1 Matu mana, Yone mu Batise awiyi u muanga rushanga u nenge mua yere mua Yuda. 2 Arok'ande: < Barara nana miteme, ishini bu kumu bua riki buiyi ngama.>> 3 Keke renda na,Yone yanda yono aroro ngandjambe Yeshayi, ya kuroro : << Rubere rua yono amoko mbere u ndenge bushobo roriy'ana mboko a boro Kumu, shember'anana tshu boko tshuande tshua tshukeke.> 4 Yone a wara mapere ma nyosho nya shutu Kamere ake nkoro mua iyobo ra shutu u irongo randa. Bidjere ndjande ndja wara bapashe ndo bwitshi bu bandjueye. 5 Keke yerushareme, yuda ndja ikimi aki itenyi ra shini ra rongo mashi ma yadene baweke babakimi u boro buanda; 6 Ndo ba todondoko madimba ma mabanda, ba weke nde bi batisi uboro buande u ndjara ndja Yadene. 7 Keke, amono yande Bafarisayi ndo Basadisayi babuiki ba biyi u ibatishi rande, ya ku baror'ande :<< mboto ndja ba ndjowo ba kabua , nana amabuwibiri buini u tini kabua shini shamiki ? 8 Tu nana ndombo shashi sheke u ma barara mi miteme nyini. 9 Areke bua boko buanya u rora buina men'ande : << Tshuiy'ando Abrapam ngo mama iti >> Keke ndak bushosh'ande, Ndjambe a nguara ruere barara mamanya mana ma wiya bana ba bora Abrapam. 10 Anana ikenge kara ra nguara ushina nyiri nyi mite. nti mua mukimi ake mua meke tu ndombo shashi sheke bi muba mubatera ndo u muboko ukata tiyi. 11 Miyi, ndaka bu tishi ku mashi, ishini kue bu rata u mabarara mi miteme; Keke yono a miki u mbish'ame a ma ndeke miyi bu nono, ndo she nda yemene u reye poko shande sha para. Yande, yi kubutishi u nyuma ndjua ntsheke ndo u tiyi. 12 Iya ndo ntshowo muanda u djara; yiroroyo iraka rande ri mawanyiyi, ndo yikokiyo mashanga manda u yanga, keke bitete yi bikobikoro tiyi tshunu tshua meke we nyimi.>> 13 Keke Yesu kupunu u ngarera kutoro ubora Yona u masha ma yadena, shini ya u ntisi. 14 Keke Yone a berk' ande: << Miya ndiya nyingi ndja wene u tishi, ndo keke wene wamiki u miyi ? >> 15 Yesu ya ku marar'ande: rekere djikereme kek'angowo, shin'ande dja nomboko ngowo ishini biti uyemeshe rurukimi runu rua ngondoko Ndjambe, ndo Yone katoko rubere bi. 16 Ambishi amana ya wosho ibatisi, Yesu ya ku punu u mashi, riki ku ripuwu.Yaku mono nyuma Ndjambe kutshuerewe ariki ra ntshu muanda ngo kakutukumbu. 17 Ru toto rua punu u riki ande, yono yiyi muana me ndjua rowondo yono a ntshereke mi nteme muama mua mukimi.