¹ Ma'a ugan Festusi provinsifin edun peremi, inain tarifara bayam Sisiriake Jerusalem o'emi. ² Het Pristiva Judan kayo a'non banta Polin kampum baya tiyan ten akona inain Festus inaukami. ³ Beu maen bein inaemi no eyosintin Polin uman amenovan beima Jerusalem erinti, mai asa maen, bein aruan puronovami. ⁴ Festusi everen tiyaken, beu maen Polin pakaran Sisiria ida ayaken bami, beyanta everen maifa orinten. ⁵ Bei tiyaken, " ma'a ugan, mana'a kayo irema kanai uganten, tetima kana mesapa orino. Mai banta fima uman banti, kana ino iretiva bein Kotian tano." ⁶ Inain Festusi ida maira 8ti bayama 'o' 10ni bayama ida maira bami, bei maen Siseria ara bugami. Mai ena bayan, orem maen okumaen mi ko inenovan, bei beu tiyami yaken inkaifo Polin avire tei bain ereno. ⁷ Plima maira e'uniya maen, Judan keka Jerusalemi ke bein ade emmanta gami, beu maen kogon akona baya sigami, mai beu dante ida kanaien beni ana mai bayafin dosemi. ⁸ Poli everen tiyaken tesi baya akona ono vamu, ida tei mana Juda kayo i lo namu'uge uno, 'o' mono namu tasafi a'a sisan avikasafi." ⁹ Mai Festusi Judan kama ara barano van. ma'a ugan everene Polini baya tiyami yaken, kana ei Jerusalemi evere o'esisa mai danasintai ko inen tesa fono? ¹⁰ Poli tiyaken, " Tei sisan aurai mante uno, beu maen teinti kosa inino. Ei afova suron uge onol tei ida mana Judan banta aura namuge uno. ¹¹ Puraino tei mana ume manta ekun mai mai umera ma tei purekum maen, puraino ida tein pin mana baya bamino. Purtaino beuma baya siyama tein tufinke anama iyante, mai puira baya baino, ida kanai en mana banta ano tein lo ayampin kainten, Tei sisan tiyan me teinti bayava ineno. ¹² Inain Festusi kansoli kayova ma baya siren, bei everen tiyaken, "Ei sisan tiya miyake teinti bayava ineno, ma'a ugan ei Sisa baina everene orono ¹³ Mana'a damu orafubin mai ayompake, king Agripa nu Benais Sisaria oremi Festusin o'are amusin baya senovan. ¹⁴ Inain kogon bayam ma maira ma bei baken maen, Festus Polin kotiyantam baya King Tiyami'en, bei ma'a semi, " Feliksi mara mana banta me ampemino kalabusi anden. ¹⁵ Teima Jerusalemi bakun, het pristiva Judan a'anon banta kayo eren teinta mai banta me kotiyan temi, mai beu kopin ina emi, eyossesire ma banta uman ameno. ¹⁶ Tei beui baya evere tiyami yake, Romin avu ava saino mana banta avian amintin ma banta kayo aruan purin, bei bayasen bei baya akona onovan iyenbanta bein kotiyan tiyanafi. ¹⁷ Ma'a ugan, beuma mara tein ma e'ataru iyamae, ida tei ave ugauna, ena bayam mae tei Kotin barura okumane mae, tiyan ame mai banta avire e'onose. ¹⁸ Mai kayoma beintama kapun baya ma tigain emante bein kotiyan temi, teima inigae runa, idama baya kayofin ida beni uman bami. ¹⁹ Ma'a ugan beu maen mana'a uman baya tigami beui mono tin avu ava kayofin, tiyaken Tepuro pr fukemino tiyan maen, Polintiyaken bei pa laifinbamino. ²⁰ Tei ida afova uge uno mai 'a' ana dosian afokain, tei bein inaiyake Jerusalemi orinte fono mai dana sinta i ko ininta. ²¹ Poli tein inaiyan kana tei kalabusi namun pa aveuge bakuna Sisa me teinti ko ininten nafino, tei beu tiyan amiyake kana bein pakaresin kalabusi namun pa banti mae tei tiyantan maen sisa bain orinte. ²² Agripa maen Festusi tiyan miyaken," Tei dere mai bantai i baya ineno bamuno," Festusi tiyaken", inuran beini baya inen teuno." ²³ Ma'a ugan ena damu maen. Agripa nu Banaisi nu mai ataruin barura erin maen banta nasi kakan amusin en, beu ataruin barura dum peremi ami kayoi ofisa ba kakan tauni a'anon banta kayova. Festusi ma ovaram maen, beu Polin aviran bevain eremi. ²⁴ Festusi tiyaken, " King Agripa, ma mino banta nasi iye tema mara bafo, ireti iye ma banta ontefoi, mai mino banta nasi Juda ke iye teima ma baya inigan nafi Jerusalemi ba maraba, teinta ovarian tare ana ma banta purinovan muno. ²⁵ Tei one umpo ,a banta ida mana uman mante mino bema purinain bei sisan inaukamino bein ayan inovan, ma'a uga tei initauno bein tiyan tekun orinovan. ²⁶ Ma'a uga teinpin ida kama baya bamino bompon ma uwama ekun sisa bain ma oronain. Mai paravara seiyo, mai inita maen, tei bein avire ebain ere uno, ein King agripa tei mae kogon dana baya dekum bain uwama ekum ma umanta orinte mino. ²⁷ Paravara seiyo, ida puntake mino tei mana kalabusi banta tiyan tekum ma orinain ma'a ugan ida beni ana bain bayarai bein kotiyan tiya tife uno.