¹ Mashikiri ma nteme u meyi mana manguegi bati ndo mana manguesheke biti wubere mono mishi. ² Ishini maweshere ma wara band'ando bawotara ba war'ando rusanga rua rusheke u mishi ma bate. ³ U mboko maweshere tshuak yeb'ande shina mana ya kereme ku rutoto rua Ndjambe wu ipu'ande djini dja monoko biti a mishi, kabatoko bi wanga u bikete djini dja monoko biti a mushi.Genese 1:1, Ndjembe 33:6, Yone 1:10 ⁴ Ishini ku maweshere Abel ya ku yeke Ndjambe namba mua reke munu mua bora kayina: Ishini maweshere ya buak yande moto ndjua ntsheke, Ndjambe ku weshe ndamba shanda, ishini maweshere akere ya toto isheke wara ndjua wa. Genese 4:4, Matayo 23:25 ⁵ Ishini maweshere Enok ba ma nteye a shina mana ande ka mono iwa,ndo kakare monyowa u mishi ma bate ipu Ndjambe anteye yanda,u bosho bua ba unteye awar'ando rusanga rua rusheke ngo moto anyakeha Ndjambe. Gen.5:24. ⁶ Keke mbe maweshere ma bere wara,djiyi bunono moto wu nyakesha Ndjambe,dja nombok'ande moto yono ankaruka ngama a Ndjambe yi wesh'ande Ndjambe yiyi u kata ndo a meke putu bana ba meke ntshoto. ⁷ Ishini maweshere a shosho banda Nowa meyi mana u kere te manyiyi,keke ya ku woko butete bu tomowo ya mashuwu ishini ku wondjoro bina mbur'ande ishini maweshere ya ku buishi shin'amana makembe keke ya kubuaka nkiti ndjua busheke bua meke yemene u maweshere. Genese 6:13 ⁹ Ishini maweshere Abrapam itanga ri mawururu manda ya kutemowa ndo kue yande u iraka rini ra war'ande yende ri kiti, kue yanda wu bere yebe mbete ya weke yande. Genese 12:4. ⁸ Ishini maweshere ya ku shikimi u shina yini ndjua bu nyambanga ya naya bande, wu wara u shini ma mburu ma tente, aki Izak ba yakobo bate raya wu wara a banda u shini yini. ¹⁰ Ishin'ande a weke baka boro buy'ando makondjo ma manono mana Ndjambe yiyi yanda noriyo aki ntshoro a bundu. ¹¹ Ishina maweshere Sara isheke war'ande a ma nunu ,yaku woko bunono ba war'ando wu boto ra rabisha,ishin'ande amaweshe rutoto rua yereme rua yono anaya iboto.Genese 17:19;21:2;Luka 1:36. ¹² Keke ishini moto moko ndjua a mana nunu,iboto ra bate ba buiki ri ku punu ruere rikory'ando nyoto nya riki, ngo shenye u kuandja mansha ma manene shi bere bora. Genese 15:5,22:17;Lomo 4:18 ¹³ Kukata maweshere awu banda wubere wosho bikete dji barakeshe banda yisheke wr'ande ba ma bimono tamba a mishi ma banda, ba wubere ya yeb'ande tshuiyi benyambanga aki buna rende a shin'amana. ¹⁴ Bana bantotoko ngowo biyi bate bana ba ntshundjuk'ande biyi bashoto iraka ra banda ra shera-shere. ¹⁵ Bara war'ande biya nyinga ndja iraka ra puna banda,bareke wu war'ando itanga ri kara-karuwu u iraka rini. ¹⁶ Kek'angowo bangondoko iraka ra risheke rareke,rini riyi u riku. Iraka rini Ndjambe akapa ndo bushonyo bungur'ande Ndjambe a banda, ishin'ande ama boro rosho boro bua banda. ¹⁷ Ishini maweshere Abrapam,amkika banda,ya kuraya Izak muan'ande moko ngo namba, yande yono aweshe ndo nyanga marakishe ma Ndjambe, ¹⁸ Ndo ishini yoyon'atoto banda rueyi ruand'ande, bi uwuru irondjo ri kundu rawa u muan'awa Izak. ¹⁹ Ishin'ayebe yand'ande Ndjambe yiyi ndo bunono bu wumunu bate bawa: ayash'ande ikara yande wu ngosho ngo ngumuwu u iwa. ²⁰ Ku mboko maweshere Esau anyekesha yande Yakobo ba Isac,rende