageva ayepa Miletasi siti atate kanatuwa ayepa ayena avuwa tagika. ²¹ Ayeva atakama ago kanano aindiva tave iguguyapa kanakiya suma. Iyubulusi va ayavene otaye, paviyama Pudenisi ve, Linusi ve, Klaudiya ve, kaga tiga gavabe. ²² Piyavikana tave yagarave tigege spiriti lipindiva militakiye. Paviyama tigepa kaga aogi pulitaliye.