¹ Kek'angowo mbenge ma bora Mose miy'ando irumbu ra meyi ma masheke u busho, mi bere wiyi a yi pu ri koriyo ando meyi mana ngo shera shere mashonge makapa ruenyi barara bate bana banoko karwa ngoma Ndjambe, iraka rini ishewe ando ishiwe ba meke yeke nadmba shiyi pu imoko.col.2:17,Heb. 8 ;5. ² Dja toko war'ande ndamba sha ma ba barara bate ba basheke u barabara, ka bara kara rekere u yeke ndamba shoko sheke bo, Ishin'ande ba romba Ndjambe ba yembuwe shoko imoko,ka barkar wara ba wokosho ma meyi ma banda ma mabe. ³ Keke u ndamba sha banda biyi ando mawibuwu ma meyi ma mabe ishewe ndo ishewe. ⁴ Ishin'ande djiyi bunono ande makere mi ba ngombo ndo mi ba kamba ma kapa ruer'teye bube. Lewiy. 16:14, Nomb.19:4, Heb.9:13 ⁵ Irak' rini kristu a wiyi yande ani a shin'aman'Ndjambe ande Ka watoko wesha ba shutu,ya ku badjaka ndo ndama ba , wa ma puanga rutoko ru moko Ndjembe.40:7. ⁶ Ka watoko weshe ndamba shi wupu ba shutu ndo nyi rimbishi ma ndimbi ma bate. ⁷ Keke mi ku ror'ande Ndak'wiyi,ishini ku beru ruwondo ruawa,we Ndjambe. Ndjembe.40: 6-9. ⁸ Ambishi a mana ya roro u bush'ande,ka toko weshe ndamba shi ba shutu, ndo bikete djak ba iyeke,aki ndamba shi ba shutu ba wupa mi mbitiki, mbeki ndamba shi rimbishi ma ndimbi,keke ka wa toko bi weshe djini ba bi reye ngo ipu ra noko mabenge. ⁹ Ya kara ror'ande Rende nda wiyi ishini ku kere ruwondo ruawa. Ya ku djaka ma romboro mi bukoto ishini y'ande u shiki meyi ma yembe. ¹⁰ U barabara Yezu kristu ya ku yerye meyi mana ma weshe Ndjambe, keke ya ku ya reye shoko imoko,biti ku buaka bate bi ikini. ¹¹ Kek'ande nganga Ndjambe ndjua nkimi ameke yete u barabara ru shuwe ndo rushuwu ikere ngunu muande yeke rata ndamba shoko ndo shoko ndamba shi ipu imoko, keke ndamba shini sha kapa ruera teye bube a shpko imoko. ¹² Yanda a mbishi u mana reye namba shoko imiko ishini bube,iyi ndjua shikimi sherashere u rowo ru barungu rua boara Ndjambe, ¹³ Ubaka nana inamana bini ikembe rande ba u buaka ushini shanda sha para. ¹⁴ Ishin'ande u namba moko,ya ku barara bate bi ikimi bate ba basheke ba barabara shera shere. ¹⁵ Rueyi runu rundu ruaka tshushosho a yasha punga Ndjambe ,ambishi yini amana ya ror'ande: ¹⁶ Rend'anana mawokosho mi kere meyi andoban'ambushi matuwu mana, kumu ya ku ror'ande ndji shishiki mabenge mana u miteme nya banda ,ndji mi mipunda u manya ma banda ya ku kar'nyayi ande. ¹⁷ Ko ndji kar wibuwu mandimbi ma banda ndo kerore sha banda sha shi be. ¹⁸ Iraka rini ri marimbishi mi bube,kua ma yekere ma ndamba ishini bube. BINA NDJAMBE BA NGUARA REURE KARWA NGOM ANDE. Yone.2 :6 Efese 2:13,18, Heb 4:14-16. ¹⁹ Keke,bana binyiti,ishin'ande tshuiy'ando manini u iraka ri kimi u mboko ndjia ma kere ma bora Yezu. ²⁰ Mboko ndja yembe