¹ Inain 5 pi bayan, a'anon pristi Ananaias ena a'anon banta kayava 'o' banta kayava gavana Tetulusin bain mo kampun baya sen Polin koti yantemi. ² Poli ma gavana aura o manta vi maen, Tetulusi kampun baya Poli nan gavana aura tiyaken, "ei gavananara mae, teti kama kumaniri "e" tira kusima bauno, ei mae kama dana ma kantrifim bare ere eno". ³ Kakan banta Feliks; mai anara ein tusu seuno, mai nai dana sa mantafo. ⁴ Ida evere ein uman amiya banova muno, ein ina ono vamuno kana tenti baya arakusima initefono. ⁵ Teti ma banta oman afova'e uno uman ma baren Judan auban ma erein, aruven asiven iyan baya dosakien mino Juda bara ankinafa. Mai banta iye Nasareti keka pin ani iyan nafi. ⁶ Mai ade ananta mono namun paini inten ma'a uga bein pakare koti yante tifeu. ^{7 8} Mai ireti Poli ma mino danasama inaiyake ireti ma dere afova inono nai anarasa bein koti yantia tiferavu. ⁹ Judan keka atarufima bain Polin kampum baya siyatemi, beu ma'asen, mai bayama Tutulus ma tigein mai pura baya ino. ¹⁰ Puraino, gavana ana Poli nan baya seno, "Poli everen tiyaken, tei oman afovai 'e' e'i ma kantri fin ayaka jasi baono. Ma'a uga tei timusunia tesi baya ein tiya amenovan. ¹¹ E'i oman afovai'e' oman pamane ida 12fi bayani uga tei monoka Jerusalemi oreu. ¹² Beu mono namu te tein dosen, ida tei mana bantavo tisivuka 'u, ida tei mana keka pin anie uman bare mono namun nafi kakan tauni fin nafi. ¹³ Tarea maen, beu ida witinisi dan bamino teima kampun baya sen kotisin tampin. ¹⁴ Puraino, tei punta'e' en tiyaname no vamuno, puraino tei ayarafenunta mono tiya uno tifoe yama pefa mono tiyan einta mai puraino tei mae Tepuroni baya baku riya mino dana puntae bakuriya uno mai lo bayava profeti kayoma uvama 'am ba 'einta. ¹⁵ Mai tei ayarafenunta akona mumunan uge uno, mai banta kayo ande uno iye purim bantai mantampin, mai puntakein bantavo namu bantava. ¹⁶ Mai asa tei kama ini bariya uno Ayarafenu ma banta auraba ma mino dana ma bariya runa. ¹⁷ Kogon orana ayombake, tesi barara ofa moni bare ere uno. ¹⁸ Teima ma'a iya mana'a banta Juda ke Esia tein mono namunte toneme, mai teima puntakein avu ava bama aya rafenun a' urama mono namu eriyakun, mai tei ida uman baran banta kayova bare uno. ¹⁹ Ma'a ugan mai banta kayo ein aurasa mantaven puntaena baya sino inte a baya rasa tein kotiyan nafi, mai beuma baya bantin. ²⁰ Ima bantin, mai banta kayova puntaena tiyan amaino intea namu danasa teinpim banafi tei ma kansoro aura Judan kayoi atarufima mante runa. ²¹ Ima banti, mana dana bamino mai akonava tiyan ama'e' uno mai damu, mai teima beu aubana mantave. Mai purima mantam bayaino, maimai baya ana ino, tarea mai bayara tein kotemi no. ²² Gavana Feliksi baya sin'a' inka afova'en, ma'a ugam bei Judan kayo sin maen ave ugami. Gavana tiyaken, ina damusa komanda Lisias Jerusalemi eranten nafino, eman kotin'a' uvisinten mino. ²³ Inain bei soldia kayo tiyan amiyaken Polin tasa dafiseno. Bei Polin tiyami yaken kana ino ida mana loano ein airo anani ugemino'e arona kayo ano kasaen 'e'onan temi'e' one maen na ayaino. ²⁴ Inain mana'a damu Feliksi be ana Drusila ma eremi. Dusila bei mana Judan na nin mino. Bei baya dan Poli bain oremi, Poli eren maen Feliksi tiyamen mumunan ono kakan tepuronta. ²⁵ Puain, Poli ma punkein avu ava sama baya tiya maen eaurasa dafiseno ayarafenui koka, Feliksi mai baya iniyaken kakanta perem maen Polin tiyanten maira ampire orono, inain mana'a' damu ein overene aran teuno. ²⁶ Mai damu ana beima inigaein Poli mana'a' moni timintem mino ten inigan, ma'a ugan Polin kogon damu ariyami ma Polin ampirantin ma orinain. ²⁷ Puraino, kan orana ayompake Posius Festus, Feliksi ni baru baren gavanai emi. Feliksi maen Juda kayoi ara darifano yan emi, ma'a' ugan bei Polin a'in bami soldia kayo anitifin soldia kayo dafikan baremi.