¹ Mana'a Farisi banta kaiyo va Ro uwaran banta kaiyo Jerusalemi ke erighane Tepuro ma baiya tintone.Beti ma'a sighane, ² " Na'i vara e-i eyo keka ano ida tetisi tumpuna i Ro aranausi iyan nafino?Beti ida aiyan aniyan nafino dunan nan damu se." ³ Tepuro everen betin ma'asen tiamikane,"Na'i vara ireti Ayarafenun ni Ro iyiya ya e-i tumpuna avu ava bakuriya fono? ⁴ Ayarafenun ni Ro ano ma'asighene,'Ireti eno'e ma efo'e ma aranausi ono.'Inka moekanta ma'asighene,'Banta ano ma beno'e ma befo'e namu baiya sintene,be'i va purino.' ⁵ Ma'augha ireti te,'Banta ano ma beno'e afo'e ma ma'asinene,"Na'i dana sa iretin ameno tigha rafu mai te'i Ayarafenun ofa ma ameini ere."' ⁶ Ma'a banta ida va befo'en aranausi ino,bei tumpuna i ro ana ma daghafintene,be'i Ayarafenun ni baiya aman para dana an diyane. ⁷ Ireti kampuntin banta kaiyo ono.Aisaiya ni baiya kamaen purasen dako ughene,be'i ma mai porofeti baiya iretimpin teine. ⁸ Ma keka ofo an i mono te'in ta tiyan mifo,betin ara nenta i bane. ⁹ Beti paran kampun tiyane ten ta ma mono tine,para varaseyo banta ano beyan uwa'en kaein Ro ma'en aman maifo banta anasi aviren oriyan ten ta mono tin andiyane. ¹⁰ Tepuro beyanta mai nanin banta aran be vainta erin ma'asen betin tiamikane,"Ma baiya ini'e kamae barano. ¹¹ Banta ano ma na'an ma ofen o'iyain dana kaiyo e,ida aman banta paini e iyan mino.Ma'aughan banta ano ma ben ofente tian barufa karudiyain dana ano i banta paini e iyamino." ¹² Ma'auran eyo keka ano ma'asen Tepuron tiamikane,"E'i afova'eya ma'ase mai baiya tigha fono Farisi kaiyo ma ara uman den e'in nan aran kagha'eine? ¹³ Tepuro everen ma'asen betin i baya ra ma'asighane,"Mino da ma Tifo'e inarufa bain mano ma ida dokeine,beti mino bara pakaghein ma i dointene. ¹⁴ A'esin mai Farisi kaiyo a-u mukino.Ma'aughantin mana a-u namghein banta ano ma ena a-u namughein banta aviren ma orintene,mikam mano i eraven masipin adintene." ¹⁵ Pita mai baiya ini'en Tepuron ma'asen tiamikane,"kana tetin kamae tisiminte fono mai kanina baiya i ana e,'banta ano ma ofen na'an araviyain mano ma banta ida paini iyane ma siyauna e."' ¹⁶ Ma'aughan Tepuro tiaken,"Ma'augha ireti dere mai kanina baiya ida afova ughe fono? ¹⁷ Ireti sa ma'ae afova ono,na'i danas sa ofen o'e iyanafino,mai ara pin aravuben pipiya ma orein ni e iyamino. ¹⁸ Namu baiya ma ofen te eriyaine mai punta'en banta ara pinte i ere iyane.Mai ma'a baiya kaiyo ano i aman banta paini e iyane. ¹⁹ Ara ano ma'a avu ava i dako'e iyamino,namu inin baran,banta arintin purin avu ava,mareti nanin ma namu pasini'i ma,ena koghona namu avu ava ba,umoyan avu ava ba,kot timpin kampun avu ava baiya ti ma,namu baiya fo ena namuin avu ava ba. ²⁰ Mai dana kaiyo ano i banta aman paini e iyane.Ma'aughantin ida ma haiyan anaren dunan nan avu ava ano i,ida aman banta paini e iyane." ²¹ Mairake Tepuro me mai baru ampiren orighamino kakan tuani kani distariki fine Saia ba Sidoni ba