¹ Tepuro mana bouti fin kumamen ben'i kakan tauni fin orighane ² Onano,mana'a banta ghayo matifin mana a-i banta aviren Tepuro va-in erighane.Mai banta ayampafin a-i ba-ine.Tepuro betini mumunan o'en ma'a tighane,iyampon oe amusin na ono,paravara seyo te'i e'i ume aru'antere. ³ Onano,lo uwaran banta ghayo ano beraran ma'asen tighane,"Ma banta Ayarafenun pirai baya tian mino". ⁴ Tepuro betini inin pef'a afova'uren ma'a tighane,"Ireti na-isa ughaya namu inin ar'a pin bariya bafono? ⁵ Na'ina sa moekanta is'i ughen nafino baya timpine,'Te'i iretini ume ampen nuno a'a mantave orintefo'? ⁶ Ma'aughanti ireti sa ma'ae afova-ono,Banta Anin mano ana ma bararake nanin banta i ume ampin pawa dam bamino." Tepuro emanten ma'asen mai a-i banta tiamikane,"mantave ei mati mare em'a orono. ⁷ Mai banta emanten bei mapin orighane. ⁸ Mai ma banasi oniakene,beti namu manta ri-iyan Tepuron av'i dani ughane,para varaseyo mai pawa banta fin amiane. ⁹ Tepuro ma mai baru me ampiren orian mana banta ontan mino ben av'i Metiu ino.Mai banta takisi baran banta kayo amah bane.Tepuro ma'asen tiamikamino,"ere te'in daghafono,"ma'asin be'i emanten daghaka mino. ¹⁰ Mai damu Tepuro mah pin kumamen nanovan in,mai danmu koghon takisi baran banta kayo va koghon ume nanin banta va Tepuro bei eyo keka ba kumamen naghan ne. ¹¹ Farisi kayo ma mai oniakene,emanten Tepuron ni eyo gheka ma'asen tiamikane,"Na'ivara iretini Anon mano ume nanin banta va takisi baran kayo va dunan niyan nafino?" ¹² Tepuro ma betini mai baya ini'en everen ma'asen tighane,"banta ano ma ida a-i baren beti ida dotan one'iyane,ink'a banta ano ma a-i baren beti dotan one'iyane. ¹³ Ireti orive va laini ono na'iesa ma baya ano tighen.Te'i avba sami tiraniane,ofa idae. Para vara seyo te'i ida mumunan nanin banta van erighare,ume gheka iye betini ume van tirun oe tintenafi mai gheka sami erighare. ¹⁴ Mai ayompake Joni ni eyo gheka ano Tepuro vain eman ma'asen tighane,"na'i vara teti ba Farisi kayo va dunan kau'e timuke-iyarafuno,inka ida ma ei eyo gheka ma'a iyare?" ¹⁵ Tepuro betin ma'asen tiamikane,"kanai'ena mana iyen banta ano mareti'in oma pin ban arun dana baranten nafino mareti'in banta ma betin ma bantine?Ma'aughantin mana damu erintene mai mareti banta ma betin me afauren orin damu se,ma'aughantin beti mai damu sa dunan kau'en amukino. ¹⁶ Ida mana banta ano auyen davara'e peyante ona daro kae'iyane,para vara seyo mai davara'e dakaren ona ina moekanta dakantene. ¹⁷ Inka ida manano auyen waini peyante waini aitampin kae'iyane.Ma'aughantin beti ma ma'aintene waini aitan ki'en waini bana vana intene.Ma'aughan beti auyen waini i auyen waini aitan pin dan ayaka ba'e iyan mino. ¹⁸ Tepuro ma mai dana kayo van bayasen ma betin tiamiane,mana hanon banta ano eman benta aron durafukane.Ma'auren Tepuron be'i ma'asen tiamikane,"Te siraun tare ana pukefo ere oman hayan benta kaesin everen be'i emantano. ¹⁹ Ma'asin Tepuro emanten bei eyo gheka ba ben daghafen orighamino. ²⁰ Maifase mana arinta ba-mino nare orin a-i 12 fi oranaran ma'en ne.Tepuron ayompa eriami paema'a beni ona arukamino. ²¹ Na'ivara mai arinta ano everen ma'asen bean tiamikan nafi,"ma'aughanti ma te'i beni ona ma pakante i te'i aknai onte'uno. ²² Ma'ughan Tepuro dove'en ben oniyan ma'asighane,"arinta iyampon oe,ida va perano paravara seyo e-i mumunan mano e'in aman kanai'ene."Mai damu mai arinta kanai ughamino. ²³ Tepuro ma mai hanon banta i mapin o'ivene,be'i ontamino musiki asin banta kayo va banasi va ano kakan ava sighamino. ²⁴ Be'i ma'asen tighane,"be'in ade idava nenta oro no ma arara arinta ida puke mifo paran baghemino."beti intiren be'in pirai ughamino. ²⁵ Mino nanin banta ma barufa orun bane,Tepuro mah pin o'iven mai arara arinta ayan pakan emantaghane. ²⁶ Mai baya ano mai barura mino aghempa orighane. ²⁷ Tepuro ma mai baru me ampiren orian kan a-u namughein banta ano daghakane.Mikan mano aren ma'a sighane,"Deivitin agha soe bera-sanan avaba'ono. ²⁸ Tepuro ma mahpin e'iyane maikan banta va daghakane,Tepuro mikan ma'asen tiamikane,"irekan mumunan e va ten nan irekan ayitemino va teno."Mikan everen ma'asen tighane,"Eyo Kakan oe. ²⁹ Tepuro ayan mikan aura daren ma'asen,A'esin mai dako'ino irkan mumunan maira daka ompo." ³⁰ Mikan au opi ughane.Mai ayompake Tepuro mikan ma'asen tiamikane,"Irekan ida va mana banta tiameno mai vane. ³¹ Ma'aughan mikan oren oman mairake mino banta tiamikane,para vara seyo mai dana mikampin dako'ughane. ³² Mikan ma oriane,mana oh pasi'ughein namu a-un aupin bain banta aviren banta ghayo ano Tepuro vain erighane. ³³ Namu a-unam ma oh pasi'ughein banta finte ma oriane,be'i baya tighane,mino banta ano emanten mai van anuduren ma'asighane,"Teti pefa ida onekun mai dana Isareri keka pin dako'ughane." ³⁴ Ma'aughan Farisi kayo ano tighane,"Namu a-unan kayo i bosi banta ano be'in namu a-unan doin pawa amira kane." ³⁵ Tepuro mino baru va kakan tauni fin ma orighane.Be'i tighuru baya betini mono kayo fin tighane. Be'i Ayarafenu ni kin domu finte kama baya tian p'aman iyaken be'i mino arare a-i banta aya ughamino. ³⁶ Be'i ma mino nanin banta oniakene,be'i ar'a kake betin nan arun nan ughane paravara seyo,beti kakanta uman baria moekanta wari'iyane.Beti ida ma dafisin banta bain sipsipi an daghene. ³⁷ Tepuro bei eyo gheka ma'asen tiamikane,"Dunan purasen bikaghe fo ida mai ma baran koghon doran banta bane. ³⁸ Ma'aughanti koghonta amuke Kakan tiameno iye dunan afo'e banafi.Be'i ana i koghon doran banta tiantan tin mai dunan baranta orin tene."