¹ U meyi ma noko biti runu ruiyi rueyi rua runene, tshuiyi ando kubanganga ndjua ngowo yono ashikimi u nguasha ndjia bukumu u roworu ru ba rungu rua runono u iraka reke bunene u riki,Heb.3:1,Efeso 1:20, kol.3:1. ² Ngo muina a ngunu ndjua iraka ri ikimi ndo mburu ndja naromboro ma barabara ya shoro banda u bora Ndjambe, ka toko yi shoro bora moto. ³ Kubanganga ndjua nkimi yono ashoro banda ishini ku reye bikete ndo bashutu ba namba,runu ruiyi ando kubanganga a rundu ishini kuar'ando bikete dji reye. ⁴ Dyi ande, yande atoko war'ande moto ndjua shina mana yande ka yara wara kubanganga ndjua ipu ra rikimi,ishin'ande ibeke biyi ukata ba meke rata minamba nya banda ngo ipu ra nomboko mabenge. ⁵ Bana nkereke ngunu mua banda mu bikete dja puanish'ando irurumbu ra bikete djini dja riki ,ngo ipu ra wibiri banda Mose itanga ya shoro yande mburu Ndjambe. Ndjambe a ku ntshoso ande wene ukere bikete dja bikimi ipu ri yishundju band'ariki ra nkondjo. ⁶ Kek'angowo kristu ya pete ngunu munu mua reke rutono,ya ku pete ishin'anda yande yiyi mputuru ndjua mawokosho ma bate ndo Ndjambe,u mawokosho mana mareke busheke,mana ma wokosho bande u maraka mareke busheke. ⁷ Kek'angowo dja toko war'ande mawokosho mi bukoto,ka matokowara ndo reuyi, ka bara kar shoto iraka ri kere mawabosho ma mpende. ⁸ Ishin'ande Ndjambe a ma ba pangishi,ya ku ror'ande: Kumu a ntotok'ande Rende matuwu mana ma miki u busho ndji ke kere mawokosho ma yembe ndo mbura bina Isarere ndo mbura bina yuda.yeremiye.31:32, ⁹ Dja kapa ngo mawokosho ma toto miyi ndo ba mama sho banda u rushuwu ru ba shuku miya u djara ishini ku ba punushu u shini ndja boro bua Ejipiti,ishin'ande ka toko shora u mawokosho manda,keke a miyi ka nda toko bandomo, ipu ra toto kumu. ¹⁰ Kek'ande mana miyi mawokosho mi kere miyi ndo mburu dja Isarere, u mbishi matuw u mana,kumu a nok'ande Ndj shushiki mabenga mana u manya ma banda, ndji mapu mapunda u miteme nya banda,ndji wak wara Ndjambe a banda ndo banda ke biwara bate bama. Yeremiya .31:33,Zekay.8:8 ¹¹ Kua induekeyi yishi moto ndjueke,kua mbe moko ando muan'inyande bi toto ande : Uyeba wene kumu ishin'ande bate ba bakimi bi ndje ndjebe ,utapa ba keke ti inamana ku yono ameke bunene u ndenga banda. ¹² Ishin'ande ndji bari barimbishi mandimbi ma bande ma makimi,keke ko nda karwubuwa mandimbi ma banda Yeremiya.31 :31-34. ¹³ Aror'ande,ma wokosho ma yembe, ya ko barara mawokosho mi bukoto,mi buaka ma wara: Keke rini ra wara ,ra mana nunu,ri ngama ushotono.