¹ Tepuro beni 12 eyo keka aran erivin mana mana nampa amighane namu aunanta tiyan,beti daghafintin orinovare,everen namu yana ano ma a-i baren eriyain ma namu a-i ba everen man puntaran novare. ² Ma maen 12 eyo keka avi ino.Eseke eyo keka avi Pita ino (ena avi maen Saimoni) ena maen.Endru,be afa ava'e Jemsi ino Jebedin anin ban ena Joni ban. ³ Ena Filipi ban,Batalomi ban,takisi baran banta Metiu ban,Alfiusin anin Jemsi ban,Tadiusi ban. ⁴ Jiloti ke banta Saimoni ban Judas Iskarioti Tepuro ma avi'an namuro aiyampin ma kaein banta. ⁵ Tepuro beni 12 eyo keka tiantan enafa orighan.Betin ma'asen tiami'en,"Ireti ida va ume nanin banta ma bain barura orono inka ida va Sameria kaiyo i tauni fin orono. ⁶ Ireti va Isareri sipsipi kaiyo ma auyokein pin na orono. ⁷ Ireti ma orinte,oman ma'an nate,"Inka inaru baru ade erighene. ⁸ A-i pin bain na aiyae,pukein aiyanore,kasikasi a-i ma mantein ayofe inka namu aunan ma banta fin bain na daghafo. ⁹ Ireti ida va kori,silva moni,iretini pausi fi bare oro. ¹⁰ Ireti ma orinte ida va mana hanbeki fin ona fi sendali fi dafe'en orin noyuntan mina ba iva mare oro,inte'a doran banta ano beni doranta tiyan dunan unafinten nafino. ¹¹ Kakan tauni fin nafi mana barura ma orinte mana banta va dose kanai'ema iretin avia'aren ma banti beni mapin ova va me ampe oro. ¹² Ireti ma mana namumpin o'inte va ;uman kama damu ino va mai namumpin ma bain kaiyo van te. ¹³ Mai namumpin ma bain kaiyo ma ereno ma sinti,a'esin na iretini ara kusin betin pin na ba.Inka ida ma beti aviranti,iretini ara kusin na evere bara. ¹⁴ Inte gheka ano ida iretin aviren orinten nafi;ida baiya ininten nafi;ireti ma mai namun me ampe ma tauni fa orinte va' arantan take do aru'e va oro. ¹⁵ Purase te'i iretin tiame,Ayarafenu ma kotinain damu afoka intene Sodomi ba Gomora tauni fin ma afoka'ein ni intene. ¹⁶ Onano te'i iritin tianteke sipsipi ma afa iyan aubana ma baini ugha ono,ma'aughanti ireti sa osafa'e ma kama inin ma'en ma mana yana bariyain ni sa ono,balusi numa baken ida bigheti eini sa ono. ¹⁷ Ireti banasi vara perano,beti iretin avi'an kaunsoro fin moren betini mono namun kaiyo fin biyotian amintene. ¹⁸ Te'i ano i inaimpa iretin avireke gavana va kin ma aura orive i ireti ano i beti vain ten tivi witnesi mai ume gheka dere fin. ¹⁹ Inte damusa ireti ayampin avi'an kainten nafi,ireti ida va anoma iniya vake inte vaiya tenterafu a'a inte afakesa baiya tenterafu.Para varaseyo,baiya bain mai damu i tiamentere. ²⁰ Para varaseyo ida ireti baiya sino'na'uno,para varaseyo tifo'eni Kanta a-unan mano oh pasi'inti ida ben avaya tinono. ²¹ Afa ava ano i e afa avan avi'an namuro aiyampini esimi arintin purintene,efo'e ano ma'a avu ava baren be anin arintin,be anin mano befo'e ma beno'e ma arintin purintene. ²² Ma'ama esin mino nanin banta e'in nan peranten,para varaseyo te'in tivi iretin pin ba'uno,ma'aughantin inte banta ano akonaen bare'intenafi,mai ano i ida intan a-unan barantene. ²³ Mai tauni fin na iretin namu intenafi,karan na ena