¹ Ishini ngosho busheke tshu rekere toto shi matapara sha kristu m tshuende ra bosho u meyi ma masheke ma yemene u bere kara shiki rueyi rua yembe u ma barara ma nteme u mingunu nya wa, ndo mawishere u bora Ndjambe, ² ndo u mayishi ma neke dibatiz, dja neke ma nyayira ma djara, ndo mawumuwu ma bate bawa, aki marumbushu ma shera shera. ³ Tshu kekere rueyi runu mbe Ndjambe yi ruweshe.Yacob. 4:15, 1korit 4 :19. ⁴ Ishin'ande dja kapa dja yemese u bara bara ba mono muanya mua Ndjambe, ba kiki ma yekere ma riki, ba wosho ikapa ra nyuma Ndjambe ⁵ Bana bawoko rushanga rua rusheke rua Ndjambe aki manono mi maburu mana ma miki u busho, ⁶ ndo ba buaka u kar ba karasha shoka mpe ndo ukar barara miteme, ishin'ande banka karasha muana Ndjambe u nte mua wesheshe,keke ba nkark nyak bushanyo u mishi ma bate. ⁷ Itanga shini anyuki djindi mashima mburu sha nyowko itang'ando itanga, ndo shini ya punushuku ndombo sha shi sheke u bora bana ba mendjeke, ya niniki a yindi u manyaka ma bora Ndjambe. ⁸ Keke shini mbe ya punushu mishueyi ndo mingongo ya kapa ndja weshe,yiyi,ngama u ikoko aki wuyi kor tiya. Heb.10 :23,24,32-36 ⁹ Dji sheke wara tshua ntotoko ngosho ba binyiti bi ruwondo,tshua maka shini meyi mana mak bu rende meyi mamasheke ndo mayemene u ma wondjowo. ¹⁰ Ishin'ande Ndjambe akapa nimba ndjua meyi yande wu pimbi ngunu muini ndo ruwondo ruini rua nthundju buini bate u ba watishi aki u yeke ba santu bikete. Mikond.14 :31, Mat. 10,42.Yn 13. ¹¹ Tshua ngueshek'ande moto ando moto u ndenga uni yar'ando mareyire mana ma moko shini yande ishuku imana ma manasha ma bakera ma yemene, ¹² Ishin'ande areke bua rekere, aki bu wokoro bana u mboko dja maweshere ndo u bambata,bana ba ngoshoko maraka ma yemene ma bora Ndjambe. ¹⁴ Itanga Ndjambe a raye yanda Abarapama iraka randa katoke ndja u mboka bara moto ndjueke ndjua ma neke yande, a ma nay u rukombo ruande ya mene, ¹³ Ndo ya karor'ande U barabara ndji nyayi nyakishi ndo ndji pu purushu ikandu rawa. ¹⁵ Irak rini Abarapama a yembete yande u rutoko rua bora Ndjambe ya ku wosho ikapa ri iraka rande ¹⁶ Bate bana bak ya koko ku rukombo rua bora yono a ma bareke bunene, ndo u mana nasha ma bande mamakimi rueyi ru ya koko rundu rua manashika meyi ma makimi. ¹⁷ Iraka rini Ndjambe a weshe yande ushundju bate bana yemene u wosho maraka manda ru wondo ruande rua meke we barma, ya ku shikki ma kokoro manda u ndenga banda. ¹⁸ Kek'ande u ndenge meyi mapende mana me bere barme, mana muy'ande Ndjambe a kapa ruere bang, tshuir'ando bunono nteme , bitimbitiki bana ba tini u bambata u yande ishini biti wosho ma bakara mana mi tshu raya yande. ¹⁹ Ma bakara mana tshuaka ma wosho ngo itenye ra nte ra yemene ndo ra rinono ri ma wondjoro ra niniki u shamba mapere ma riti, ²⁰ Iraka rini Yezu a nini yande ishini biti ngo ntomo ndjua bukote ya buaka ku benganga ndjua shera shera u nongo mua bora Meleshisedek. Heb.3,1:4,14. Heb.8:1,9:11