¹ Farisi Sadusi ankan mano Tepuro eman aghen oka ugha mi,beti eman mana ani dana ani inti ayonta onano ba ina ughami. ² everen ma'asen tiamiaken a'antemi,inupasi ma iyanti ma ayompin ma narare iyakamae,ireti ma'ami te'iyao,kama damu i inuran dako'intene. ³ Inka akurasi ma ughan,ireti ma'ami te'iya ono 'a' dan tene,para vara seiyo ayompin narere si ein mano konan barara makaka ein ma ano eh.Ireti aiyompin oniyake afova' inuran inte'a damu sa dako inten nafi,para vara tare ma dako iyain dana i oman tape tiyara mema ma erinain baiya man dako ama'o. ⁴ Namu avu ava i puntakein avu ava ma bariyain nanin banta,mana'a ani' dana ani intin onano vami dosiyan,Fo maen ida ani dana dako intin onan tene,Jona ni ani dana anan dako intin onan tene.Tepuro betin me ampiren oren. ⁵ Bei eyo keka ma ena ufa *mmaen, A'hu'e ida bareti bara ori gha. ⁶ Tepuro beti tiya mia dafikeva ono ma'a iya Sadyusi Farisi Anna ni pame kakani'i isi bara nae. ⁷ Eyo keka betin aubante beti yan everen ma'a tigha mi, Ida ma bareti ma bare ere unavami be'i ma tighe. ⁸ Ma'a ughan Tepuro pe betini baiya afova ure ma'a se, ireti tato mumunan desim ba mi. Na'i bara iretiya everen ma'a tighe fono, Tepuro ma baiya ma te'i Ida ma bareti bare erigha ena varafui no. ⁹ Ida ireti afova iyaono te'i ma da manapa bareti ma da manapa tauseni nani banta ma ame una'e, ma'a ugha na'i ma'a doki ana antan dune moenafi. ¹⁰ Inka da' manapa afapa ken unmade bareti ba ka'mi ka'mi tauseni banta, inka na'i ma'a doki ireti antan duna uferenafi. ¹¹ Na'i sa ugha ireti ida afova iyafono te'i bareti saratiya ra'ano. Oniake dafia akona ano Sadyusi Farisi ankani pame kakani i'isi bare. ¹² Ma'a ugha mae bei Eyo keka kamae baiya ma bariake mae mei ra'i afova ugha mi ma'ae (yis) pame kakani in dana ma bareti pin ma kain dana sara tino ten afova ugha mino, Ma'a ughanti betiva dafian akona ino Sadyusi farisisi ankani afova ami baiya rase. ¹³ Mai damu ma Tepuro ma ade barura ma sisiria ba Filipai ade baru kayo fima erian, bei eyo keka ina iyaken ma'a tighami, Banta nasi ma banta ani ma oniya, beti ma ini yain iyenet tiyanafi. ¹⁴ Eyo keka ano tiyan, mana kayo tiyan non ami banta Joni ino tiyan, mana'a ano tiyan Elaisa ino tiyan inka ena kaiyo tiya Jeremaia fi mana'a (parofeti) anka mino tiyan mino. ¹⁵ Tepuro beti ma'a se tigha mi, ma'a ugha ireti iyene te tenan iniya fo. ¹⁶ Ma'a ugha Saimon Pita ben avaya ra everen ma'a sen tigha mi, e'i aviran banta, Ayarafenun ani aun pa'van pa oria ban banta ani mono. ¹⁷ Tepuro everen ben ma tirein ta ma'a tigha mi, sain moni donan ani, e'i va amusin na ono, para vara seo banta ano va ma baiya e'i tiyami va tiya baono. Ten tifo'e ma inarufin bain mano mai yana ma dako uhan ei'i pin dene. ¹⁸ Ma'a ugha tei ena mi ma'a sere e'i Pita, tei mei on daro i tesi mono namun uwarantere. Purin akona ano ida kanai'e mahan barara si intene. ¹⁹ Te'i inarufinte Kindomu ra ma ba-in ki amen tere. Ma'a ughanti ma inte a yanasa ma barafin damuante fo, Ayarafenun va i inaru damu anten, inte a yana sa ma barara utufintenu, Ayarafenu deren inarufin utufintene. ²⁰ Tepuro bei eyo keka tiamiake ma'a sentiamia be'i mae Jerusalemi orontere tigha mi, ma'a ughanti be'iva ko non uma bara a'no banta ayanta ba kakan afova bain banta kaiyo va inka do kaiyo tisa kaiyo va, ano be'i arinti purintene, be'i kanu manu damu ma orianti everen aun baren eh mantante. ²¹ Ma'a ugha mai damu Tepuro arai en beni eyo keka ma'a sentiamia be'i mae Jerusalemi orentere tigha mi' ma'a ughanti be'iva ko non uma bara a'no banta ayanta ba kakan afova bain banta kayo va inka do kayoi tisa kaiyo va, ano bei arinti purintene, be'i kanu manu damu ma orianti everenaun baren e mantante. ²² Pita avi'an aghepa daren akona baiya foke be'in asiaken ten, baiyan a'esina nentasi e'in pin ino, Kakan. baiyan idava everen e'in pin erino" ²³ Fo Tepuro do be,en Pita nan tiaken, Toyampa en tavono, Satan. E'i va mae te'in pin erin danaka iyanka ono, ida e'i Ayarafenun i'na dana ka ini kae iya ono, para vara se banta i'na dana ka ano ini kae iya ono." ²⁴ Tepuro bei eyo kekara tiyaken, iye te'in daghafintenafi, mino dana sa me apiren na bei maripo maren te'in daghafino. ²⁵ Iyen bei aunan (laip) (sevi) oh no va intenafi, auyorapim mana bante, inka iye bei aunan (laip) tesi dorampi na auyoran tenafi everen aunan (laip) baren ten. ²⁶ Inte'a kama dana sa erintenafi mana no ma bei akona na ma, ma barara ma karu daren ida bei laipi banama inite. ²⁷ Ayarafenu Anin befo eni kama avu ava pi bei ankero kaiyo va erinte. Eriyaken maen, mino kaiyo inte'a danaka sa kama iya intenafi, maira i sia kama dana amitene. ²⁸ Pura van enan tiya, mana'a ano ma mara mata gheuna ida puri auna'i ba Ayarafenu Anin ma bei Kingdomu fi ma erinain onanono.