¹ Ambishi Yesu amana ya wuru baweke bande ishanga ndo bapende, ya ku bayeke bukumu bu bingi nyumu sha mbindi, ndo u bowo mabere ma makimi ndo bitowo dja bikimi. ² Rende kombo shi ba postoro ishanga bapende: ndjua bukoto, Simo, yono anguruku bande Petero, ndo Andere muan'inyande; Jake muana bora Zebedayi ndo Yone muan'inyande; ³ Firipe ndo Barteremi; Toma ndo Matayi nambasha a namba; Jake muana bora Alfe ndo Tade; ⁴ Simo Zerote ndo Yudasa Isakariote yono a kapa Yesu. ⁵ Banda bana ishanga a bapende batomo Yesu, a mbishi ya u mana bayeke marongo mana: < ⁶ Yak'anana aki u bete ba panga ba mburu ndja Isarere bana ba rimi. ⁷ Yakana, yishana ndo ror'ana: "Bukumu bua riki bu ngama." ⁸ Beresh'ana ba bere, wumunu ana bana bawa, yembesh'ana bina bara, ndo bu bingi anana ba demo. Bua wosho ntshongo, bu yeke ntshongo. ⁹ Areke bua wosho mbe woro, mbe parate, mbe puaranga, u kata kombo shini; ¹⁰ a reke bua wosho kombo ndja rende, mbe ipere ra mpende, mbe poko sha para, mbe muanga. Ishin'ande muina ngunu a nyiki ku ngunu muanda. ¹¹ U kata boro bunene mbe aki boro bua bukeke bunu bu nini buini, wur'ana mbe moto yiyi yono a nyemene ruere u bu waya; ndo bushara u boro buande inamana ikobuwo buini. ¹² A nini buini u kata mburu, bu roro: ; ¹³ ndo, mbe mburu yara ndja yiwaya, poro shini shi wiyi a riki ra indi; kek'ake mbe ya bere wara ndja yiwaya, poro shini shi karuwu ando yini. ¹⁴ U itanga ri bere banda buwaya ndo aki ba bere woko toto shini, pun'anana u mburu yini mbe aki u boro bunu bua bunene ndo bu pupuru yushu ra para shini. ¹⁵ Ndaka bushosho u barabara: U rushuwu ru ma rumbushu, bini a boro bua Sodomo ndo Gomore bi baru mbushu ka keke u reke bina boro bunu bua bunene. ¹⁶ Rende, ndaka butomo ngo ba panga u ndenge mambongo. War'ana ba penye ngo ba ndjowo, ndo bere ya wondo ngo ba puru bi bakutukumbu. ¹⁷ Bua penye ana a bate, ishin'ande beke burata u ikindki ri makamb ra bina Yude, ndo bibo buboro koro u kata Sinagongo sha banda. ¹⁸ Bi weke burata, ishini miyi, u bosho bu ba Guvene ndo bu bakumu, shini buini wara ngo nondo u banda ndo u bora bana ba bere yebe Ndjambe. ¹⁹ Kek'ake, itanga ri bu pundu banda, areke bua riti mbe ku ipu ri ruere buini toto, mbe ku runu ru ruere buini roro: runu rua nguara buini u roro bi buye buyeke a rundu itanga muni rini. ²⁰ Ishin'ande dja kapa buini bu toto, djiyi Nyuma a boro Ishini ya yi toto u kata yini. ²¹ Mua yinyande a moto irereye muan' inyanda u iwa, ndo tata yi reye muan'ande; bana biba barama ba boto ba bande, ndo bi ba ndjaka. ²² Bate ba bakimi bi buwo buwoko pishi, ishini rukombo ruama; kek'ake yono ishuku inamana mamanasha yiwo wondjowo. ²³ Itanga ri bumonosho bande ntanda u boro bumoko bua bunene, tin'anana u bunu ibueke. U bara-bara ndaka bu shosh'ande, buapa she mana u ribiri mara ma manene ma Isarere bi u bosho bua Muana moto u bere wiyi. ²⁴ Ngueke she reke murongosho muande, mbe muina ngunu she a reke kum'ande. ²⁵ Dja nyemene bi kereshe ngueke yi buaka ngo murongosho muande, ndo muina ngunu ngo kum'ande. Mbe djar'ande ba wuru kumu a mburu Berzebure, ipu nan'ake yi bere ba wuru ngowo u reke bate ba mbur'ande! >> ²⁶ Areke bu batin'aki bi; ishin'ande kua rueye ru bushuama rubere moniyi u yembe mbe rua shueye rubere ba yebe. ²⁷ Runu ruaka miyi bushosho u muimini, ru shono anana u muanya; ndo runu ruaka ba bushosho u ito, ru bok'ana meke a riki ra shamba mburu. ²⁸ A reke bua tini bana ba nyaka rutoko ndo bi bere wiyi a ruere djaka monyo. Tin'ananake yono yi ruere djaka shoko imoko monyo ndo rutoko u ibembe ra nginde ra tiyi. ²⁹ Ka tshua kapaka matshodjo mape u rupuaranga rumoke? Keke, kuapa imoko ra muaka a shin'amana Ishini riki u bere yebe. ³⁰ Ndo ipu imoko a puiyi sha ntshu muawa shi sha bara sha shikimi. ³¹ Arek'aki buara a butete a bumoko; bua reke matshodjo ma buiki nganga. ³² Irake rini, ndjua nkimi yono yi pueshe u mishi ma bate, ndi ngue ngueshe a miyi u mishi ma Tata yono indjuama yiyi u kata riki; ³³ kek'ake yono yi bere pueshe miyi u mishi ma bate, a miyi ndapa she ngueshe u mishi ma Tata yono indjuama yiyi u kata riki. ³⁴ Areke bua wengey 'ande nda wi rata poro u shin'a mana; ka nda toko wi rata poro, kek'ake kueshe. ³⁵ Ishin'ande nda mi shiki makapasha u ndenge a moto ndo ishanda, u denga mua ngata ndo inyanda,u ndenge mua ngata ndo mbosh'ande ndjua ba bawata; ³⁶ ndo moto yi wara a bini ikembe bate ba mbur'ande. ³⁷ Yono a ngondoko ishanda mbe inyanda u ndeke miyi a kapa ndjua yemene u miyi, ndo yono a ngondoko muan'ande ndjua ba rungu mbe ndjua ba wata u ndeke miyi a kapa ndjua yemene u miyi. ³⁸ Yono a mereke wosho nte muande mua wesheshe, ndo a mereke u ndaba miyi bi, a kapa ndjua yemene u miyi. ³⁹ Yono yi rondo monyo muande yi muri murimishi, ndo yono yi rimishi monyo muande shini miyi yi karake mupete. ⁴⁰ Yono a maka bu waya a mpuayiki miyi, ndo yono a mpuayiki miyi, a nguayika yande yono ndjua a tomo miyi. ⁴¹ Yono a nguayika ngandjambe u nongo mua nde ngandjambe yi pepete iputu ra ngandjambe, ndo yono a nguayika moto ndjua rongo u nongo mua nde moto ndjua rongo yi pepete iputu ra moto ndjua rongo. ⁴² Ndo ndjua kimi yono yi yeke moko ndjua baana ba bakeke pa ikopo ra mashi ma piyi shin'ande yiyi ngueke yone indjuama, ndake bushosho a rundu a bara-bara, yande ya pa rimishi iputu rande bi.