¹ Yesu anina wu buate, ku shabuwa muiri mua wono, ndo ya kuende ra bora buanda bua bunene. ² Rende bakuiyi nasha moto ndju' arembe rotoko, ba ntshosho ariki rishasha, amono y'ande ma weshere ma banda, Yesu, yaku roro moto yono arembe mikoro << muan'ame, na nga nteme, ba yi rimbishi ma ndimbi mawa.>> ³ Ba punda mikanda ibeke ba weteke ya wuru banda- banda : << Moto yono antowoko Ndjambe .>> ⁴ Yesu ya kuyebe buanya bua banda, ndo ku roro : ishini yeye ibuini ndo manya ma mabe wu miteme nyini ? ⁵ Iyeye ri ra neke boro wu roro : << Bayi rimbishi ma ndimbi mawa .>> << mbe kuapa wu roro ande << katuwa ndo boko para?>> ⁶ << keke , buyeb'ande Muan'a moto yiy 'ando bukumu wu shini bua wu rimbishi mandimbi: >> <> ⁷ Ndo ya kukatuwa kuende ra mbur'ande .>> ⁸ Itanga ra mono ndjoro ngono, ba kuara butete ndo ba ku ko tonosho Ndjambe yono ayeke bukumu bunu wu bate. ⁹ Ashamba Yesu wu iraka rini, ya ku mono moto wu rukombo ruande Matayi, a war'antshikimi wu iraka ra bana ba meke putushu minamba, ya ku nor'ande yi ndaba.>> ya ku katuwa ndo ku naba. ¹⁰ Ngo Yesu awara antshikimi wu mbur'abora Matayi ishini kudja, rende, ba putushu bi minamba ba buiki ndo bate ba babe ba wiki shimi akor'ande aki baweke bande. ¹¹ Itanga ba Farisayi amono bande ngowo ba ku shosho ba weke bande : << Ishini yeye kum'ayini a nyiki y'ande ndo ba putushu minamba ndo bate ba babe ? >> ¹² A woko Yesu rueye runu ya kuror'ande << Bate bana biya nyana bakapa rueye ndo munganga, keke pa bina mawara. ¹³ Yaka anana ndo wek'anana rueyi runu rua noko i yeye : << Ndiya ndo bu nyaka wu ntshongo , kuapa ,wu mayekere .>> ishi'ande ka nda toko wiyi uwuru bate ba basheke, keke nda wiyi ishini bate ba babe. ¹⁴ Ambishi yina baweke ba bora Yone ba kuiyi akor'ande ,ku ror'ande :<< Ishini yeye biti ndo ba bafarisayi tshuankiniki bi ndjere shoko sha buiki, keke baweke ba wa ka bantsheke ruker ?>> ¹⁵ Yesu ku ba barara:<< Bana ba nguruku bande wu ibaka ba nguaraka ruere wara ba bondomo itanga muin'ibaka yiya ndo bande ? keke matuwu mi wiki wiyi itanga ri teye banda muin'ibaka, keke bi kikini bi djere. ¹⁶ Kuapa moto irene nama mapere mayembe ando ma pere ma nunu, shin'ande ma yembe mi kakara mana mawara, ndo itondoro ri pupuru bunene. ¹⁷ Ka ba meke werere ayashe bi mana mayembe u mbende sha wara, mbe bakere ngono, mbende shi bo boriyo, mana mi tshia tshianuwu, ndo mbende shi boboriyi; keke ba meke shiki mana ma yembe ku mbende ndja yembe, mana ndo mbende djare busheke.>> ¹⁸ Itanga Yesu iba shosho y'ande meyi mana, rende kumu ndjua ba yude kuiyi ndo ku bora mamango u bosho buanda yaku ntshosh'ande << Muan'ami ndjua ngata a tshieke wa, iya wu nyay'iyata rawa ndo yande ikara wara a monyo.>> ¹⁹ Yesu, ku katuwa, kue naba ndo baweke bande. ²⁰ Ando rende ngate aweke wara ndo bu wara bu punuku makere to mashewe ishanga ndo ma pende, yande kuiyi wu mbisha a bora Yesu ndo ku nkumunu shoshi mapere. ²¹ Shin'ande yand'amene aroko:<< Mbe ra kumunu pa mapere mande ndi beberu. >> ²² Yesu ku ya barama,a mono yande ndo kuroro: <> Ndo ngata yono ku beruwu munu anana. ²³ Itanga Yesu a toro yande wu mbura bora kumu ndjua ba yude, ya ku mono bana ba boko mishembe ndo yoro ra bana ba rereke, ²⁴ ya ku ba ror'ande: "Tinda nana wono shin'ande irenge ra mua ngata shi rashewa, kek'ake rake tshondjo." Ndo baku tapa wuntsheye. ²⁵ Itanga ra punushu bande bate wu bushobo, Yesu ku nini wu mbura, ya ku ntshuku wu rowo, ndo irenge ra mua ngata ku ye mbete ankiti. ²⁶ Rushanga rua rueyi runu rukumuamana wu mbete ndja ikimi. ²⁷ Itanga ra kobowo Yesu wu mbete yina , bate bapende ba boriyi mishu ba kutapa wu naba ba kuyembete wu tapa wuboko mbere bande: << Tshu woko ntshongo, Muan'abora Davidi!>> ²⁸ Itanga Yesu atoro yande wu mburu, bate ba boriyi mishi kuiyi akor'ande . Yesu ku bawuru y'ande :<< Buake weshi ande rirene kere rueye runu ? >> << Baku marar'ande :<< E,iranga Kumu.>> ²⁹ Ambishi yini Yesu ku bakumunu mishi ndo ya ku roro:<< Dji kereme puara yi maweshere mini.>> ³⁰ Ndo mishi ma bande ku ripuwu. Ambishi Yesu ku bakara anono u baror'ande :<< Bushueye, areke moto ayebe rueye runu ngowo.>> ³¹ Kek'ake munu ma pununu ma bande ba kutapa wu muanga rushanga u mbete ndja ikimi. ³² Itanga ra weke karuwa bate bana ba pende,rende anana ba ku karuwiyi sheshe Yesu nungu moko a beke we toto ndo awara ndo demo. ³³ Itanga ra binga bande demo, moto yono abeke we toto ya kutapa wu toto. Bate ku ya kama ndo baku ror'ande :<< Kebe tshumono rueyi rua ngowo u Isarere.>> ³⁴ Kek'ake ba farisayi ba wara biror'ande: Ku kumu ndjua ba demo amingiki yande ba demo. ³⁵ Yesu a wara yi ribiri mara mamakimi ma manene ndo mana ma ma keke. A wiki yishi wu ba sinangongo ba bande wu ba shosho rushanga rua rusheke ru bukumu ndo awiki bereshe mboto shi mawara sha shikimi ndo mboto shi bi towo dja bikimi. ³⁶ Itango ra mono y'ande yoro ra bate, yande ku ri woko yi rere, shin'ande ra wara ra teke ndo rarembe bi yere. Ra wara ngo bana bi bapanga bana ba shoto mak'a banda. ³⁷ Keke ya kushosho ba weke band' ande: ³⁸ Kek'angowo romb'anana Kumu ndjua ishobo ya wutomo bina ngunu u ishobo rande.>>