¹ Mawokosho mi bukoto mana mawara ndo mabenge mabenge maweke ba raba wu marombo ma banda, ndo iraka rikimi ra wara iraka rikimi ra wara iraka ri barombo a Ndjambe ba shina mana yini. ² Iraka rikimi rini rashoro banda u bitenyi bishsta, iraka ra kata rikina rawara ra weke banda shiki nyindi meshe,aki bitenye dja mapa dja weke bande shiki, u iraka ra wuruku banda iraka rikimi.Map.26:1,36:1,Lewiyi.24:5 ³ Keke u mbishi mapere mapende rawara iraka rikimi ra weke banda wur'ande iraka ra reka ra reke ikimi. ⁴ Rawara ndo iraka ra weke banda wupa bikete dja shoro dja nganga ndja inono, ndo ntshete mu mawokosho mua we banda bamba ndo woro u mikuandja nya mikimi. U kata ntshete munu mua wara nd poko ndja woro ya shiki banda manna ikombo ra bora Arone ra punushu ntshua, aki manna nya mapunda banda meyi mi mawokosho; ⁵ Ariki ra ntshete djawara bakerib bi rutono,keke bike rata irumbu ariki ri rimbishi mandimbi,ishini bikete djini kaupa a rueyi ru roro kekangowo ipu rikete ndo ikete. ⁶ Puara aroriyi banda bikete djini, bangandjambe bana bakereke ngunu baweke nini shoko sha shikimi u iraka ri bukoto ri kimi, bakereke ngunu mua banda: Nombo.28:3. ⁷ Keke u iraka ra mpende rini ra reke ikini kubanganga ya mene aweke nini shoko imoko ishewu ndo ishewu, ka weke nini ubere wara ndo makere ma weke yande nini ishini bube buanda ndo bua bate. ⁸ Punga Ndjambe ya mpunushuku rueyi runu u yembe ande mboko ndja iraka ra reke ikini shi yatoko monyiyi ngo iraka ri marombo shi ratoko ripuwu ngo ma rombo mi bukoto yimanda ndo ngunu. ⁹ Rini riyi upu ra meyi mi itanga ri ma tuwu marini djini dja nabaka banda aputu banda bikete dja yeke banda ndamba sha djaka shinni sha meke yereme wu barara nomba Ndjambe ndjua bara bara ntsheke,u meyi ma monyo mua mukeke. ¹⁰ ishin'ande djiyi pa munu ma benge ma bina shin'amana,ri meyi mi bidjere,ndo meyi minyira mbe ake meyi meke mikuishi rutoto mapu ndo mapu,djini dja shiki bando too inamana ishewu riwiyi banda wu biroriyi.Iwa ra bora Kristu ra yereme ku meyi ma makimi: Heb.10:11-22, 12:24,Ex.24:3-8, Lev.17:11 ¹¹ Keke Kristu ama mana wiyi ngo kuba nganga nga ishini ku punushu bate u bushowo ashekera mere. Ishin'ande Mbura Ndjambe ndja ikini ndja inene ndo ndja isheke,yini ya bere ba shoro u djara dja moto,yini ibere wiyi ndja shina mana. ¹² A nini u iraka ra reke ikini shok'imoko shera shere,ka toko nini a mekere mi ba kamba mbe mi ba ngombe,keke a nini a makere mande,ya mene,yande ku wosho ma wondjowo ma shere-shere. ¹³ Mbe djar'ande makere mi ba romo ba ngondo ndo barombo bi ba kamba,aki butoko bua ngara ngombo ba tshaka arikira bate bane ban kere bube ,dji kiniyi ndo yembeshe sha bate. ¹⁴ makere ma kristu,yi yayeke u bora Ndjambe y'ande ubere wara a itobo,u pungu ndja Ndjambe ndja shere,ureke shoko buiki mbuenye u yembeshe monyo muawa mua wa ishini ku kereshe Ndjmabe ndjua monyo ngunu. ¹⁵ Iraka rini yi yandu puturu djua bate ando Ndjambe u mawokosho ma yembe,ngo iwu awi ri tsju wondjoro u meyi miti ma kere biti u mawokosho mi bukoto,bate bana ba wuru banda u bora Ndjambe banda bi wosho iraka ri makitiri mi bikete dja shera shere. ¹⁶ Iraka rini riyi rutoto rua sha rekere moto, dja nomboko ande ya moto yono ishewa kebe rutoto ruanda ruar'ando nganga. ¹⁷ Rutoto rua ntshaka rekere moto ruiyi ando nganga itanga ra ngutu yande ,rutoto ruande runu rua kap'ando bunono itanga ri yande ando monyo. ¹⁸ Iraki rini mawokosho mi bukoto atapa manda ba weka tshaka makere. ¹⁹ Itanga Mose anana yande u toto mabenge manda u busho bua bate ba bakimi, ya washo makeremi baromo bi ba ngombe bi bakambia,ku puturu u ando mashi,aki ngosho nya babe ndo shisop ya ku kasha ariki ra nkanda munu ndo bate ba bakimi. ²⁰ Y a ku ror'ande Mono miyi makere mi mawokosho mana Ndjambe ankere ishini buini. ²¹ Yande ku kar kasha ama kere ariki ra mbura Ndjambe ndo ikini aki ariki ri bikete djini dja wara dja mbura Ndjambe ndja ikini. ²² Nda ngua ruere ror'ande Bikete dja bikimi puara noko mikendji, ba weke bi yembeshe ando makere, mbe makere ma bere tshakuwu kua marimbishi mi bu ndimbi. ²³ Dja wara bushek'ande rua wara ku yembeshe ma ru rumba mi bikete dja riki bar bi yembeshe ipu rini keke djini dja riki yembuwe ando ndomba shini sha reke shini busheke. ²⁴ Ishin'ande kristu ka toko nina u iraka ri yikini rakere u djara dja bate mawokoro mi yi raka ra barabara Keke yande mbitiki ku nini u riki ishini yande u tshu totosho u mishi ma bora Ndjambe. ²⁵ Kek'ande dja kapa ishini ku ya yeke ngo namba butuwu ando butuwu, ngo ipu ra ku banganga u nini u iraka ra reke ikimi ishewe ando ishewe ndo makere mana mi bere wiyi yi mande. ²⁶ Mbete ndjeke dja nomboko yande yi mono ndjorosho sha buiki to matera ma shini ,keka ngowo awiyi shoko u ma manisha mi iburu ishini kuteye bube bua bate. ²⁷ Ngo ipu ri djind'ande Moto iwu shoko imoko keke ambishi yini ishamba u marumburu, ²⁸ Ipu imoko kristu ya ku reye shoko imoko, ishini kuteye bube bua ba,yande yi kark moniyi shok'mpe, keke ko dji wara ishini bu teye bube, yi wiyi ishini ku wondjoro shera shere bana bak 'mana