¹ Poli inin amin kaiyo au'fen o'aren ten,"tivae kaiyo,tei Ayarafenu aura puntake va kamainin ma ba pa'tare ba'uho. ² Ananiasi anonbanta ano ben a'de ma bain kaiyo wan bein oh tani tian ameno ten. ³ Poli ano ben tiyan amen," ei dafu rake efan paint ano,Ayarafenu ano eni tani tian aminten."Ei mam bakuria ya baiya ida iniya fo, ei ma iniya ona ano tei mam ki'iya ku ei ten para tanitian timen no fono?" ⁴ Iye a'cle manta kare'ein kaiyo anon sen, nai vara ei Ayarafenui hetprisi namu baya tiyantiya fono? ⁵ Poli ma'asen, tivaeyan ti ida ofovaie bei hetpris ino.Ayarafenui bonpon pin ma'a sighen,ida ei va eini banasi lida va mamu vaiya va tiyanta ho.'' ⁶ poli ma kanse kaiyo dosian kamaen mano' ano men Sadusi va mana'a ano Farisi kaiyo, meivan bei ba'duren kansoli kaiyo tiyanmen ,'' tivaeyan, tei Sadusi kayo i'mana iyampon muno tei men Parisi uno.Tei kakan inin ohgen ma dake una men one kun punh banta kaiyo evaren mantano. Meivan tei ko'pin manta'ghe." ⁷ Be ma mai baiya ma tiyan, asivin baiya ano Sadusi va Parisi aubana e'aven aman aubana daima'en kan pintanien. ⁸ Meivan Sadusi kayo ano ma'asen, banta ma ida ayan ma banta bamino, Parisi kaiyo ano mino bane sen. ⁹ Meivan kakan asivin avaya meira e'avu karen Farisi kaiyo i kama inin iye mam ayova ughein banta kaiyo ano emanten akonaen ten ma'asen,"Teti ida ma banta i manu namu dose uno?" Mana ayan ma banta ano fi mana aunan mano ben baiya tighan tenafi?" ¹⁰ Aruvin banta kaiyo i anta bain ayafa ano ma mei asivin avaya ma iniyan, bei pe karemino Poli ma anka'en ma bein aman namuin nainwane, meivan bei aruvin banta kaiyo tiyantan oman kansol banta kayo aubanake aviren akona dafufin mokaen. ¹¹ Ena inuran men kakan mano Poli a'de mantaven ten," Ei ida va perano, meivan ei va tesi vitnesi sa Romi sa ono." ¹² Ena akura, mana'a Juda kaiyo aturu uren akona promisi beuyanta en ma'anen, beu ida dunan nen non nen inten beu ma Poli ma duren mana inten. ¹³ Ao banta esave daghen banta kaiyo ano mie akonaen mei baiya fian damughen. ¹⁴ Beu ano hetpris kayo va anon banta kaiyo fin oriven ma'asen," Tetiyan men mana akona baiya fin dare i Poli ma arure ana dunan nante'u. ¹⁵ Ma'an ughanti ireti kansol kaiyo va orive tesin Ayafa ano bein aviren ire vain erinti ma'ane ireti yan beni ko kama'e daimeno van. Teti ano mara puntae bare bain ma mara erinti aronte." ¹⁶ Poli ananoen anin mano inin beu kampuntiren ave ughen banten. Bei akona dafufin oiven Poli tiyanmen. ¹⁷ Poli ano mana aruvin banta aran me daren bei tiyan amen," avirei ma arera iyampon Ayafa vain mo daresin, bei mana daiya dan baimi bein tiyaminten." ¹⁸ Maivan men mei aruvin banta ano eman mei arera iyanpon aviren ayafa vain mo daren ma'asen, ku ghein banta Poli ano tein tarare ma'asen avire ma arara iyanpon evain erino van, bei mana'a baiya dan bain ein tiyan minten. ¹⁹ Ayafa ano ben ayan baken akempa mo daren bein inaen." Tisimeno na'i baiya tein tisimeno ra fono? ²⁰ Arera iyampon mana ten,"Juda kaiyo ano baiya damuren ein inainti Poli aviren inun oruman kansoli kaiyo vain desin. Beu ano bei ko kamaen dosinovan. ²¹ Mei ifo beu avaya va ida va ineno. Mei vamen 40 esavedaghein banta ano aupa bein ava ughen banten. Beu yan akona bai yasen ida teti mana non ne dunan ne' Poli ma arure ana onte. Beu yan puntaen eniavaya ana ave ughen." ²² Ayafa ano iniren inain ma arera iyanpon ma tiyantantin ma orinain, bei dafisin baiya bein tiyan mikaren ma'asen, ida va mana banta va tiyan amue ma baya ma tein tisime ona." ²³ Kanka'nan opisa aran bevain erivin beu tiyan amen," 200 aruvin banta punta'an daresin Siseria ma orinain ne, 70 aruvin banta ma hosi daro ma kumaniyain va 200 aruvin banta ma uwe ma bakiyain mase. Ierti a o'cloki inaran mi orino." ²⁴ Beu tiyan maen Poli ma meyaro ma kuman ninain uraran masa puntarano. Eretisa bein kamae dafibe va avire gavana feliksi vain orono. ²⁵ Bei mana bompon uware: ²⁶ " Tei kiaudias Lisias ano tesi baiya dekun kakan anta bain gavana Feliksi fin oren. ²⁷ Juda kaiyo ano ma banta bakaren bein aronovane. Tei ma tesi areuvin banta kaiyo ano ma bein meifin ma erive ma ayae unae. Tei ma afovia'e una men bei mana Romi ke banta ino. ²⁸ Tei afovai ono vare naivare bein aufinkesi iyanafi, meivan mi tei avire beu ni kansol bein ore. ²⁹ Tei ma dosiyan kamae una me beu ano bei aufintesi iya n men beuyani mana'a mam baiya finke inaen. Mei ifo bakaren ma dafufin kaen ma banama parino ma seine. ³⁰ Te ma ineruna men beu mana namu inin mei banta arinton danban ne, meivan te bein evain aine tiyantekun eren, tiyamesin mei bema aufini iyain banta kaiya en aufa emana bein ko tiyantano. Inkae." ³¹ Aruvin banta kaiyo ano beu in ayafa avaya inien inuran pinke Poli aviren Antipatris araven. ³² Ena akura men aruvin banta kaiyo ano Poli ma mana hosi yaro ma kumanian aruvin banta kaiyo tiyanten. beu yan evarenen beu ni akona dafufin evavene oren. Aruvin banta kaiyo ma hosi daro ma kamaniyain mano Poli ma oren. ³³ Beu ma Siseria man oman afokasien, beu ano bompon Gavana amien ben aura Poli ma oman mantaen. ³⁴ Gavana ano ma mei bompon ma oman ma intaren, bei Poli inaukaren, Ei intea Provins ke fono? Poli ma'asen, Tei Silisia ke uno. ³⁵ Gavana ano bein tiyan amen," mei banta kaiyo iye ein ko ara kein kaiyo ma erivinti ereti minoi ko damente." Bei beu tiyan amen Poli na kamae dafiseno Kin Heroti ni kakan mapine.