¹ Jesu apa nahiya ehyo hibaka kuca kunaha ca Judea, muhyambwaliya no nuka ca Jordan, ehicaba hyopo hikeyo kwaye kame. Kuca mumukwa waye, yopo luta ehicaba kame. ² A mafalisi ngapa nakeya kwa Jesu kuyamulika, opoa mwipula, “Omulao wahetanihya omulume kulukulula munuwaye?” ³ Yopo alaba, “Mushe kuma na milaela ngepi?” ⁴ Ngau alaba, “Mushe kuma naitanihya omulume nji añolele munuwaye liñolo lya tukuluho, cambu amulukulula ⁵ “Mushe kuma anakumiñolela owo mulao kakuli emicima cenu cakukalupa,” Jesu yopo a alaba. ⁶ “Kono ku kutunda kusimuluho no kumba, ‘Mulimu kuma anaa umba mulume na mukaci.’ ⁷ ‘Pangeyo omulume kuma akuhiya ihwaye na inawaye, akakuwane na munuwaye, ⁸ mi muwili woo kuma aikala lutu lumweya, pangeyo, katendile kamenji aili, kono seli lutu lumweya. ⁹ Henyi ehi anawaneka Mulimu, kokunekala munu wakuhitapa.” ¹⁰ wawo, namulandu waye walihuwa10 Apa naikala munjiyo, alutiwa aye opo amwipula kame eco taba. ¹¹ Ngapa naa aambela, “Oyu yohye wakutakula munuwaye nakuyeka mukaci wawo namulandu waye wa lihuwa kwa munuwaye. ¹² Haibanji omukaci akana humwaye yopo kalama kumulume ¹³ Opo amuletela anucana atomo nji Jesu aakwate, kono alutiwa aye opo anyongonyena aa naaleta. ¹⁴ Kono apa nalemuha ngeyo, Jesu yopo anyongonyena yonene, nakua ambela, “Mulehye anucana atomo akeyokwange, komunaa kanihya kakuli omubuso wa Mulimu waswanela aa nokufeka wengi ao. ¹⁵ Namiambela yahikuma, omunuyohye oyukana kwitana omubuso wa Mulimu wenji anucana atomo, liiwa akwingena mumubuso wa Mulimu.” ¹⁶ Yopo paka anucana mumakaha aye nakua paka makaha pamitwicoo kuafuyaula. ¹⁷ Jesu apa natateka okweenda, opo mulume omuhundukela nakumukubamena, nakumwipula, “Muluti muwawa, kandi nalukela kutendahike nji niwane moyo wa kuhapwa?” ¹⁸ Jesu yopo mwipula, “Hike hyonihyanena nji Muluti muwawa? Kakwikile muwawa ene Mulimu yohoci. ¹⁹ Walimuko milao: ‘Kone paa, konalala namunuwa mukoe, kone ca, kona amba upaki wa mbango, kona himba hinu ya munu na makupapa, okuteke ihoe na inaoe.’” ²⁰ Oyo mulume ngau aamba, “Muluti, eyo inu yoshe inakuimamela kutunda kuutomo wange.” ²¹ Jesu opo mutanekela nakuhinga. Opo mwaambela, “Hinu himweya hyoulwile. Walukelanji okaulihye eyukwite yohye, okaipe abotana, kumo kwata ufumu kuwilu. Apa kupwa ngeyo, okakeye, onikoñeene.” ²² Aa mai opo amunyongonyihya mane yopo ñaluha yo bilaelile yonene, kakuli ehifumu hyaye neli hingi yonene. ²³ Henyi Jesu yopo endihya anu nameño, nakuambela alutiwa aye, “Kwakalupa ngepi nji aa nokufuma aingene mumubuso wa Mulimu!” ²⁴ Alutiwa opoa komoka yonene mulibaka noa mai aye. Kono Jesu yopo aambela kame, “Ana, kwa kalupa ngepi nji aa nokufuma aingene mumubuso wa Mulimu! ²⁵ Kwahotopa o kamele nji aingene mulyeño no nguya kupitanji omunu nokufuma nji aingene mumubuso wa Mulimu.” ²⁶ Alutiwa opo akomoka yonene nakukwipula, “Kandi henyi anyi yotwehya kuyoyihiwa?” ²⁷ Jesu opo atanekela nakuambela, “Ku anu kwa kalupa, kaanji kwa Mulimu. Einu yohye yakwotopa kwa Mulimu.” ²⁸ Pitolosi yopo tateka okuambela Jesu, “Omone, otwi tunahii inu yohye nakukukoñeena.” ²⁹ Jesu opo amba, “Namiambela yahikuma, hiwanjiko munu wa kuhiya njiyo caye nji manjaye