¹ Munu rushuwu runu, Yesu ku punu u mburu, ndo ku shikimi u mbonga ndjare. ² Yoro ra rinene ri ya kokoyo rindi ngama nde, irak'rini ya kunini ukata buate, ndo ya kushimi. Yoro ra rikimi ra wara ra shumu a mbongo. ³ Yesu ku ba shosho meye ma buiki u mikondo, ndo ya ku roro: "Ngono, a punu shini ku wono. ⁴ Ngo a wonoko yande, ndamba ndombo sheke shiku buaka u kuandja a mboko, bapuru ba wiyi, ndo ku shidja. ⁵ Ndamba indjeke yi ku buaka u iraka ri ma manya, rini ra bere wara a mana ma buiki: Mun'anana shiku pushuwu, shin'ande ka sha shepete shini dja ngindi; ⁶ kek'ake, itanga a punu rindi, shi ku rembe ndo shi ku womo, shini ku bere wara a nyiri ⁷ Ndombo sheke shi ku buaka ukata minambe nya kenge: minambe ananga nyindi ndo ku shiringi u shi wubushe unanga. ⁸ Ndombo shek'ake shi ku buaka u shini ndja isheke, kutu ndombo, rundombo kutu rukama, irueke kutu mashanga ma shamunu, irueke kutu mashanga ma shata. ⁹ Yono iy'ando mato iwoko. ¹⁰ Baweke baku karuwa a ngama, ndo ku noro: Ishini yeye amak'wene ba totosho u mikondo? ¹¹ Yesu ku babar'ande: Shini buini ba buyeke buanya buyebe meye mashuama mi bukumu bua riki, ndo ki u bande kaba toko bayeke a bundu. ¹² Ishini bi yeyeke yono iya ikete, ndo iwar'ando dja buiki u reke, kek'ake yono ibere wiy'arindi bi tantambara a rini riy'ando rindi. ¹³ Irak'rini a make mi bashosho meyi u mikondo, ishin'ande u rende ka ba ntsheke mono bi, ndo woko, ka ba ntsheke woko mbe ku shimbiri. ¹⁴ Ndo shini banda ru toto rua ngandjamba Yeshaye ruyemene: Bu wowoko a mato mini, ndo ko bua shimbiri bi; bu rende a mishi mini, ndo ko bu mono bi. ¹⁵ Ishini nteme mua bate bana mua wiyi mua munono; ba kanga mato mabanda, ndo ba riti mishi ma banda, ipu rin'ande ko bamono a mishi ma banda, ko bawoko a mato ma banda, ko ba shimbiri u nteme mua banda, ko ba barara nteme, ndo miyi ubere ba bereshe. ¹⁶ Kek'ake buini buiya a bunyaka, shini mishi mini make mono, ndo mato mini make woko. ¹⁷ Ndake bushosho ku bara-bara, ba ngandjambe ba buiki ndo bate barongo ba ma shoto umono meye mana ma monoko buini, ndo ka batoko ma mono, u woko mana ma ngokoko buini, ndo ka batoko mawoko. ¹⁸ Buin'aki woko anana runu rua nesheke nkondo mua ngono. ¹⁹ Itanga rangoko moto rueyi ru bukumu ndo she irushimbire, Muina yongo yiyi ndo iteye rini rangono banda u nteme muanda: Moto yono yiyi yande yono awosho ndombo u kuandjua mboko. ²⁰ Yono a wosho ndombo u kata shini ndja mamanya, yiyi yande yono angoko rueyi ndo a maka ruwaya anana ando bunyaka. ²¹ Kek'ake akapa nyiri u yand'amene, akapa mashukuru, ndo itanga ramiki ntanda mbe ke ma monosho ma ndjoro shini rueyi rua Ndjambe, munana yande ipete mboko dja u buaka. ²² Yono a wosho ndombo u ndenge mishueye, yande yono angoko rueyi kek'ake nyingi sha meye ma shini a mana ndo mashikiri ma nteme u biroko dji kanda rueye, ndo ngo rua tu ndombo. ²³ Ndombo sha buaka u shini dja ishike, yanda yono a ngoko rueye ndo a make rishimbiri; a ntuku ndombo, rundombo rua motoko ru kama, irueke masha ma shamunu, runu irueke masha mashata. ²⁴ Ya ku ba bokosho nkondjo mueke, ndo ku ror'ande: Bu kumu bua riki buiyi ngo moto yono awono ndombo sha shisheke u ngond'ande. ²⁵ Kek'ake itanga awara bata u ndjondjo muini ikembe randa a wiya ndo ya ku wono itete ra ribe undenga ble, ndo kue yanda. ²⁶ Itanga ra pushuwu ndombo ndo a boto shindi, itete ra ribe kupushuwu a rindi. ²⁷ Bina ngunu ba muina mburu ba kuwiyi ba ku tshosh'ande: Kumu, wene ka watoko wono ndombo sha shike u kata ngondo a wu mbe? Itete ra ribi ra mi punaki kueye? ²⁸ yande ya ku bashosh'ande : Dji muin'ikembe a nkere runu. Ndo bina ngunu ba ku nor'ande: Wawesh'ande tshue bitokoro? ²⁹ Kumu ya ku ba barar'ande : Kuapa , u butete a nde u matokoro mi itete ra ribe bua nguara ruene tokoro ayasha ble shoko imoko. ³⁰ Bireker'anana dji nang'irak'imoko rina a rini inamana itanga ri makununu, ndo itanga ri ma kununu, ndi shosho bakun'ande : "Butey'anana itete ra ribe bukote, ndo ri kanda ma boko shini ku rikoro