¹ Ishin'ande kuba nganga ndjua nkimi ba ku ntshoro ku ndenga bate,bak nyeke ngunu ishini yande u wosho bate u meyi ma Ndjambe keke yande iyike Ndjambe minambo ndo ba shutu ba nyakaka banda ishini mandimbi. ² A mayemene u wara poro u bana ba bere yebe Ndjambe ndo ba pushunu,ishin'ande yande yiyi ndjua kanda u boro, ³ Keke ishini rueyi runu yande yiy'ande ye rata namba ishini bube buande ya mene ndo dji kara yeke Ndjambe namba mueke ishini bube bua bate. ⁴ Moto ko yi ya shoro burite bunu ya mene,keke yande a mak bu totoro ipu ri nguru banda u bora Ndjambe, ngo ipu ra wuru yande Aron. ⁵ Keke,kristu a yande ka toko ya woshoro rutono runu ya mene ishini ku buaka kubanganga, keke yono antonosho yande a nork'ande:Wene wiyi muana me,Nda iboto arini. ⁶ Ngo ipua ra kaka a roro u iraka rek'ande : Wene u nganga Ndjambe ndjua shera shere, yono ndjua nongo mua bora Meleshisedek. ⁷ Djiyi yande u matuwu mi rutoko ruande rua shin'amana,a rombo Ndjambe ando morombo ma posho ndo birere dja bunono u bora yono a wara ndo bunono bu ngondjoro u iwa, Ndjambe a woko birore djande ishini matinini mande ma bora Ndjambe. ⁸ Dji sheke wara a wara muana,a yiri matomowo ma meyi ma mono yaande ntanda. ⁹ Keke ambushi yini a mana ba ntotoro u mayemene ma makimi, yande ya ku buaka nkereshe ndjua mawondjowo ma shera shere u bana ba bakimi bak ntomowo, ¹⁰ Ndjambe ya ku ntshiku kubanganga u nongo ma bora Meleshisedek. ¹¹ Ishini rueyi ruanda tshuiy'ando meyi ma nono buiki mi toto ndo barabara,ishin'ande bua buaka ndo boro bua woko ¹² Buinake, matu ma puru ma buini wara ba yishi keke buini buiyi ande rueyi rua bate beke ba ukar buyishi mayishi mi bukoto ma meyi ma toto Ndjambe, ndo bua wiyi bana bi nyingi ndo mabere aki bua kapa rueyi ndo bidjire dja bunono. ¹³ Kek'ande moto yono ndjua nkimi a nyuku mabere , akapa ndo bu yebere bua rueyi rua barabara,ishin'ande moto yono yiyi muana. ¹⁴ Ishin'ande bidjere djabinono djiyi ishini ba wotara,ishini banda biya ndo buanya bua kapara meyi ma masheke ndo ma mabe,ishin'ande ba wiki raba meyi ma masheke.