¹ Keke Nyuma Ndjambe kue rata Yesu u kata nenge mua yere, shini diaboro ye nkike. ² Ambishi a mana ya kini bidjere nyanya masha mane ndo matuwu , masha mane, ya kuwoko ndjare. ³ Nkik'a ya kukaruwa ngam'ande keke ya ku noro: Mbe yar'ande u Muana a bora Ndjambe, roro mamanya mana mi barama ma bata ma kata. ⁴ Keke Yesu ya kumarara y'ande : Bapund'ande moto a ka ruera war'ando monyo pa ishini kata yind'amene bi. kek'ake ishini rutoto rua rukimi rua punuku u numbu mua bora Ndjambe. ⁵ Diaboro kwe nata wu boro bu ikini, keke ya ku ntotoro ya kwe ntshiki wu tot'a Tempero ⁶ Ndo ya ku noro :< ⁷ Yesu ya ku marara y'ande :<> ⁸ Diaboro ya ku kar'we ntshende ayash'a riki ra nkondjo mua ndemb'a riki, keke ya ku ntshundju makumu mamakimi mashini ndo rutono rua manda. ⁹ Ya ku noro y'ande :<< ndi yeyeke bikete djini ngowo dja bikimi, mbe wa boro mamongo ndo watoro miyi>> Yesu ya ku noro y'ande: kobuw'anana satana, ishini ba pund'ande:<< Wu toro kumu, Ndjamb'awu ndo wu kereshe pa yand 'amene>> ¹¹ Kek'anana diaboro ya ku nekere, keke rend'ana banjero ba kuwiyi ndo ba ku nguatishe. ¹² Itanga ra woko Yesu ande ba wate Yone , ya kwende ra Ngarere. ¹³ Ya ku kobuwu wu Nazarete, keke ya kue shikimi wu Kapernawum kana kiyi ngama-ngama ando iribi ra Ngarere wu shini dja bora Zabulone ndo ndja Nefatali. ¹⁴ Rueyi runu ngowo rua wiyi ishini ku yemeshe rutoto runu rua toto ngandjambe Yeshayi ¹⁵ Bina shini ndja boro Zabulono ndo ndja Nefetali, u mbet'a iribi, u muiri mua wono mua Yadene, u Ngarere dja bate ba bere yebe Ndjambe. ¹⁶ Bate bana ba shikimi u muimini ba ku mono yembe ra buiki ndo bana ba ntshikimi u itenye ra shini ndo irurumbu riwa, muanya mu ku babarara>>. ¹⁷ To itanga rini, Yesu ya ku tapa u yisi ndo ku roro : << barar'ana miteme nyini, shin'ande bukumu bua riki buiyi ngama.>> ¹⁸ Ngo pwar yini ya wiki ya wiyi u kwandja mui ribi ra Ngarere ya ku mono bana ba moto moko bapende,Simo,yono ndjua nguruku ba Imanya ba muan'inyande Andere, ba wara bi boko buanda bua bande bumoko u iribi shin'ande birembe dji bashue. ¹⁹ Yesu ya ku ba roro y'ande: Yi nana, ndab'anana, keke ndi bubarare birembe dja bate.>> ²⁰ Mun'anana rini, baku rekere mande ma bande keke ba ku tapa u naba. ²¹ Itanga Yesu a weke ya wende u rende ruanda, ya ku karya mono bana ba moto moko bapende bi barungu Jake, muan'a bora Zebedayi ba mua'inyande Yone, ba wara ba ntshikimi u kata buat' ando ishaba Zebedayi , ba bi roriye manda ma bande, ya ku baboko mbere. ²² Keke mun'anana ba ku sha rekere buat'ando ishaba ke ba ku naba. ²³ Yesu ya ku ribiri u shini ndja Ngarere ndja ikimi a wiki yishi u ba synangongo ba band' a wiki shono rushanga rua rusheke ru bukumu ndo a ukubereshe mawara ma makimi ndo bitowo djia bikimi djini dja war'ando bate. ²⁴ Rushanga ruande ru ku muaman'a shini ndja ikimi ndja Siri keke ba wiki nasha bate ba bakimi bana ba tatake,djoro sha mboto sha shakimi, bana ba war'ando ba demo, bana ba weke tikinyi ando bin' ishesheke, ndo Yesu ya ku ba bereshe. ²⁵ Djoro dja bate dja buiki dji ku naba utapa u Ngarere,Decapore, Yerushareme, Yudaya inamana muiri mua wono mua yadene.