¹ Kekangowo, tshutin'abiti,bana bawiyi bukoto, ba mamana tshurekeshe iraka ishini biti wunini u bukumu buanda, mbe moko djua ndenge yini reke yiyi a mbishi. ² Bara-bara tshuamawara ndo rusanga rua rusheke, runu rutshushosho biti ipu imoko ndo banda, keke rutoto ru bashosho banda rua toko banyakesha ishin'ande ka ruatoko wara ndo maweshere mamasheke u ndenga banda. ³ Ishin'ande biti bana tshuaweke tshunini u bukumu ipu ra roro yande. Ishini kabua shaude kabishe nini u bukumu buanda, atoto ngosho,djisheke wara mingunu nyande nya mamana shira u matapara ma shin'amana. ⁴ Ishini yande ama toto iraka reke ishini butuwu bua shamboro, ande : Ndjambe amakiti soko u mingunu nyande nyakere yande u butuwu bua shamboro. ⁵ Ando u iraka rini shokampe ande kabasho nini bukumu buande. ⁷ Kebangwo dja mashara ishini bate beke bawunini, ndo bana bawar'ande rushanga rua rusheke rua toto bande ishini band'ande ko bashe nini ishini bube bua bande. ⁶ Ndjade ishoshoro rushuwu rueke ndo arini, ibaba ra u ndjembe sha bora Davidi ngo buara ya toto yande bukoto ande,arini mbe buawoko rutoto ruande,areke bua windjiri miteme nyini. ⁸ Ishin'ande ngo Yoshua ibayeke u nyita, ka she toto ishini butuwu bueke. K ⁹ ekangowo dja shara rushuwu ru rubingi rua shoro banda ishini bate ba Ndjambe. ¹⁰ Ishin'ande yono amono biti butuwu bu rubingi,yanda akiti ishini mingunu nyanda ngo Ndjambe akiti yande ambishi nungunu nyande. ¹¹ kekangowo tshu ya nang'anana ishini biti wuyakiti u manyiti mande, ishin'ande, moto areke a buaka u bikerere djini dja bibe. ¹² Ishin'ande rutoto rua Ndjambe ruiyi ando monyo aki bunono, ra reke kueshe ina yiya ndo manga mbete ipende, raminike u rutoto rua moto ishini kukapara monyo ndo buanya, too ndo mashokoro mi biyoro aki bongo bu biyoro, rua maraka nyinga ndo buanya bua nteme mua moto buanoko yande wukere. ¹³ Kuapa mbe ikete imokorwanaga yande ra mereke we monyiyi u mishi manda, ake bikete dja bikimi djiyi butaka ndo buwororo u mishi mayono tshuiyi ando nde rueyi ¹⁴ Ishin'ande biti tshuiyi ando ngandjambe ndjua nene ndjua areke riki ra rikimi, Yezu muan'a Ndjambe, tshuar'anana u ruwondo ru maweshere miti. ¹⁵ Ishin'ande tshuakapa ando Ngandjambe ndjuike ndjua nene yono amono mitanda ndo yiti, kekangowo tshuiyi ndo ndo moko yono amonoko mitanda ndo yiti u meyi ma makimi ndo ubere kere bube. ¹⁶ Kekangowo, tshuashepere anana ngama ndo bunono bua bukimi a bora nguasha dja ntshongo,ishini biti wu pete ntshongo keke tshumono ruwondo ando ntshongo ishini ku raba yande wu tshukereshe itanga ra nyingi shiti.