¹ Ma doki ana,Tepuron anan pinte keka ina ino,Deviti an'i be'i Abrahami an'i. ² Abrahami Aisakin afo'e i, Aisaki Jeikopun afo'e i,Jeikopu Juda ma befa-ava eyan afo'e i. ³ Juda Peresin ma Sera ma afo'e i.Bekan ano'e Tama i,Peresi Hesronin afo'e i,Hesroni Reminin afo'e i. ⁴ Rami Aminadapun afo'e i,Aminadapu Nasonin afo'e i,Nasoni Salomun afo'e i. ⁵ Salomu Boasin afo'e i,Rahapi Boasin ano'e i,Boasi Obetin afo'e i,Ruti Obetin an'a i,Obeti Jesin afo'e i. ⁶ Jesi Kin Devitin afo'e i,Deviti Solomonin afo'e i,be ano'e pefa Uria mi manta mi. ⁷ Solomoni Reoboamin afo'e i,Reoboami Abisan afo'e i,Abisa Asan afo'e i. ⁸ Asani Jehosafetin afo'e i,Jehosafeti Joramin afo'e i,Jorami Usian afo'e i. ⁹ Usia Jotamin afo'e i,Jotami Ahasin afo'e i,Ahasi Esekaia afo'e i. ¹⁰ Esekaia Manasen afo'e i,Manase Amonin afo'e i,Amoni Josaian afo'e i. ¹¹ Josaia Jekonian anavasin ban beafa ava eyan mi be'i baren mi,mai damu i Babiloni oman karavusi ugha mi. ¹² I'naimpa ma Babiloni ma karamusi ugha,Jekonia Seltelin afo'eni e mi,Selteli Serubabelin anavasin mi bami. ¹³ Serubabeli Abiutin afo'e i,Abiuti Eliakimin afo'e i,Eliakimi Asorin afo'e i. ¹⁴ Asori Sadokin afo'e i,Sadoki Akimin afo'e i,Akimi Eliudtin afo'e i. ¹⁵ Eliudti Eleasan afo'e i,Eleasa Matanin afo'e i,Matani Jekopun afo'e i. ¹⁶ Jekopu Josepin afo'e i,ma ughan Josepi Marian avafu i baremi,Maria Tepuron kaemi,iyen ankan mano ben av'i ma dante ayaine. ¹⁷ Mino Abrahami anan pinte ma Devitin ta ma orighe in maen 14 anan mi baremi. ¹⁸ Tepuro ni ka-in baya ma Maria ma kae-in,ma'a mi ughen.Be ano'e,Maria,Josepin mi barantene tiren tia'an baren,ma'aughan ida ma manten Josepin ontami,Tifaru ano Iyampon Marian ara pin Iyampon badu-antakami. ¹⁹ Marian avafu Josepi,be'i puntakein banta i,be'i ida ayave bantanasi aurah ameno van ughami,ma'aughan be'i aupake Marian ifa'onovan ughami be ma baranovan ugha'ein. ²⁰ Be'i ma mai ine ine kaiyo ma bariyan bariyan maen,Ayarafenun i ankeron mano kaimpin me dako uwen ma'asen tiamen,Devitin anin,E'i ida va Marian baran nan perano,paravara seyo mai iyampon ma ben arapin ma bain,mai Tifaru beyan mi dan ba. ²¹ Be'i maen mana afon iyampon kain tene ben avi Tepuron ne va te,para vara seyo be'i ume nanin banta avirantene. ²² Mino dan ma dako ein mai ano Tiyarfenuni baiya pema profeti anka ma tian ba ein dako e,beti ma'asen tighane. ²³ Ineno,mana kafe arinta ma ida banta va bagha inain mano e,amu basini e mana afon iyampon ka-intene,beti ma'a mi sen aran tene,Emanuel!mai baiya ahna ma'a mi tighene,Ayarafenu tetin ma bane." ²⁴ Josepi bagha eimpinte emanten Ayarafenuni ankeron mano ma tein ni en ma'aughane,Marian avi an benasi ughami. ²⁵ Ma'aughan ida be ma bagha mi mai iyampon afoka emi.Afoka ma uvin ben avi Tepuronen te mi.