¹ Tepuro ma bei eyo gheka ma man baya tiami'an intarene,be'i betin ni kakan tauni fin orighane man baya tiamin tase. ² Non amin banta Joni karavuse namun pin ban inighane Tepuro ma mana'a danasi iyaine,ma'ain be'i mana'a baya tia'an bei eyo gheka pin erighane. ³ Ma'a sen tighane,"Mai e'i mai banta ana eriyafono a'a teti ena banta ma erinain na ave onuno?" ⁴ Tepuro everen ma'asen tighane,"Ireti evere ore va non amin banta Jonin tiameno na'inasa ireti one ine ughefono." ⁵ A-u namughein banta everen onan,arantan namughein banta kayo kamaen orin,deporosi a-i ma bain kayo kamain, akontein kayo kamaen inin,pukein kayo va emantaren mai kama baiya ena kayo tiamikane. ⁶ Iyen ankan na ida namu ughe rafuno mai kayo ano va amusin ono. ⁷ Mai banta kayo ma orivine,Tepuro banasi tiamikane non amin banta Jonin ni istorie,"Ireti oria na'inasa baru ana onta fono,mana kata uwa ano nompinte doen nafino? ⁸ A'augha ireti na'i onan ta origha fono,mana banta kama ona fo ma aui ughein nafino?Banta kaiyo ano ma kama aui ughein mano i kin amah bae iyamino. ⁹ Ma'augha e'i nai one fono,mana profeti (kain onan banta) fino?eyo,te'i e'in tiamiare be'i moekanta dan bain profeti ino ena profeti kayo fintese. ¹⁰ Ma be'i pe uwanta'ein mino,'Onano,te'i tesi banta tiantan nan baya baren iretimpin o ani'ughemino,iye iren ni ah avobe impin o ani ughen nafino.' ¹¹ Te'i purase e'in tiamiare,arinta ano ma iyampon kayo ka-inain aubana kese,ida mana banta ano moekanta kakan ni intene Joni non amin banta an dene.Ma'aughantin banta kayo ma ida avi inaru kin domu fin ma bain kayo ano i moekanta ben ande kakan ni ugha ono. ¹² Joni non amin banta i damu ma e kanai iyane,inaru Kindomu koghon arve asive impin ofekanema'aiyam miyo aruvin banta ano ana i akonaen aruvu'en Ayarafenu ni Kindomu bariyan mino. ¹³ Mino profeti va ro kayo ma uwanta'ein Joni ni taimi fimi e kipaghen mino. ¹⁴ Ma'aughanti ma mai baiya barano vare,be'i profet Ilaisa erintemino. ¹⁵ Iye ataren daken nafino,a'esin be'i va inino. ¹⁶ Na'ina dana kayo ma nanin banta fin tigheri onuno?Beti ma'ami ughene iyampon kayo ma magheti barura ma i'u teini iyane,iye kumamen na beraran aren onobe enobe iyan. ¹⁷ na tiyan,'teti ma e-i mana musiki o ma ida danisi inte e.Teti ma arunan ure ifida ma e'i ida dante e. ¹⁸ Mai damu Joni eren be'i ida eman bareti nen waini ida niyaimpin beti ma'asighane,"Be'i namu aunan dan bamino.' ¹⁹ Banta Anin ma erigha'eine,dunan nen non niyan mino,ink'a beti ten,'Onano be'i koghon ta naren tipaki in banta ino,be'i takisi baran banta va ume banta kayo arona ino.'ma'aughan inka kama avu ava i kama inin aupinke ere iyamino." ²⁰ Ma'aughan Tepuro akona ra banta kaiyo van tighane naumu avu ava ampino vare kakan tauni fin para vara seyo beti ida tirun oe tighane betin i ume vare,be'i ma kakan dana si iyane. ²¹ "E'i Korasini tirun oe,e'i Betsaida tirun oe.Ma'aiyan ma kakan dana Taire va Sidoniva ma dako intie,mai ma e'impin dako ugha'ein danase mai beti tirun oe siyan pain ona iren ira kasi perantemino. ²² Ayarafenun i ko pin Taire va Sidoni va tana'a kama intemino,ink'a ida ireti ba manai intemino. ²³ E'i Kapeniami kayo o e,e'i ma iniyauna beti e'in avi dani intin inarufa o'intenafino?Ida ino,beti e'in danti barara aravinono.Ma'aughama Sodomi ma kakan dana kaiyo ma e'im pin dako ugha eine,mai manai en ban eriyan tare e kanai intemino. ²⁴ Ma'augha e'inan ma'asere ma Sodomi kaiyo i barafin isi intene Ayarafenu ni kakan ko tin damu se ,inka e'i ida ino. ²⁵ Mai damu Tepuro ma'asighane."Te'i e'in Tifo'en avi dani iyare,inaru va bara i Kakan ne para vara seyo e'i kama ine ine kaiyo aupasi ugha ono afova banta fine ma'auren man amasi ughane arara kaiyo anden afova ida ba-in banta fine. ²⁶ Eyo Tifo'e oe main en aura kama ughane. ²⁷ Mino dana ten Tifo'e anon ten timighene,ma'aughan ida mana banta ano be anin afova ugheneTifo'e ana i ben afova in inka ida mana ano be Afo'en afova ughene,be anin mano ana afova uren iyen na beyanta maki ughanafi be anin mano ani'ene. ²⁸ Banasi ano ma ati dorari e ma kakan uman bariyauna kaiyo te vain ereno,te'i iretin avikan amentere. ²⁹ Tesi da unkama'an mare te'in bakurono para varaseyo teyan bararasi ure bempake ba'e iyare,ma'aughanti ireti kanai'e avi baranono. ³⁰ Para varaseyo e'i kanai'en ma bararen dana i te'i e'in amiyare.