¹ Yopo a ambela, ''Namiambela niti kwaikile amweya aimanine pano ambakana kufa kupitela apambaamona mubuso wa Mulimu okeya na mata awo! ² Mumanyima no maiwa mutanu nalimweya, Jesu yopo himba Pitolosi na Jakobo na Joani yopaaca palilundu lile; ohoci.Yopo aluka apaipnaikala naya. ³ Oikumango yaye yopo yopo yepoiesha, ukena hemwa,kupita ukenu omukenihi no mutungu ayuitwehaya kuikenihya. ⁴ Henyi Eliya na Mushe apoakumonahalihya okoo,ambaula na Jesu. ⁵ Pitolosi yopo alaba nakuambela Jesu, ''Muluti!,'' kwawapa inji tuikale kuno,Tuumbe ipuma ihatu, himweya hya Mushe, hya Eliya.'' ⁶ (Kakuli hiwanji alimuka, alimuka eyi noamba, kakuli mwana mbemuka). ⁷ Olibui opo likeya kwa kuafuka. Henyi opo kuyubahala lii kutundelela mulibui '' oyu mwanange ni hingile Mutetece.'' ⁸ Wangu wangu, apanatanaceka, hiwanji oyu namona, ene Jesu cambu. ⁹ Apanashetumuka kutunda pa lilundu, Yopo alaela kokunawanahala waku kuamba eyi anakamona kupitela omwana munu apa mbainguka kuafu. ¹⁰ Yopo akubulukela oiyambo ohoci kono naambaula muhikwata hyoo ''kuinguka kuafu'' kwa talusa ike. ¹¹ Opo amuipula, ''ike eyi ambelile aluti no mulao nji Eliya yo lukela kukeya weli? ''Yopo ambela, ''Eliya yo keyanga weli kwa. Yopo ambela, ''Eliya yokeyanga weli kwakulukisa inu yoshe. Ngepi ¹² henyi apa kunañoliwa nji o mwana munu aswanelq kunyanda muinu ingi nakucimbolokiw? ¹³ Kono Namiambela nji Eliya nokeya, naatenda yoshe einafa okwaye, kuca omukunañliwa nji oyaye.'' ¹⁴ Apa na keya ku alutiwa, opo amona anu angi a naacinguluka,aluti no mulao mana kanana noo. ¹⁵ Ahimona feelaJesu, anu oshe manakomoka nakuitukela okwae kukamuimuca. ¹⁶ Yopo ipula alutiwa aye,''Mwakanana ike?'' ¹⁷ Mukaci no anu angi omweya yopo amualaba, ''Muluti,ina lete mwa nange no mulume okoye. Akwata moya ou umukwangihile o kuamba. ¹⁸ Wamukukutelihyanga na kumungwihyeca pashi, onatupuka lufuci ku kanwa na kweca meno aye, naku kukutela. Noni ambela aluti oe inji aimu tundihye, naakwanga.''19 ¹⁹ Yopo alaba, Onwi mwa lusika nokulwa tumelo, kumani kala nenu nako cakukuma kupi?mona kumilehyelela nako cakukuma kupi?Mumulete okwange.'' ²⁰ Opo aleta o ndumbaana okwae. Apo moya nau mona Jesu, opo umuyumba wangu-wangu nakumu hiya yona kukutele.Ondumbana opo ngwela pashi na kutupuka lifuci kumulomo. ²¹ Jesu yopoipula ihyaye,'' Onaikala nako cakukuma kupi ngeya? Ihyaye yopo amba, ''Kutundelelela kuutomo waye. ²² Unamuyumbele mumuli kapa mumeyu mane nakuhinganga kumwipaa. Inji kuikile omutwehile kutendela, otufele hililañeke na kututusqa.'' ²³ Jesu Yopo mwambela, '''Inji mwatwehya! Yoshe inu yakonahala kuyu nokuitana.'' ²⁴ Wangu wangu oihyana mwanikana yo po kuwa nakuamba, ''Naitana! onituse mukwahaitana kwange!'' ²⁵ Cwale Jesu apa namona anu angi aitukela koo yopo nyongonyena moya noku hakena nakuamba,'' Owe omoya no hiamba na ushushu, nakulaela, otunde kwaye, konakamuhukela kame.'' ²⁶ Yopo ulila na