nji inawaye nji ihwaye nji anaye nji yanda mulibaka lyange kapa mulibaka no evangeli ³⁰ oyu wa kukana kutambulo mianda noyo inu anahii muno mulitunga: manjiyo, apaye, ainawo na anaye, na yanda, naku nyandihiwa,eyanda na mulitunga elilikeile, awane moyo wakuhapwa. ³¹ Kono angi aa nekala kusho, onyiko akwikala ono kumanyima, aa nokumanyima kuma akwikala kusho.” ³² Kuma naa ikala mumuendo wa kukambamena ku Jerusalema, henyi Jesu yonyiko noaenda kusho. Aa lutiwa aye kuma nakomoka yonene, naa namukoñeena kuma naiyapa. Jesu ngapa naahimba alutiwa aye aakuma pa likumi naili kua huca kumambali kame yopo tateka kua ambela ei ilukanelile kutendiwa okwaye. ³³ “Mumone, twakambama kuca ku Jerusalema, henyi o Mwana no Munu kuma apiwa mumakaha no maprista akulu naa ñoli no mulao. Kuma amuatulela lifu nakumupa mumakaha no macaba. ³⁴ Kuma aamunenauna, amuhipwele mate, amumwahyaule, mane amwipae. Kono mumanyima no mayuwa mahatu, kuma akwinguka. ³⁵ Jakobo na Joani, anaa Zebedea, ngau akeya kwa Jesu kuya mulomba, “Muluti, twafaanji otutendele eitukulomba yoshe.” ³⁶ Ngau Jesu aiipula, “Mwafaanji nimitendele ike?” ³⁷ Opo alaba, “Apo kekala mumubuso woe, otwitanenenji natwi twikale noe, omweya kulikaha lyoe no hilyo omwaya kwili no hiñomo.” ³⁸ Kono Jesu yopo oambela, “Kamulimukile ei mulombile. Mwatwehya kunwena munganja eci nitanga kunwena kapa kukutiisa mukolobezo nitanga kukolobeziwa?” ³⁹ Opo amualaba, “Twatwehya.” Henyi Jesu yopoaambela, “Munganja nitanga kunwena, kumamunwenamo, namukolobezo nitanga kukolobeziwa, kumamukolobeziwa. ⁴⁰ Kono kenanjume yonipa nji omweya aikale kulikaha lyange no hilyo kapa kwili no hiñomo, kono kupiwa ngeyo kumakupiwa kwao analukiseliwa.” ⁴¹ Aya alutiwa akwao no likumi, uya ayuba ngeyo, opoa nyongonyena yonene Jakobo na Joani. ⁴² Jesu yopo aihyana nakuaambela, “Mwalimuka aya busile anu nokuhetana kwa Mulimu nji ao aha endihya, kame abusi oo akulu akwata mata nokuabusa. ⁴³ Kono kokwakwikala ngayo okwenu. Oyu failenji aikale mukulu, alukanelanji aikale mubeleki noa kwaye, ⁴⁴ Oyu faile yohye nji aikale yono utangi, alukelanji kwikala yo mupika noanu oshe. ⁴⁵ Kakuli o Mwana no Munu hiwanji akeya nji aya belekeliwe, kononji aya belekele anu, naku yapo omoyo waye nji aliulule anu angi.” ⁴⁶ Henyi opo akeya mu Jericho. Jesu yo tunda mu Jericho naa lutiwa aye na anu angi na mukoñeena, Bartimea mwana Timaeus, nokufo meño nolombanga, kuma natongomana kumambali no njila. ⁴⁷ Uya ayubanji Jesu noku Nazareta yokeile, yopo tateka kukuwa kwihyana Jesu, “Jesu, Mwana Davida, oniyubele hililañeke!” ⁴⁸ Oungi no anu opoa nyongonyena oyo mulume nokufo meño, nakumuambelanji amwene. Kono yopo kuwa yonene, “Jesu Mwana Davida, oniyubele hililañeke!” ⁴⁹ Jesu yopo imana naku aambela njii amwihyane. Opo amwihyana, aamba nji, “Okuongoce! Oimane! Akwihyana.” ⁵⁰ Opo yumbela ohyapalo hyaye kumambali, nakuhundukela kwa Jesu. ⁵¹ Jesu yopo mualaba nakumwipula, “Wafaanji nikutendele hike?” Omulume nokufa meño ngau aalaba, “Muluti, nahafaanji ni mone.” ⁵² Henyi Jesu yopo muambela, “Oce. Otumelo coe cinakuyoihya.” Munako cinyonyo fela yopo mona kame, yopo mukoñeena mumukwakwa.