ndo ndjia monyo yini yi tshu kangaia yande u teye ma pere mi tshuriti banda,dja noko ror'ande: Ruloko ruande, ²¹ Keke,tshuiwiy'ando ku ba nganga ndjua ashiki bnade ariki ra mbura Ndjambe. ²² Tshu karwa nana ngam'ande ndo nteme mua barabara mua yono u maweshere , miteme nya yembuwe u mabokoro ma djengiye dja bibe,aki toko shiti sha kuishi ndo mashi ma yembe.Yepez.36:25 ²³ Tshua shuku ana bunono bua ngunu mu ma bakara miti ishin'ande yono yi tshu shere iraka yiyi ndjua barabara. ²⁴ Tshua boko shana manya bita biti tshu ya kereshe u ruwondo ndo u kerere sha meyi ma masheke. ²⁵ Areke tshu reker'anana ma puturu miti, ngo kerere dja bate beke bisheke tshu ya windjiri bita biti,tshu yebe kere ngowo ishin'ande rushuwu rua bora kumu rua wiya ngama. ²⁶ Ishin'ande mbe tshua kere bube u ruwondo ruiti a nana biti yebe bara bara, kuapa namba mu kar reye ishini bube, Heb.6:4, ²⁷ Keke dja ntshera pa ma bakara mi ma rumbusha ma manono ando tuyi tshua tshunono tshu bate ba ntshu mua munono. ²⁸ Yono anyaka ma benge ma bora Mose iwa u bere ngoko ntshongo, u rutoto ru ba teme. Yone 8:12,Nombo35:30, 2Korit. 13 : ²⁹ 1.Bua moko buaya mbuenye u ntanda mua shamba mua moto yono irumbushu shini ka nyeke muana Ndjuambe u shini sha para ndo ya ku wosho makere mi ma wokosho ngonangono mua ma nkuishi banda,ndo ya ku tuwo nyuma ndjua ntshongo. ³⁰ Ishin'ande tshuak yebe yono ndjua a tot'ande:Mamanasha miyi ngama, uputu a bate riyi ku bora buama,a yasha ya ku kar ror'ande: Kumu yi ru rumbushu bate bande.Deut 32:35,36,Romo 12:19. ³¹ Ndjiyi rueyi rua runono rua moto ubuaka udjara dja Ndjambe ndjua monyo.Heb.6:9-20, Ngal3:4 ³² Wibuwa nana matuwu mi bukoto mana ma mono buini yembe,bua nana itubu ra rinene undenge mitanda. ³³ Itenye reke bua wara ngo bikete dji towo u mishi ma bate aki mitanda u mbete ndjeke bua wara ba bu puturu ando bate bi bikerere bi moko. ³⁴ Keka ki buini kuara ndo ruwondo u bini buroko ndo buini ku weshe ando buanyaka ma yekere mi bikete djini buini bua yeb'ande buiy'ando bikete dja neke bushoke ndo dji ruere biki sherashere.Mingunu 21:33, Mat 5:12 ³⁵ Areke bua rekere mabamba mini mana miyi ando mpoto mua munene. ³⁶ Ishin'ande buiyi ando rueye rua bambota shin'ande ,ambishi a mana buini yemeshe ru wondo rua bora Ndjambe bu wowosho runu ru bu raya yanda. Luk 21:19. ³⁷ Keke ambishi, itanga,itanga ra rikeke: Yono yiy'ande yiki wiyi iwu ku wiyi ndo yapa she biki bi. Abakuk 2:3, Ag 2:2,1pr1:1 ³⁸ Mota me ndjua barabara iwa warara ando monyo u mboko maweshere,kekaki mbe kerwa u mbishi monyo muana muapa war'ando bunyaka ishini yande bi.Lomo1:17; ³⁹ Biti tshua kapa bana ba karwuka u mbishi ishini ku shotomo bi, tshuiyi ba bana biy'ando ma weshere ishini ku wondjoro nyanyo.