¹ Henyi opo akeya ku Jelusalema, pepi na Betania ku li lundu lya olive, opo Jesu heni tuma alutiwa aili, ² Na akuambela,'' mou munji wikile pa mambali cetu, apa mukaingena mo momukawana o tongi ahemwena apahamiwa. Muka mufungulule mumuniletele. ³ Nji kwali oyu mipula, ''Ikeyi yo mutendele eyo? Mua mbenji, mulena yo mufaile kumatuka muhuca panopano. ⁴ Yopa aca kukuwana tongi ana mufungela pa mwelo yopo amufungele pa mwelo panji munjila, yopo amufungulula. ⁵ Anu naimanaapo yopo aipula, ''mwatende ike, mwa fungulula tongi?'' ⁶ Yopo aamba omu naalaela Jesu, anu ene alesha amuhimba. ⁷ Yopo alete tongi kwa Jesu nakuyumbanena eikumango yopa muongo no tongi, opo mukwela pa muongo. ⁸ Oungi noanu ayala ei kumango mumukwakwa, kame amweya ayala ei shawa nakutundau muyanda. ⁹ Ana nakutangeca poshe caye na nakumu koña asha welela. ''Hosana! Wafuyauci oyu keile mulicina lya mulena. ¹⁰ Fuyauci ca mubuso ukeile wa tate Davinda! Hosana muwilu!'' ¹¹ Henyi Jesu yo nonengene mwa Jelusalema kukengena mutempele nakukatanaceka yoshe einu. Heni nako kucimona cinapu, yopo panamo kuca ku Betenia na alutiwa ae likumi na ili. ¹² Eliwa nelitatama atunda mu Betania, apoyofile njala. ¹³ Yomonine apale a hitondo no feinga na hikwata mawa, opo hicela kukahimona nji hikwite itolwana, Henyi apa kakumako, kokulwa ene mawa, neli kananji co nako hipanganga aitolwana. ¹⁴ Yopo hiambela,''hiwanji kame omunu mbolya hitololwana naokoye.''Apa naamba na alutiwa aye amutetecile. ¹⁵ Yopo akeya ku Jelusalema, kengena mu tempele omunakaci ela mbanji aulihi na auli mu tempele. Opo yapau la ama tafule no acinji no mali naipula no aulihi no tungwilimba. ¹⁶ Nokena etanihya kulihya. ¹⁷ Yopo alutanji, kenanji munakuñoliwa nji,'' Enjiyo cange mamba cikala njio ca lilapelo no anu ohye? Kono muna cialula liteke lyaa mbui. ¹⁸ A ma pulisita nañoli ayuba eyi na amba, cambu amufaela njila no ku muipaela. Neli kuma na miayapa mulibaka nokutendanji omilutelo na luta anu eli yii lwa mulimu kuma na lia komokihianga. ¹⁹ Apa ama ngolangola akuma, yopo funduka mu muleneñi . ²⁰ Apa naendaenda ama hikuhiku, yopo a mona hiya hitondo na kuta Jesu hina olaola kukuma naku minji cahyo. ²¹ Pitolosi opo hipula nukuambanji, ''Rabbi, omone! hiya ehi tondo nakuta inafu. ²² Jesu opo alaba," mulumele kwa mulimu.'' ²³ Niti namiambela nji munu apa ambelela e lilundu,yo kwite tumelo mumucima noniti mumucima na kwitana ei ananamba nji ya hikuma, mulimu ya mutendela. ²⁴ Henyi naamnba okwenu, hyoshe ei mulapela na kulomba mulimu, mwitane nji ma muipiwa mbikala yenu. ²⁵ Apa imana na kulapela. Wa lukela kuswanela ,osho anu no kufapahana no nji i hoe mulimu oli kuwilu naye okuswanela emi landu coye. ²⁶ Nji kamuswalele ni ihyenu no kuwilu kaku miswalela ounyangunyu woe. ²⁷ Yopo akeya ku Jelusalema. Jesu pa naenda mutempele, ama pulisita akulu, añoli, na kulu no keleke yopo akeya o kwae. ²⁸ Yopo amwipula, " amata mwike ao kwete okutundihya einu, kame oyu nokupa ao mata anyi?'' ³⁰ Jesu naye oamba, ''kumani mihupula puzo cimweya. munihimekece name nganimihikece amata ao ani tendihya ei inu. ²⁹ Kanti kolobezo ca Joani ca tunda kuanu kapa kuwilu?, muni alabe" ³¹ Yopo aambaula mukaci koo nakukukananihya kumona twaambanji capana kuwilu, 'mba, 'kandi hike apa namukana ku mwitana?' ³² Kono nji tuambe nji 'kwanu, ''opo ae yapa anu, kakuli oshe anu namana kutwina nji Joani mupolofita. ³³ Yopo henyi alaba Jesu, ''katulimukile.'' Jesu yopo oambela, ''name kanaku miambela amata ni kwite anitendihyanga einu,''