¹ Amono Yesu djoro dja bate,ya ku banda a riki ra nkondjo. A shimiki yande baweke bande kwiyi akorande. ² Ya ku ripiri numbu muande keke ya ku tapa bayishi meyi mana ngow'ande: ³ << Bunyaka u bana bi poto wu nyuma, Ishin'ande bukumu bua riki bwiyi bua bande. ⁴ Bunyaka bwiyi wu bane ba nereke ishin'ande bi bawi bawindjiri. ⁵ Bunyaka bwuiyi wu bana bakuya wundjiyi, shin'ande bi kikiti shini. ⁶ Bunyaka bwiyi wu bana biyando ndjare ndo nyinga a rongo shin'ande biwuwutu. ⁷ Bunyaka bwiyi wu bana ba ngoko bate ntshongo, keke bi bawo bawok'a banda ntshongo. ⁸ Bunyaka wu bana biyi ando miteme nya yembe ishin'ande bi momono Ndjambe . ⁹ Bunyaka bwiyi wu bana ba miki rata poro ishin' ande bi bawu bawuru bana ba Ndjambe. ¹⁰ Bunyaka bwiyi wu bana ba monoshoko banda mitanda ishini rongo , Shin'ande bukumu bua riki bwiyi bua bande. ¹¹ Bwiyi bina bunyaka mbe djar'ande bate baka butowo mishingi ndo baka bu monosho ntanda, mbe kuap'ande ba ku roro meyi ma makinmi ma mabe ishini miyi. ¹² Nyak'anana ndo war'anan'ando bunyaka, ishin'ande mpoto muini muiyi mua munene wu riki,ishin'ande dji pwara yini bate a monosho banda ndjoro ba ngandjambe bana ba wara wubosho buini. ¹³ Bwiyi ngere mua shin'amana, keke mbe ngere mua shiri piy' a mundu, bu kara mu tushu piyi ipu nani, mua kapa mushe kara wiy'ando ngunu, pamun'ande bi mu boko,boshobo keke bate bi mu nyek'a para. ¹⁴ Bwiyi muanya mua shin'a mane. Boro bunu bua pik band' a riki ra nkondjo, baka ruere bu shueye. ¹⁵ Djy'ayash'ipu imok'ande bate ka ba meke namiyi muindi ishini ku puruyi ikara, keke wu mbete ndjeke ba meke mu shiki ka riki ra mese, kek'ande mu yembeshe bate babakimi bana biyi wu mburu. ¹⁶ Djyi'ayash'ande muanya mwini mu baruwu wu bate, keke a mono banda mineme nyini nya misheke, ndo bi tonosho Ishini yono yi u riki. ¹⁷ Areke bua boko buany'ande nda wiyi ishini ku djake mi kendje nya bora Mose mbe kuapa bangandjambe, ka nda toko wiy' ishini ku mi djaka keke nda wiyi ishini ku miyeriye. ¹⁸ Wu bara-bara, ndaka bushosh'ande ngo riki ando shini ibere dji shamba, kuap' a ka rete kaka keke ka moko ka nkendje mbe ke shonyo kamoko ka kanda ki numuwu bi to ndo meyi ma makimi iyemene manda. ¹⁹ Iraka rini yono ndjua nyaka ibenge rini rimoko ra rikeke a nyishiki bate ande bi kere ipu rini ngowo,iwara ndjua shamba bukeke wu bukumu bua riki, keke yono ndjua maka mu yeriyi keke anyishiki bate ande bi ker'a banda ipu rini, bi nguru ndjua nene wu bukumu bua riki. ²⁰ Ndaka bu shosh'ande, rongo ruini mbe rua bere shamba runu ru bapundu kanda mu mikendje ndo runu ru bafarisayi, ko bu she nini akapiti wu bukumu bua riki ²¹ Bua ma woko ba bi shosho bin'awar'ande : a reke wa djaka moto, keke << moto ndjua nkimi yono idjaka moto ndjueke,ishashamba wu makamba,>> ²² Keke miy 'aki ndaka bu shosh'ande moto ndjua nkimi yono iwokosho muan inyand'ande kabua : amaka yemene wu shamba wu bosho bu' ikindi ri makamb, Ndo moto ndjua nkimi yono iroro muayinyand' ande : << Wene wi iyene >> ama yemene ba wu numbushi u ikindi ri makamb ra bina Yude, ndo yono a maka noro ande << muini irara>>,ama yemene u mono ndjoro wu ibembe ra ngindi ra tiyi. ²³ Ndjiy' ipu imoko mbe war'a mwamba muawu mu we reye u kinda ndja ikini ndo mbe wa wibuw'ande