¹ Omumayuwa, kame kwaikala anu engi, nakene akwata ilya ya kulya. Jesu opo ihyana a lutiwa aye na kuambela, '' ² Nakwata mañeke pa nyangela kakuli a hitwala posho okwila nange pano kuna piti mayuwa mahatu hiwanji ehi anali. ³ Apa nia huca minji hiwanji hya kulya, kuma pwelelela munjila. A mweya oku atunda kwalepa." ⁴ Alutiwa ae amulaba, kupi ko tuwana ehingwa hingi muno mulihalaupa nji anu awane.'' ⁵ Ope epula, ''mwakata hingwa hinganji ? alaba, mutanu na ili.'' ⁶ Olaela anu ohye kwi kala pahi. Ohimba eyo ingwa mutanu na ili, okutumela, nakuicolaula. Opo alutiwa aye nji atambeke, nakupa eli libumba. ⁷ Kame nakwata shi cinyonyonyo, mumamanyima nokukutumela, olazela alutiwa aye na kuapa kame. ⁸ Alya mane na kwikuta, otolatola eyo naingwanga ko, mutanu na meli wa mayongo makulu. ⁹ Anu kumana likana ikiti ine, kutandapo oa hasanya. ¹⁰ Popo oingena muwato na lutiwa aye, aca muhibaka hya Dalmanuta. ¹¹ Amafalisi akeya nakutateka kumukananhya. Kuma na faa okwae kua monihya hisupo no kuwilu , kumulika. ¹² Obilaele yonene mu moyo nakuipula, '' kandi ngepi olu sika apa lufaaa ehi supo ? Nimaembele hikuma, hi wanji hisupo ehyo no lusika mupiwa. ¹³ Oa hiya na kwingena muwato kame, na kutundapo kuca muhyambwaliya. ¹⁴ A lutiwa kuma nabulama kuhimba ingwa. Nakena himba hiwanga himweya muwato. ¹⁵ Kuma nalaela nji, ''mutone na kumamela kukana kumamela no mafalisi na mamela wa Helonda. ¹⁶ A lutiwa opo kuambauca munu namukwae, ''henyi katukwite hingwa. ¹⁷ Eyo Jesu noilemuha, opo ambela, kandi hike muambaulile pokulwa hingwa?'' ko mwa hi hupula? komwa hi utwihihya? kandi ngembi e micima cakwanga kunahana? ¹⁸ Na meño enu komu monine? Namatwi enu, komuyubile ? Ko muhulile? ¹⁹ Paya nani colaula eingwa mutanu mukaci noanu ikiti mutanu, mayongo mangaci a naumba naungululwa no mutola?'' Opo amwambela, likumi na twilii? ²⁰ ''Paya nani colaula ingwa mutanu nailii mukaci no anu ikiti mutanu mayongo mangaci ao umba na ungululwa noungwa ou no mutola?'' anu ambela anu mutanu na meli,'' ²¹ Opo aipula nacino nako kumwa hiyubihya?'' ²² Opo akeya ku Betesaida. Anu amuletela omunu nokuhamona alomba Jesu kumu yoyihya. ²³ Jesu o kwata oyo mulume noku hamona kulikaha, omutwala panji. Munyima nakumuhipwela mate mumeño nakumupaka makaha, omwi pula,'' Koikile eyu monine? ²⁴ Otaneke, na kuamba, ''Na mona anu noku monahala wenji itondo yeyi endile.'' ²⁵ Kame ohukela kumupaka makaha pameño noyu munu opo tonihya meño aye, ohukela kumona. ²⁶ Jesu opo muambela nji woe, '' Kono pita mutolopo.'' ²⁷ Jesu na lutiwa aca muminji ca caesarea pilipi. Munjila oipula alutiwa ae, "kandi anu amba nji yome no anyi? ²⁸ Opo amualaba naku mwambela nji, "Joani mukolobezi. A mweya ambanga nji, Eliya, na amweya kame ambanji, omweya ku mapolofita. " ²⁹ Oe pula,'' kono onwi mwa ambanganji ome no anyi ?" Pitolosi omuambela, owe o kelesite.'' ³⁰ Jesu opo oa pa mamela caku ahamba eyaye. ³¹ Opotateka kualuta omwana munu kuma nyanda muinu ingi, kuma akukaniwa kuakulu naku mapulisita akulu no añoli, kame kuma akumwipaa, mumanyima no mayuwa mahatu kuma akwinguka. ³² Oamba makande hiwana. Pitolosi omutwala kumbali otateka kumunyaza. ³³ Kono Jesu akana kutanekela a lutiwa aye nakunyaza, Pitolosi oamba,"tundapa satani! kopakile ngana kuinu ya mulimu, kono kuinu no anu. ³⁴ Cwale opo oihyana nyangela na lutiwa aye pa mweya, opo ambela, nji munu afaa kunikoñeca, akane inu yoshe, a himbe e hifapano hyae, anikoñe ene. ³⁵ Ohuyinga kuyoyihya moyo waye kumu upanduka, oyu hiya omoyo waye mulibaka lyange na ebangeli kuma ikakuwana. ³⁶ Omunu kuma kumutusa hike njiinu yohye no mulitunga yohye ikale yaye, kono apalele okuwana omoyo waye? ³⁷ Hinu mbike ehyo munuapa kukucinja na moyo waye? ³⁸ Oyu yohye mbo nifela hyoni na mai ange muno mulitunga nokufosahala, omwana munu kumamba mufela ehyonyi apa keya mukanya ka Ihwaye na kukena na mañeleloi."