se. ²² Mai barurake Kenani kaiyo finte mana arinta ano eren eman Tepuron akona ra aren ma'a sighane,"Kakan oe Devitin agha' ten nan avaba si'ono,namu aunan mano tesi arinta iyampon a-i amiyane." ²³ Ma'aughan Tepuro mana baiya ida everen tigha mino.Bei eyo keka ano ma'asen Tepuron tiamika mino,"ma arinta ano para kakanta ovarian tetin daghfen eriyan mino,kana e'i mai arinta tesin teti me ampiren nenta orinten nafino. ²⁴ Tepuro everen ma'asen betin tiyamikane,"Isareri kaiyo everen avirano van Tiyarafenu tisinta erighere.Beti sipsipi ma auyorein ni ughare." ²⁵ Ma'a ughan mai arinta ano Tepuron aufa eman aron durafuriyan ma'a tighane,"Kakan oe,te'in tiya ono." ²⁶ Tepuro everen ma'asen be'in nan tighane,"Ida kama ughaseiyo iyampon kaiyo i bareti ma tato iyan ma amin ne." ²⁷ Mai arinta ano ma'a tighane,"Kana ino Kakan oe,mai pura ifo,tato iyan kaiyo ano va'i befo'e ni teibori rake ma antan dunan eraviyain ne'iyamino." ²⁸ Mai arinta van Tepuro everen ma'asen tighane,"Arinta oe,purase e'i akona mumunan mi daka ono,ma'a ughantin eni iyampon everen kanai intemino."Ese' mai damu i namu a-unan mano mai nanin agha me ampiren orivin everen mai iyampon kama ugha mino. ²⁹ Tepuro mai baru me ampiren Galili non ade origha ne.Ade mana tato anuyompin be'i uman kumanten bamino. ³⁰ Maira kakan nanin banta be vain erighan ne.Beti banta anasi arantan ma namughein kaiyo va a-u namughein ma oh pasi ughein ma au namughein ma koghona ena ai bain kaiyo va aviren erigha mino.Beti aviren mai kaiyo Tepuro vainta erin aya ugha mino. ³¹ Mai damu banta anasi ano onama oh pasi ughein mano ma baiya sin,inka au namughein banta kaiyo ma aufa kamain,inka arantan namughein banta kaiyo ma kamaen orin,inka a-u namughein kaiyo ma everen kamaen oniyan maen ne.Beti maen Isareri kaiyo i Tiyarafenun avi dani ughamino. ³² Tepuro bei eyo keka aran erin ma'a tighane,"Te'i ma nanin banta vami purase tirun nan iyare,para varaseyi beti ida dunan nam ma tarifara damu te'i ma bain ne.Dunan ma ida niyain nan te'i ida tiyantan orintemino,inka ma'aiyan arafanan aiyanafa beti eraven ankaminae." ³³ Bei eiyo keka Tepuron ma'asen tiamikane,"Ma'afase ida ma banta ade bapase,teti ida kanai'e mai nanin banta ma amin dunan dosente uno. ³⁴ Tepuro sen na'ima'a bareti sa banafino tin,bei eyo keka ano sen,"Seveni bareti va mana'a noyana va ino." ³⁵ Tepuro mai nanin banta van barara kumaninovan inaukane. ³⁶ Mai seveni bareti va mana'a noyana va ma'en Tepuro vain tusu tigha ne,ma'auren mai bareti ki'aren bei eyo keka amighane.Ma'auran bei eyo keka ano bantanasi amighane. ³⁷ Mino nanin banta ano naran purasen amu kuntamino.Mai ayompake antan antan dunan kaiyo everen ai'an seveni basketi bikagha mino. ³⁸ Mai dunan ma nein banta i nampa maen 4-tauseni ifo ida anasi va iyampon ma dankakene. ³⁹ Tepuro ma tiantan banasi bei barufa orivin,mairake botifin kumamen mesan ufa orighane Magadani kaiyo i distriki fine.