bikete dja miki u matuwu ma bosho. ²¹ U maweshere,Yakobo aroko yande wuwa kunyakeshe muan'ando muan'ando muana ba bora Yosefe, ndo kurombo Ndjambe yande ndjua wekeme muanga muanda. ²² Umboko maweshere awara yande ngoma ya wuwa ya ku punushu rutoto ishini rua neke ma pununu ma bana ba bina Isarere, yande kusha barekeshe rueyi rua neke biyoro djande. ²³ Ku mboko ndja maweshere Mose amoto banda bakuntshueye ngondo ishata boro baboto band'ande,ishini ba mon'ande yiyi ntsheke a muana ndo kabatoko tina kumu ndo nkendje muanda mu djaka bana ba bakimi ba bakeke bi barungu. ²⁴ Ku maweshere Mose abere yande u bunanya buande ubere nguru muan'a bora muana ndjua bawata ndjua bora kumu Farawo. ²⁵ Kuwondo imono ntand'ando yoro ra shoro Ndjambe, iraka ri war'ando bunyaka itanga ra rikete u kata bube. ²⁶ Wu rende ndo wu weshe mishingi nya bora Kristu ngo biroko djareke buiki djini dja bina Egypiti,ande awar'ando mishi marende u iputu ra nyemene u wosho. ²⁷ Ishini maweshere aki bawo yanda u Egypiti,ya urebere tini kabua sha bora kumu, yande awara ndjua yembete u bara-bara awara yi tombo yon bereke monyiyi u mishi ²⁸ . Ishini maweshere a makere ma shambora ma boro yepow aki mawere mi makere, ishin'ande nyaka bate areke a djaka bana bi bukoto ba bina Isarare: Exode 12:21. ²⁹ Ishini maweshere ba shabuwa mashe ma manene ma baba ngo shini ndjia wono,kek'aki bina Egypti bana ba kii Ndjmbe, ba ku ya nyimi u masha. Exode 14:1, Hebere 6:12,Juges4:6. ³⁰ Ishini maweshere iyeri ri rupanga rua yeriko ruku buaka , ambishi a mana ba barama matuwu shamboro. Yoshewa6:20. ³¹ Ishini maweshere ngata ndumbu Rahab ka bashe nyak'ando bate ba babe, ishin'ande a ma waya bate bana ba tomo banda u kata mbur'ande . Yesh 6:31, Gal.2:5 ³² Keke rikar roro runana ,Ishin'ande ndakap'ande itanga u toto rueyi rua bora Gedeon ndo barak' Samson,Jefete, Davidi, Smuel ando ba ngandjambe,Juges 13:26. ³³ Ishini maweshere ma banda, ba mareke makumu meke bunono, ba kere meyi ma masheke, ba ku pete marakeshe ma bora Ndjambe, ba kukanga minumbu nyi ba nyimi Juges 14:6,1sam 17:24, Dan6:23. ³⁴ Ba ku nyimi bunono bua tiyi, ba ku wondjowo u kueshe ndja itumbu, ba ku bere mawara ma banda ba ku bina bunono u itumbu, ba ku bingi bina matumbu mi marondjo meke. Dan3:25,1sam20:1,1Rois 19:20,Ndjembe6:9. ³⁵ Bawata ku wosho bate ba banda bana bawumuwa u iwa,ibeke ku badjaka wu ba boro bushuru,keke ka batoko weshe ma wondjowa ishin'ande bipete ma wumuwu ma bara-bara. ³⁶ Ibeke ba ku buaka bikete dji tshushewu ndo wu ba borokoro, wu kakanda mboro ndo wu bashiki u mburu buroko, Yeremi 20:2. ³⁷ Ba ku kakuete mamanya, ba ku babatar'ando ba ku baboro ndo wu badjak'ando kueshe, ba kuewende marak'ando maraka ba mereye poko shi ba panga,ndo poko shi bakamba, ba wara nyinyi bikete ku bamonosho mitanda, 1rois21:13,2rois1;8,Mat.3:4. ³⁸ Keke banda,ka batoto yemene bi ba wikisha shamba u kata nenge ndo u mikondjo, u shini ma manya ndo u maraka ma kukumu. ³⁹ Banda bara, ba mana war'anda rueyi rua banda rua mana ba toto ishini maweshere ma ⁴⁰ banda,ka batoto wosho djini dji baraka banda. Ndjambe amatshu rorosho rueyi rua rusheke ishin'ande banda ka batoko buaka bate ba bashike ba yeremen ayiti.