kumu kukutelihya yonene kame yopo umutunda.Omwanikana no mulume yopo monahala wenji wakufa, mane angi amba,''Onafu.'' ²⁷ Kono Jesu yopo mukwata kulikaha nakumuimeka, ondumbaana yopo imana. ²⁸ Apa Jesu nakeya munjiyo, alutiwa aye apo a muipula kumambali,'Ngepi otwi apa tukana kuitundihya?'' ²⁹ Yopo aambela,'' Ou mufuta kautwehye kutundihiwa fela okunombula tapelo.'' ³⁰ Yopo tundamo na kuyapita mu Galileya,Hiwanji afaa nji kuwanahale oyu nokulimuka okuakile. ³¹ kakuli mwa naluta alutiwa aye. ''Yopo ambela, ''Omwana munu kumapiwa mumakaha no anu,nakumipaa. Apaipaiwa, mumanyima no maiwa mahatu mo akuinguka kame.'' ³² Kono hiwanji aiyubihihya owo muambelo, Kame monaiyapa kumoipula. ³³ Henyi opo akeya kukapenauma. Mumanyima nokuingena munjiyo yopo aipula, ''Neli ike ei munambaula munjila?'' ³⁴ Kono mona mwena.Monakukananihya oyu nayu munjila nji omukulu anyi. ³⁵ Kuikala pashi yopo aihyana oshe ali kumi na ilinakuambela, ''Inji kuikile oyu faile kuikala posho, alukanela kuikala mumanyima no akwaye nakuikala mupika owo oshe.'' ³⁶ Yopo himba mwanicana naku tula mukaci koo.Yopo munona na kuambala, ³⁷ ''oyu yoshe natambula omwanukana wenji oyu mulicina lyange; onatambula name.oyu yoshe noku nitambula hiwanji atambula ome kono oyu nakunituma." ³⁸ Joani yopo muambela, ''Muluti,tuna mono munu yotundihice madimona mulicina lyoe opotumukanihya, libaka katuendelelile naye.'' ³⁹ Kono Jesu yopo amba," komuna mukanihya, hiwanjiko oyu mbotenda omusebezi ukulu mulicina lyange munyimanya nakuamba yakuipa okwange. ⁴⁰ Opi kamba opi oyu kanine kutulwihyawetu. 41 ⁴¹ Opi kamba opi oyu kupa ongaja no meyu nokunwa mulicina lyange kakuli wa ikala kukilesite, namiambela yahikuma, momba akawana mupuzo. ⁴² Opi kamba opi mboletela omweya kua nucana aanitanenine kuatanukihya, kwaikala hiwana kumunungelelela liwe likulu muhingo cae na kumuyumbela muliwate. ⁴³ Inji olikaha lyoe lya kutanukihya, oli mbatule. Kwaikala hiwana kuyoya muuhole kupita kupita kukwata makaha meli nakuca mumulilo, mumulilo no kwa ha cimana. ⁴⁴ Mumañolo mawawa no kale kakwite a mai, natimana ca hiwanji catuliwa mu, oko cikana kufa o ndulo coo, na mulilo nokuhacimiwa. Aa mai kaikile mutimana ca. ⁴⁵ Nji oliuiu lyoe lya kutanukihya,olimbatule. Kwaikala hiwana kuyoya muuhole kupita kukwata makondo meli nakuyumbeliwa mulihele. ⁴⁶ Mumañolo ma wawa nokale kakwite a mai, namutimana ca hiwanji ca tuliwa mu, oko cikana kufa ondulo coo, na mulilo no kwa hacimiwa. A mai awanahala mutimana ca. ⁴⁷ Inji olyeño lyoe lya kutanukihya, olitundihye. Kwaikala hiwana kuingena mumubuso wa Mulimu na lyeño li mweyakupita kuikala na meño meli na kuyumbeliwa mulihele, ⁴⁸ Oko cikana kufa ondulo coo, na mulilo nokuhacima. ⁴⁹ Munu na munu mbokalungiwa na mulilo. ⁵⁰ Mungwa uwawa, kono apa mungwa uhamuka, mwatwehya ngepi kutobalihya kame? kuikala mungwa mukaci kenu muikale hiwana mukwaye kumu kwaye.''