¹ 1 Kame yopo tateka kuluta kumambali no liwate, na anu angi opo akuwana ku muchinguluka0. Yopo ingena mu hisepe nakuikala pa liwate, yopo tongomana muhisepe. Anu oshe manaikala palikamba no liwate. ² Yopo a luta inu ingi mu manguli, mane mukuluta kwae, ei yonyiko naamba kwaanu. ³ Muteteche! o mulimi manacha mukukuna mbuto chae.4 Yokunine, mbuto chimweya opo chingwela munjila, oinyunyi yopo ikeya kuyachilya. ⁴ Mbuto chimweya manachingwela mumachwe,omunakukana kuikala mubu ungi. ⁵ Opo chimena wangu, henyi nakukana kwai kala mubu wakuchoña. ⁶ Kono oliiwa uya lihila, ohichalo opo hikuonyaonya, henyi hiwanji kwaikala minji, opo ikukuta. ⁷ Mbuto chimweya mana chingwela muitondo no mingunguya.Ohichalo nahingwela mumingunguya opo hikula nakukiñaaniwa, mane opo hipalwela kupaka ilya. ⁸ Mbuto chikwacho kuma na chingwela mumubu uwawa mane opochikula hiwana hiwana na kupaka makumi mahatu,makumi mutanu nalikumi limweya, mane chimwea myaanda chiili.' ⁹ Chwale opo amba nji, oyu kite matwi nokuyubihya, ayube!'' ¹⁰ Jesu apanaikala yohochi, ao nakuyuba nae naa likumi na ili opo amuipula ei nomanguli. ¹¹ Opoambela,'' okwenu ya piwa mokukomokihya no mubuso wa Mulimu. Kono kwaaya nopanji inu yoshe yaikala mumanguli, ¹² nji henyi apa taneka, eni a taneka, kono hiwanji kumona, mane hiwanga apa yuba, eni ayuba, kono hiwanji kuyubeela,kapa mane kumahiuluka na Mulimu atweha kuaswalela.'' ¹³ Opo aambela,'' kamuyubisisize echi nguli? Ngepi henyi yomuyubisisa amanguli oshe? '' ¹⁴ Omukuni nokuna lii. ¹⁵ Echi chonyiko no munjila, oko lii nalikuniwa. Apaayuba, wangu Satani akeya nakuyahimba liya lii linakuniwa koo.'' ¹⁶ Echi chombuto nacikuniwa mumacwe; ao, a yuba lii popo aliamuhela na tabo. ¹⁷ Kono kakwite minji okoo, kono akutiisa pakanakoana. Mumanyima matata kapa kunyandihiwa apa kukeya kuamana na lii, wangu lyatunda. ¹⁸ Amwea onyiko a nakuniwa mumingunguya. Onyiko aya ayuba lii, ¹⁹ kono ahitokomela yalifasi nakuhongiwa kuhifumu na kutabela inu ikwayo ya keya nakuindeka lii, mane hiwanji na kushema. ²⁰ Aya nakuna mumubu uwawa onyiko aya nokuyuba lii, kuli amuhela na kupaka ilya,makumi ma hatu, makumi mutanu nalikumi limweya, kapa mane hiwanga kupaka myanda chili. ²¹ Jesu yopo aambela,''Mwaletanga olambi munjiyo kuyachifuka muhizuma kapa mushi no mumbeta? Mwa chiletanga mukachi. Nakuchipak peulu. ²² Hiwanjiko ehi nokukuholeka ehi nokwa halimukiwa, kame hiwanjiko kunutu echi ca kukana kukeya apa nokumonahala. ²³ Inji kwaali oyu kite matwi nokuyubihya,oyo munu ayube! ²⁴ Opo aambela, ''mutetecange yonene kui muyuba, okupima mukutusisa mamba kukutusisiwa okumipima, mane oungi kumayekeziwa kwenu. ²⁵ Kakuli yoshe oyu kwite, okwae kumapiwa yonene, oyu kana kukwata, hiwanga ei akwite kumamba ahiyangiwa ²⁶ Yopo amba kame, ''Omubuso wa Mulimu wafeka mulume nokuna mbuto cae mumubu. ²⁷ Ahindama ouhiku nakuinguka muhinonga, na mbuto opo cimena nakukula, hiwanga nji alimuka nji ngepi. ²⁸ Olitunga lya kushemena mbuto lyolihoci: Okalulo noma tatekelo, cwale kutwi, henyi mbuto cikoli mukutwi. ²⁹ Henyi oicalo apaiba, wangu opo atuma macekesi kakuli kutulo cinakumu.'' ³⁰ Kame yopo aamba, ''Omubuso wa Mulimu twatweha kuufekiha nahike,kapa nguli cipi eci tutweha kukutisisisa ukuutoloka? ³¹ Kwa feka wenji mbuto no mahitete, eco, apaa cikuna,conyiko mbuto ci nyonyo muno mulitunga. ³² Kono, apo coci nakuniwa, cakula yonene kupita oicalo yoshe no mu hyanda, na kukula yenene mitai, mane oinyunyi noliwiluyatweha kuumbelako maswalelo muliuba. ³³ ''Kwaamana namanguli manguli mangi Yopo amba lii koo, ³⁴ kuca omu nautwisize, kame hiwanji ambanga koo oku no mbula nguli. Kono apanaikala yohoci,yopotoloka inu yoshe kwa lutiwa ae ³⁵ Mwelyo liiwa,oushiku wounakeye,opo aambela,''Tweendenyi muhyambwaliya kuhibaka hikwahyo.'' ³⁶ Yopo ahiya anu angi,opo aca na Jesu,yoikile ngeyo,muhisepe.Mana kuikala isepe ikwayo nayendelela nae. ³⁷ Apo bene opo kukeya mepo cikulu,mane mandinda kumanaingenanga muhisepe mane ohisepe mana hihinga kumba hya meyu. ³⁸ Kono Jesu ye manaikala mulituhi, yo lalile pa mushamo. Opo amushunga,aambile,''Muluti,kotokomelile nji tutamba kufa?'' ³⁹ Yopo inguka,nakukanda mepo,nakuamba kuliwate,''Kozo! chiikale!''Apo bene mepo opo chimwena,mane opo kuikala kuombalala kuluu. ⁴⁰ Henyi yopo amba koo,''Ike yo muiyapile?Nangeno kamukwite tumelo?'' ⁴¹ Kumanaiyapa yenene mane munu na munu manaamba kwa mukwaye,''Anyi henyi oyu,kakuli kakuli hiwanga mepo na s ya mukuteka.