¹ .<< Areke bua rumbushu bate kek'ande a buini kabi burumbushu. ² Ishin'ande Ndjambe yi bu ruburumbushu puara ini ya rumbushuku buini bate. Ndo ruere runu rua ngoshoko buini ishini ku bokosho bate, wu ruere munu runu ru moko ru wosho banda ishini buini. ³ Ishini yeye aneke wene itete rini riyi wu kata rishi rabora muan'anyowo, keke ka wamonoko itenye ra nte rini riyi wu kata rishi rawa bi ? ⁴ Ipu nana ri rere wene roro muan'anyow'ande : << ndekere ra teye itete wu kata rishi rawa, >> keke wene wiy'ando itenye ra nte wu kata rishi rawa?. ⁵ Muina masha mape, bukoto teye intenye ra nte u rishi rini irawa, keke ambishi yini umomono ipu nane riteye itete rini riyi wu kata rishi ra muan'anyowo. ⁶ Areke bua yeke ba mbua bikete djini djiyi dj'ikini, ndo areke bua raya ma manya mana ma nganga wu bosho bu banguru, soko ndjeke djiy'ande banguru bi ruere wu manyek'ando para, keke ambishi yini bikaruwu bi bu peshere ⁷ Rombo anana ndo bi buye,buyeke , shoto anana keke bu momono , kokor'ana keke bi bu ripiri. ⁸ Itshin'ande ndjua nkimi anomboko i wowosho, ndo ndjua nkimi ndjua antshotoko imomono ndo moto ndjua nkimi ankokoroko, bi ninipira ⁹ Nana u ndenge a yini mbe muan'ande anombo itenye ra diampa, inyeke imanya ? ¹⁰ Mbe kuap'ande inombo shue irene nyeke ndjowo ? ¹¹ Mbe djar'ande buina bana buiyi bate ba babe, buaka yebe wuyeke bikete dja bisheke u bana bini, ipu mbuenye Ishini ndjua riki yibere yande yeke bikete djia bisheke u bana bake nomb' a ndjinde ? ¹² Keke rueyi rua rukimi runu rua nguesheke buinu'ande bate bi bukereshe, bu bakereshe a buini arundu shini 'ande djiyi Mikendje nya Moyise ndo Mikanda nyi ba ngandjambe. ¹³ Nini anana wu ikuku ra rikeke ishin'ande ra rinene ri ikuku, u wororo yi mboko yini ndja meke shende ri ma rimini, ndo biyi ba buiki baniniki u mboko yini. ¹⁴ Keke ra rikeke riyi ikuku, ndo mboko ndja ikeke yindi yameke shende moto ra monyo, biyi ba keke ba kimono. ¹⁵ Ya rondo anana wu ba ngandjambe ba babe bana ba miki u buini, bamiki u buini baneye poko shi ba panga, keke ukata banda biyi ba nyimi ba kabua. ¹⁶ Bu ba yebe ku ndombo sha banda. Ba meke kunu ndombo sha vinyi u minamba nyi mishueye ? mbe kuap'ande ba meke kunu ndombo sha fiki u nte mua kenge,? ¹⁷ Djiya ayasha ipu imok'ande nte mua mukimi mua musheke mua meke tuku ndombo sha sheke, keke nte mua mukimi mua mube muameke tuku ndombo sha shibe. ¹⁸ Nte mua musheke mua kapa ruere tu ndombo sha shi be, mbe aki nte mua mube muakapa ruere tu ndombo sha shi sheke. ¹⁹ . Nte mua mukimi mubere tu ndombo sha shisheke bi muke mukekere bi muboko u tiyi. ²⁰ Djiy'ipu imoko ande buyebe bangandjambe ba babe ku ndombo sha banda. ²¹ Bana babakimi bampuruk'ande : << kumu, kumu, >> ko ba shenini u bukumu bua riki,kek'ake pamunu bana bankereke ruwondo rua bora Tata yono idjuama yiyi u riki. ²² Bate ba buiki bi ndondoro rushu runu bande: << Kumu,Kumu>>, ka tshua toko wendjuwu wu ru kombo ruawa ? ka tshua toko bingi ba demo wu rukombo ruawu ? ndo biti kukere meyi ma buiki mi bishana wu ru kombo rua wu? >> ²³ Keke ndi ba roro u woro mi nde : << Kepe ndi buyebe bi, Pambu'anana tamb'ando me buini bana ba weke kere meyi ma mabe. ²⁴ Iraka rini, ndjua nkimi angoko toto shama shini sha totoko miyi ndo amake shikere, yi we moto ndjua buanya antshoroko mbur'ande ariki ri imanya ra rinono. ²⁵ Mburu ya ku nyowo, mishere ku yoro, pungu shi ku kuishi ndo dji kuyawitiri ariki ra mburu: mburu kaya toko pukuwu, ishin'ande matapara mi mashororo mawara ka riki r'imanya ra rinono. ²⁶ Kek'ake ndjua nkimi yono angoko toto shama shini sha toto miyi, ndo ameke shikere, yi ngo ipushunu ra moto yono ndjua a shoro mburu ande ariki ra shenye. ²⁷ Mburu ya ku nyowo, mishere ku yoro, pungi yi kukuishi keke mburu kupukuwu, ndo ntanda mu kumoniyi mua buiki.>> ²⁸ Keke ndji kukereme ande, Itanga Yesu amana y'ande toto shini ngowo, yoro ra bate ku ya kama ishini mayishi made./v 29 ²⁹ Ishin'ande awara yi bayishi meye ngo moto yono ndju'awara ndo bukumu, kek'ake kuapa ngo ba pundu nkanda mu mikendje.