muana anyowo iya ndo rueyi ariki rawa ²⁴ Rekere muamba muawa anana u bosho bua kinda ndja rikini, toko wende bu wokosh'ando muan anyowo keke wiyi u reye muamba muawu. ²⁵ Wokoshan'ana buash'ando moto yono a ma ipundu ngo yi buini ande a mboko, shin'ande mpundu a wa irereye u djara dji ba shushu ndo bashushu bi yireyireye u ndjara dji ba bapurushu, keke bi ishishiki u mburu buroko. ²⁶ A bara bara nda kishosh'ande: ngo wa she punu u nono too ndo yiputu wene kakakimi kana ki ndo wa ngo mbata. ²⁷ Bua mawoko baror'ande ,<< Areke bua kere bundumbu.>> ²⁸ Keke miyi ndaka bushosh'ande, ndjua nkim' irende ngata ndo u boro nteme ama mana kere bundumbu ando nde u nteme muande. ²⁹ Mbe rishi rawa ri barungu reke ishende ishini wene wu buaka, riteye,wu riboko tamba ando wa; shin'ande djanyemene i tenye rawa imoko ri rutoko rishotono, bua banda wubere boko ru toko ruawa rua rukimi wu ibembe ra ngindi ra tiyi. ³⁰ Mbe yar'ande rowo ruawa ru barungu rua meke ishende u buaka rukekere,wu ruboko tamba ando wa; djanyemene'nde, shin'ande itenye rawa imoko ri rutoko rishotono, u bere boko rutoko rawa rua rukimi u ibembe ra ngindi ra tiyi. ³¹ Ba ror'ande :<< Yono ibere ngar'ande inyeke nkanda mu dja ibaka.>> ³² yono ndjua nkimi, ibere ngar'ande, mbe dja bere warande shi she kere bundumbu, amaka ntomo ya u buaka ndumbu, ndo yono ishiki ngata djua a bere banda a ma kere bu ndumbu. ³³ Bua ma kara woko, ba shosho ba mam' ande : < ³⁴ Keke miyi ndaku bushosho areke bua ya koko akapiti, mbe ishini riki, ishan'ande riyi nguasha dja bukumu ndja Ndjambe. ³⁵ Mbe ku shina mana, ishin'ande yiyi iraka ra ntshiki ya para shande, mbe ku yerushareme, ishin'ande bwiyi boro bua bunene bua boro Kumu ndjua nene. ³⁶ A reke wiya koko bi a ntshua muawa, ishin'ande wakapa ndo bunono bu barara rupuiyi rumoko rua yeme mbe rua bumburu. ³⁷ Ru toto ruawa ruara << E,E >> mbe << kuapa-kuapa>> djia bikimi dja nyayike bande rua miki punu ku bube. ³⁸ Buama woko babi ror'ande:<< Rishi-wu rishi >> ake rini wu rini>> ³⁹ Miy'ake ndake bushosh'ande, areke wakarsha bube u moto djua me; keke ndakubushosh'ande mbe moto i boro rukasha wu itama rawa ri barungu, wukara nyeke itama reke. ⁴⁰ Ndo mbe yara moto aro we irata ri tshirumbu bua yande wu wosho kazaka ka wa, nekere iwosho a shumushu awa. ⁴¹ Mbe yara moto aro ikereshe u totoro buriti tambe tshinunu, kere,ando nde tamba binunu bi pende. ⁴² yeke yono amak'irombo, ndo areke wawimini moto yono anoko u shombo ikete. ⁴³ Bua ma woko aroro b'ande : << Wu wondo muendja wa ndo wu woko muina ikembe rawa bube.>> ⁴⁴ Miyake ndake bushosh'ande :<< Wondo anana bina makembe bini, rombosha nana bana baka bumonosho ntanda Ndjambe. ⁴⁵ Keke bu wara bana ba bora Ishini yono yiyi wu riki;shin 'ande y'ande ameke bendeshe itanga randa ariki ra bate ba babe aki ba basheke, ndo ameke nyowosho mburu wu bate ba barongo aki bana bi berewiyi ba rongo. ⁴⁶ Shin'ande mbe bua wondo bana baka bu wondo iputu nana ripete buini ? Ayasha ba rambishe ba namba ba nkereke ipu imoko. ⁴⁷ 47 Ndo djar'ande bua nguimbishiki pa babi nyini, buakereke rueyi nane ruareke ? Ayasha bana ba bere yebe Ndjambe ba nkereke ipu imoko. ⁴⁸ 48 Buin'ake buara bayemene ngo Ishini ndjua riki iya ndjua yemene .