¹ Keba nana akereke buini mingunu nya nguesheke Ishiti u mishi ma bate Areke wu ya shundju a nkereke wene mingunu nya misheke u mishi ma bate nde ishini bi imono, mbe djara ngosho wapa pete mpoto u bora Ishu yono iyi u riki. ² Anana ngo a nyeke wene moto mpoto mu ruwondo a reke wa boko mbere, ipu ra meke kere bina masha mapende u kata ba sunangongo ndo u ndenge sha mboko, keke ande bate bi batonosho.u bara-bara, ndaka bushosho, bate bana ba mana wosho iputu ra banda. ³ Ishini wene, itanga anyeke wene bate bikete dja mpoto mu ruwondo reke iyata rawa ri ba wata rayebe runu rua kereke iyata ri barungu. ⁴ Keke iyekere rawa ra mpoto mu ruwondo rara u bashuama.Ndo Ishu yono a meke mono meyi u bushuama ipu -yiputu. ⁵ Ndo itanga ranomboko buini Ndjambe areke buara ngo bina masha mapende, ishin'ande bameke wondo u rombo bayete a nkiti u kata sunangongo ando u masha-shana ma mboko kek'ande bate bi ba mono.U bara-bara ndaka bushosh'ande, bate bana ba mana pete ipotu ra banda. ⁶ Ishini wene itanga ranomboko wene Ndjambe, unini u mbura kata, u riti ikuku, ndo urombo Ishu yono yiyi u bushuama, ndo Ishu yono ameke monoko u bushuama iyeke iputu. ⁷ Itanga ra nomboko buini, areke bua wete shambasha meye ma buiki, ipu ra meke kere bate bana ba bere yebe Ndjambe, bame ke wengey'ande Ndjambe i bawo bawo kosho ishini kushambasha meyi mabuiki. ⁸ Ishini ngo, areke bu bapuanyi, shin'ande Ishini ameke yebe runu ruya yini nyingi u bosho bua buini u rombo. ⁹ Rend'ana ipu rirombo buini :<< Ishiti yono yi u riki', rukombo ruawa ruara ru ikini. ¹⁰ Bukumu buawa buiyi; ruwondo ruawu rukereme ushina mana puara a keremeke rundu uriki. ¹¹ Tshuyeke arini ma djiri miti mi rushuwu ando rushuwu . ¹² Tshu rimbishi bube buiti bua make biti ikereshe ngo ipu ra rimbishi biti bana baka tshukereshe bube. ¹³ Areke wu tshu nishi u matete, keke tshu wondjoro u bube.>> { Ishin'ande bukumu, bunono aki rutono djiyi djawa shera - shera , Amen} ¹⁴ Ishin'ande, mbe djar'ande, buak'rimbishi bate mandimbi ma banda, Ishini yona yiyi u riki ibu ri burimbishi a buini. ¹⁵ Keke mbe djar'ande, kabua ntsheke rimbishi bate, Ishini yapa burimbishi mandimbi mini bi. ¹⁶ Itanga rankiniki buini bidjere, reke buar'ando bosho bu irerere, ngo bate bina masha mape, bameke barara masha ma banda, ishini kushundju bate ande bankini bidjere. Ndaka bushosho u bara-bar'ande,biy'ando iputu ra banda ramana ba wosho. ¹⁷ Keke, itanga ra nkiniki wene bidjere, uwoko bosho, aki buya shitiri shara . ¹⁸ Keke ubere shundju bat'ande nda nkini bidjere, keke pamunu ishu yono iyi u iraka ra shuama, ndo ishu, yono amonoko u iraka ra shuama, ipu yiputu. ¹⁹ Areke bu ya rondosho biroko djini dja nganga u shina mana yini yiyi ba bombo ando butara dja meke biwono, aki bembe baka ya nishi ndo ba nguembereke. ²⁰ U yiraka rini , bu ya rondosho biroko djini u riki u nono kua ba bombo, kua butara bua ngua ruere biwono, ndo nono bembe ba ka ruere ya nishi u wembere. ²¹ U iraka ri biroko djawa dja nganga, iraka ri wara nteme muawa. ²² Rishi riyi muindi mu rutoko. Mbe rishi rara busheke, rutoko ruawa rua rukimi ru wara yembe. ²³ Mbe rishi rare bube rutoko ruwara rua rukimi ku muimini. Mbe djar'ande yembe rini riyi u rutoko ruawa rui muimini, muara bunene mbuenye: ²⁴ Moto akapa ruere kereshe ba kumu bapende ngumu, shin'ande yande iwowoko moko bube ndo iwowondo indjueke, mbe kuapa ibama moko ki indjueke imono ngona ngono. waka ruere kereshe Ndjambe iraka imoko ndo biroko. ²⁵ Iraka rini ndaka mi bushosho, areke buar'ando djengeyi ishini nionyo nyini, ande tshud'iyeye,{ tshu nyu yeye } ishin'ande tshu reye iyeye. Keke monyo mua robo reke bidjere, ndo rutoko rua reke mapere? ²⁶ Renda na bapuru bariki kaba meke wono, kaba meke kunu ndo ka kaba meke rondo bikete u djanga, keke ishini djua riki yanda ameke ba djishi. buini shi bu bareke nganga dja shamba ? ²⁷ Nana u ndenga yini, ishini mabokoro manda ma djengiyi djanda anguaruere ya nyayishi matuwu meke u kata matuwu manda a ni shina mana ?. ²⁸ Ndo ishini yeye bua moko djiengeyi shini yeye u rueye ru mapere ? Rend'anana matendere u mashobo, mameke pushuwu busheke: ka mameke kere ngunu, ka mameke tere mapere, ²⁹ Keke ndaka bushosh'ande Solomo ukata rutono ruanda rua rukimi, ka batoko neye ngo itendere imoko. ³⁰ Mbe djar'ande Ndjambe aneyeke matendere mi mashobo, mana miyi arini a ngeshe miwomo ndo bi maboko u tiyi, ishini yeye ibere ya bureye buini u reke. Buini bate bi maweshere ma makeke ? ³¹ Ake reke buar'ando djengeyi u miteme ndo u ya wurur'a nde : << Tshu dji iyeye?>> mbe << Tshu nyu i yeye ? >> mbe ki << tshu reye iyeye? >>. ³² Shin'ande bate bana ba bere yebe Ndjambe banda ba meke shoto meyi mana mamakimi, Ishini ndjua riki a maka yeb'ande buiy'ando dji nyingi . ³³ Bu koto bushoto bukumu {bua Ndjambe} ndo rongo ruanda, ndo bikete dja bikimi bibuye buyek' a djindi ambishi. ³⁴ Areke buar'ando djengeye bi ishini ka ngeshe, keke ngeshe mua wono mua kuwara ando djengeye dja ma mundu. Rushuwu ando rushuwu rwiy 'ando meyi ma rundu.