tauni fin na oro,para varaseyo,te'i purase iretin tiame,Banta anin ma erinain damu dako intene ida ireti Isareri tauni fin orighesine. ²⁴ Mana eyo keka ano ida bei kaka bantava manai ukheimino, ma'a manante bei eyo varan banta i kakan banta bam mino. ²⁵ Kanai'en be'i eyo keka ano tisan an danten,beni doran boin ma ano kanai'en beni ayafa an danten.Ma'aughantin beti ano ma mah afo'e ma Belsebul ne masen aranti e,mai purasen namu intene,ma'aughantin mai namun ma bain banta ma avi dantene. ²⁶ Ma'aughanti idava betinan perano,para varaseyo mana yana ma dadaran bain ida aupa bantene,inka na'i dana sa aupa banafi ida aupa bantene. ²⁷ Na'i baiya kakan inuran inighafono,ireti mai baiya va kaghan damu teno,inka ireti na'i dana sa bempake inighafono,ireti va iren ni mah amon ta tian pa'man ono. ²⁸ Ida va dan bughafa ma arin banta van perano,iretin ni a-un ma dan bughafa va ma kanai'en ma irafin arin banta vara perano. ²⁹ Beti ida kan tato nun mana akura tiante iyamino?Ma'aughantin ida mai tato nun kaiyo finte ida para purintene befo'e ma ida afova ughantine. ³⁰ Ma'aughan iretin afo'e pefa i dankakene mana mana a'nondo ma iretin a'nomin baine. ³¹ Irtei ida va perano,para varaseyo ireti kakani ughaono,mai tato nun kayo dere e antare e. ³² Ma'aughanti iye te'in tian pa'man banasi fin intefono,te'i mai banta va i tian pa'man ontere inarufa ma bain tifo'en pine. ³³ Ma'aughantin iyen banta ano ten tivi banasi fin aupasi intenafino,te'i ma i mai banta aupasi ontere inarufa ma bain tifo'en aurase. ³⁴ Ireti ida va te'in nan ara kusin baren barara erintene se ineno.Ida ara kusin bare erere,te'i bainatin bare erere. ³⁵ Te'i ma ereunae iyampon mano befo'en namuroi ino vami erere,inka arinta iyampon mano beno'en namuroi ino vare,inka arinta ano benafu nanin ma namuroi ino vare. ³⁶ Mana banta i namuro kaiyo e,beyan bema i bamino. ³⁷ Banta ano ma ida te'in aranen ma benoifo ma moekanta aranantene,ida kanai en tesi eyo kekasi intene,inka iyen banta ano bei afon iyampon ma arinta iyampon ma moekanta araniana ida ten aranan tenafi,be'i ida kanai en tesi eyo kekasi intene. ³⁸ Iyen banta ano ida bei da unkama'an maren te'in bakurintenafi,be'i ida kanai en tesi eyo kekasi intene. ³⁹ Iyen banta ano bei laifi kama iyanafino,i'naimpa mai laifi auyorantene.Ma'aughantin te'in pine,iyen banta i laifi eravintenafi mai ano i'naimpa kama laifi barantene. ⁴⁰ Iyen banta ano iretin aviranten nafino, be'i te'i mi tivirantene,inka iyen banta ano te'in tiviranten nafino,mai be'i ano te'i ma tisinta ereuna bantan avirantene. ⁴¹ Iyen banta ano eyo keka aviranten nafino,para varaseyo mai be'i eyo keka ino,be'i eyo keka i paraisi barantene.Inka iyen banta ano puntakein banta aviranten nafi,para varaseyo mai be'i puntakein banta ino,mai be'i puntakein banta i paraisi barantene. ⁴² Iyen banta ano mana iyon non kapi arara iyampon kaiyo finte aminten nafi,para varaseyo mai iyampon tesi eyo keka i baseyo,purase iretin tiamere,ida mai paraisi auyoran ba'inti baranono.