¹ Opo akeya muhyambwalino no liwate,muhibaka hihyaniwa mageraseni. ² Apa Jesu na tunda muhisepe, popo opo kukeya mulume no moya no kwipa kutundelela kuingo. ³ Oyo mulume manaikalanga muingo. Hiwanjiko oyu no ntwehya kumukwangihya kame,hiwanga na liwenge. ⁴ Onakumangiwanga muma kula na mawenge. Kono no ambataulanga na kuacolaulanga.Hiwanji oyu no kwata machi no kutwehya kumunjinjimeka. ⁵ Liwa na liwa uhiku na muhinonga mumapilo na mumaloundu,kuma na kuwanga na kukuwawanga yohinda kukutusisa mawe no kutwipa. ⁶ Apa namona Jesu yo panenine pale,yopo muitukela nakukamutwangwamena. ⁷ Opo okuwa lii likulu,'' mulandu mbike ou ni kwite noe,Jesu, Mwana Mulimu oli kuwilu? Nakulomba mulicina lya Mulimu yoñene, konaninyandihya.'' ⁸ Kakuli Jesu manamuambelanga nji,''kwoyu munu, owe moya unyangunyu.'' ⁹ Yopo okmwipula,'' Yowe anyi liucina lyoe?'' opo mwalaba,''Yome no hikwata,Kakuli twaangi.'' ¹⁰ Oyo mulume yopo hukahukela kumulomba inji akanaatundihya omo muhibaka. ¹¹ Kumalundu kuma na kuikala mulaka no a ngulu, ¹² opo amulumba,nji,'' otwingenye muya mwaangulu; otwitanene kwiingena mwangulu,'' opo aitanena kwingenamo; eimoya no kwipa ¹³ yopo itunda kumunu nakuingena mwa ngulu,angulu opo aituka na kuka shakela muliwate,angulu akukwana ikiti iliopo alowela muliwate. ¹⁴ Ao napa angulu ilya opo aitukela mumuleneñi na munaha chohye kukalombolola,apo bene anu opo a ca kuka mona einaitendahala. ¹⁵ Opo akeya kwa Jesu opo aya mona mulume no kwata myoya chingi, yo tongomanine ko, ona kumanga naku monahala hiwana muminahano cae; opo aiyapa. ¹⁶ Ao na kumonena einaitendahala ku mulume no kwata myoya no madimona opo a himekeca yohye,naitendahala ku angulu. ¹⁷ Opo a tateka kulumba Jesu nji aa hiye muhibaka hyoo. ¹⁸ Apa naingena muwato,oyo mulume nokwata madimona omulumba nji afaa kuikala nae. ¹⁹ Kono Jesu hiwanji amuitanena,kono opo mwambela nji,'' oce ku njiyo coe na kuapoe okaambele ei anakundele mulena,namu ana kumoniheche hishemo hyae.'' ²⁰ Opo funduka kutunda apo na kutateka kuhimekeca mu Decapolisi oinu ikulu ana mutendele Jesu,anu oshe kumana eyaala. ²¹ Henyi Jesu apa naahupuka muwato kuca muhyambwaliya kame,anu angi opo akuwana okwae,yoikile kumambali no liwate. ²² Apo bene omweya kuakulu no sinagoge oihyaniwa Jailosi opo okeya,apa na mona Jesu, ongwela kumaulu ae. ²³ Opo hukahukela kumulomba,nji, ''Mwanange mutomo wa mukaci ahinga kufa. Nakulomba,Okeye oya tule makaha oe pa lutu lwae nji aikale hiwana na kuyoya.'' ²⁴ Opo aca nae, anu angi amukoñeca akuhinahinine amuumbelelile. ²⁵ Pao anu angi neli paikala mukaila mukaci oyu no kola utuku no unyinga likumi noilimo nailimo iili. ²⁶ Oyo mukaci mana nyanda yonene kuapangi akulu no muipatela naku sinyehela ei nakwata yoshe, kono kupitangi ayoye utuku pengi uce pashi. ²⁷ Apa na yuba makande a Jesu, yopo keya mumanyima ae mukaci no anu naku mukwata kumungundo no hyaapalo hyae. ²⁸ Mukaci no aamba, ''apanikwata fela kuhyapalo hyae, kumaniyoya.'' ²⁹ Apa na mukwata, ounyinga opouimana,opo kuyuba mulutu lwae nji ona yoihiwa ku matata ae. ³⁰ Popo bene Jesu olemuha nji, ''Anyi oyu nakwata kuhyapalo hyange?' ³¹ Alutiwa ae amuambela,'' Wamona hicaba hiku hina hinine koe,kono waamba nji, 'Anyi yonanikwata?'' ³² Kono Jesu oekeza kutanaceka nji amone oyu namukwata. ³³ O mukaci kulimuka eiinatendahala kwae, oiyapa na kunjanja. Opo okeya nakuyangwela kumaulu a Jesu nakumuambela uniti woshe. ³⁴ Jesu yopomwambela, ''Mwanange,otumelo coe cinakuyoihya. Oce mukozo na ku kakuingula kumatata oe.'' ³⁵ Yohiambile ngeyo,anu amweya kumana keya kutundelela ku mueteleli no sinagoge,opo aya muambela.'' Konaekeza kukataza muluti? Mwanoe onafu.'' ³⁶ Kono Jesu apa nayuba liñusa lyo liambiwa, opo amba kumueteleli no sinagoge,' 'Koneyapa.Oitane cambu.'' ³⁷ Hiwanji aitanena munu kumu hindekeca ene Pitolosi,Jakobo,na Joani, mukulwa Jakobo. ³⁸ Yopo keya ku njiyo ca mueteleli no sinagoge opo mona anu atendile lilata lingi; neli alila na kubokolola yonene nene. ³⁹ Apa naingena munjiyo,opo oamba okoo, ''ike ei munyongonyine na kulila? Mwana kahifa kono alala.'' ⁴⁰ Yopo a musheka. Kono yopo yu bahala panji na kuhimba ihwa na inawa mwanukana nao na ikala nae, yopo oingena oko naika mwanukana. ⁴¹ Yopo okwata likaha lya mwanukana na kuamba nji, ''Talitha, koum!'' eci catolokiwa nji,''mwanukana wa mukachi, ⁴² nakuambela, oinguke.'' Popo bene yopo inguka na kuenda(mwana kwata likumi noilimo nailimo iili). Popo yopo akomoka yonene naku eeyalav. ⁴³ Yopo walaelela nji hiwanjiko oyu swanela kulimuka einatendahala.Yopo wambela nji amupe ya kulya.