tiyi, kek'ake bu kunu ble bu yorosho yanga rama." ³¹ Ya ku kara ba bokosho nkondo mueke, ndo ku roro: Bukumu bua riki buiyi ngo ru ndombo ru mutade rua wosho moto ndo wono u kata ngond'ande. ³² Rundombo runu ruiyi rua rukeke u kata ndombo sha shikimi; kek'ake a pushuwu rundu, ru reke bipuru bi dja ndo rubuaka nte, ipu nde ba puru ba riki biyi u wara u kata tamba sha mundu. ³³ Ku karababokosho nkondo mueke munu: Bu kumu bua riki buiyi bua puanyish'ando Levire ndja a ngoshoko ngata ndo a tshiki u woshoro ando ndamba bunana bua buiki, inamana a totowoko djindi. ³⁴ Yesu a shosho yoro ra bate meyi mana ma makimi u mikondo, ndo ka toko ba totosho bi ubere boko mikondo, ³⁵ shini ku yemeshe runu rua toto ngandjambe ande: Ndi toto u mikondo, ndi shoshono meye mana ma shuama to ma wangara ma shina mana. ======= ³⁴ Yesu a shosho yoro ra bate meyi mana ma makimi u mikondo, ndo ka toko ri totosho bi ubere boko mikondo, ³⁵ shini ku yemeshe runu rua toto ngandjambe ande: Ndi ri ripiri numbu muama u mikondo, ndi toto meye mana ma shuama to ma wangara ma shina mana. >>>>>>> 72b19f479ac29af3eb0ad7ba3eec1ac63f00160a ³⁶ Keke ya ku karasha yoro ra bate, ndo ku nini u kata mburu. Baweke bande kukaruwa a ngam'ande, ndo ba kuror'ande: "Tshu shimbishi busheke nkondo mu itete ra ribe ra ngondo." ³⁷ Yande ku barar'ande: "Yono a ngonoko ndombo sha shisheke, iyi Muana moto; ³⁸ ngondo iyiyi ngo shina mana, ndombo sha shisheke shiyi baana bi bukumu; itete ra ribe baana ba muina yongo. ³⁹ Muini ikembe yono a wono itete ra ribe yiyi diaboro; itanga ri kunu riyi mamanasha mashin'amana; bakunu biyi banjero. ⁴⁰ Keke, ngo a ntokoro bande bitete dja bibe, ndo baka biboko ku tiyi, dji wara ipu rin'imoko u ma manasha ma shin'amana. ⁴¹ Muana a moto itotomo banjero bande ndo biteye u bukumu buande bana ba muishiki bate u bube ndo bakere bube. ⁴² Ndo ba u baboko u ibembe ra tiyi tshua tshunono, u iraka riwara bi rere ndja buiki ndo mashumunu ma mini. ⁴³ Keke bate ba rongo bi kere-kere ngo itanga u kata bukumu bua bora ishaba. Keke yono yiy'ando mato yi woko . ⁴⁴ Bukumu bua riki bu kara wiyi ngo biroko djini dja shuama u kata ngondo. Moto yono ama bimono ibishueye; ndo ukata bu nyaka buande, ye kapa bikete djande dja bikimi, ndo ishombo ngondo yini. ⁴⁵ Bukumu bua riki buiyi ngo nkapa bikete, yono ye shoto mayenge ma masheke manganga. ⁴⁶ Itanga a mono yande iyenge ra nganga ndja inono, ya kuende, ya kukapa bikete djande dja bikimi, ndo ya ku rishombo. ⁴⁷ Bukumu bua riki buiyi shoko sheke ngo buanda bunu bua moko banda u kata iribi ndo uwate bashue bi mapu mama kimi. ⁴⁸ Itanga a nyoroko bundu, bawata bashue ba ku bunana u kuandja masha, bishikimi ndo bishiki u ndjawu rini riyi ra risheke, ndo bi boko rini riyi ra ribe. ⁴⁹ Dji wara ipu imoko u mamanasha mashin'amana. Banjero biwiyi shini ku kapara bate ba babe ando bate ba rongo, ⁵⁰ ndo bi ba boko u ibembe ra tiyi tshua tshunono, u iraka ri wara birere ndo mashumunu ma mini. ⁵¹ Yesu ku wuru baweke band'ande bua shimbiri meyi mana ma makimi? Eh, ku barara bande. ⁵² Ndo ya ku ba roro: Irak'rini nyebe a nkedje ndjua nkimi ayishe bande u rueye ru bukumu bua riki, yiyi ngo kuma mburu yono ampunushuku bikete dja wara ndo dja yembe u kata ntshete muanda. ⁵³ Itanga Yesu amana ya mikondo nyini nya mikimi, ya kukobuwu u iraka rini. ⁵⁴ A we yande ra boro bua nanga yanda, ndo ya ku yishi u kata sinangongo a bande, ipu nde bana bawara bi ngoko, bawara biya kama ndo baroko: Buanya bunu ndo bishana djini dja miki npununu kueyi? ⁵⁵ Yapa wara muana nkombo mabaya? Mariya akapa inyande? Jake, Yosefe, Simo ndo Yude bakapa ba binyande? ⁵⁶ ndo ba binyanda bi ba wata bakapa ba bakimi u ndenga yiti? Meye manake ma makimi ma nku npununu kueyi?. ⁵⁷ Ndo a wara shini bande ngo ibuakare ra banda. Kek'ake Yesu ku baror'ande: Ngandjambe yiyi a rutono u maraka ma makimi, kek'ake akapa rutono u bora bande ndo u mbur'ande. ⁵⁸ Ndo katoko kere meye ma buiki mi bishana u iraka rini, shini a bere bande u ngueshe.