¹ Kumaca na kuka huka ku munji waye, alutiwa opo amukoñeela. ² lyo sabata apa na li kuma, yopo luta musinagoge. Anu angi a na muyuba opo a komoka.Yopo aamba, ''kupi oku anauwana mulutelo?'' ''utali mwike ou natweha kupiwa?'' ''makezo a ngepi aa na tendahala namakaha ae? '' ³ Oyu kanji muyuwi,mwana Maliya na mukulwae Jakobo na Joses,na Judas, na Simon? A manjaye katuikile noo pano?'' Kumana nyongonyihya kwa Jesu. O mulume oi hyaniwa Joses,kuno ai hyaniwa Josefa mubuka ca Mateu. Olicina lya Josefa lya hemanena mubaleloou no muhihebelu. Joses lya hemanena mubalelo wamu hi Gelike. ⁴ Henyi Jesu opo amba okoo, ''mupolofita hiwangi kukutekiwa muhibaka hyae na muceci no apae naa no mulilapa lyae. ⁵ Nakena atenda musebezi woshe, ene kupaka makaha kuanyonyo aa nokukola na kuayoihya. ⁶ Kumana komoka muku haitana koo.Opo cinguluka muminji nakualiuta. ⁷ Yopo ihyana alikumi naili na kutateka kuatuma okucanga aili aili, nakuapa mata pa myoya no ku hakena, ⁸ nakulaela nji hiwanji kuhimba inu munjila ene muhyako hiwanji ihima,hiwanji mukotana, hiwanji mali ko mali mumakondo oo. ⁹ Kono akumange manyatela, akufuke mi kanjo ciili. ¹⁰ Yopo amba koo, ''apa muingena munjiyo muikalwmo kupitela apa mutundamo. ¹¹ Nji mutolopo hiwanji kumi amuhela kumiteteca, apa muhiya ehyo baka, mututule likungu kumaulu likungu kumaulu enu nji kuikale upaki koo.'' ¹² Yopo aca nakuku we lela nji abake. ¹³ Kumana tundihya madimona mangi, nA ku wesha oli anuangi nokukola kuayoihya. ¹⁴ Mulena Heroda yopo yuba ei, yokulimukiwa hiwana. Nolicina lya Jesu. A mweya opo amba nji Joani mukolobezi onenguka kutunda kuafu,nga pa kuikile nji mama kazo na mata abelekile okwae.'' ¹⁵ Amwea amba nji, ''yo Elia'' kame amwea amba nji mupolofita, afeka wenji amapolofita no kukale.'' ¹⁶ Apa Heroda na yuba ngeyo yopo amba nji, ''Joani, noni mbatula mutwi, oneenguka.'' ¹⁷ Heroda opo tuma anu kuka manga Joanimutolongo mulibaka lya Herodiasi(mukaci wa minae Mafilipi), mulibaka noku muyeka. ¹⁸ Joani kumana naambela Heroda, ''kenanji mulao kuyanga munuwa mwa poe.'' ¹⁹ Heroda opo munyonngonyena na kufaa kumuipaa, kono okwangela. ²⁰ Heroda mana iyapa Joani, kumanalimuka nji neli mulume wa kuluka na kukena, opo omomubuluka hiwana. Mukumuteteca yo ambile, omunakuletiheca kunyongonya, kono yomu yubile hiwana. ²¹ O liwa no mukiti opo likeya apa Heroda nakwata liiwa no ku hyemwa opo opanga ilya kwa beleki na masole na eteleli amu Galilea. ²² Neeli kwa keya mwana Herodias wa mukaci kwa yo akinena, Heroda na ngenda ae na keya ku mulalelo neli a wapela. Mulena yopo amba koyo mukacana, ''Onilombe yo she inu o faa kumanikupa. ²⁴ mwecihya na kumuambela nji, ''Yoshe ei o lomba kumaniikupa, Hiwanga kuka kumbaatwela pakaci kumubuso wange.'' ²³ Yopo pana pana panji nakukaamba kwa inawae,'' Hike hyo nilomba okwae?'' Yopo amba,'' mutwi wa Joani mukolobezi.'' ²⁵ Apo bene o nyangupa kuhuka kwa mulena ,na ku lomba okwae? ''Opoamba, ''mutwi wa Joani mukolobezi palilonga lyo hitondo.'' ²⁶ Mulena kumana ziyeleha yonene, hiwanji atwehya kumu ka nena kupo cae mulibaka no kueca na tenda na manduna no mukiti aikile. ²⁷ Henyi mulena yopo tuma lisole nalimulondanga na kumulibelelanga na kulyambela nji mukalete mutwi wa Joani. Malonda neli aca kukambatula mutwi wae mutolongo. ²⁸ Yopo leta mutwi wae mukatuo naku pa kwa mukacana, omukacana yopo ca kwainawae. ²⁹ Alutiwa ae apa nayuba ei, opo a keya kuyahimba lutu lwae nakukaupaka muli teke. ³⁰ Aapositola opo akeya pa mweya na Jesu nakumuambela yoshe na tendanga na kuluta. ³¹ Yopo amba koo, ''mukeye mohoci mulibakq naku mwwena na kupumula koo kanyonyo,'' Anu angi neli akeya nga na kuhuka, hiwanji ku wana nako ca kulya. ³² Cwale opo aingena muhisepe kuca kuhibaka nokumwena ohochi. ³³ Kono manamona a fundukile kame anu angi opoalimuka,opo aitukela koo namakondo oshe kutunda mumatolopo oshe. ³⁴ Opo akutangeca kukakuma. Apayakuma pa likamba, Yopo omonaanu angi na kuafela hililañeke wenji mangu akaine kukwata mulihyani. Opo atateka kualuta inu ingi. ³⁵ Apo nako coci yapwa,alutiwa ae opo akeya na kuyamba, ''munu muhibaka hya lihalaupa kame o nako ci na pu kale. ³⁶ Niatume ace mulitunga naminji cili pwepi akakuulele ilya nji alye. ³⁷ Kono opo aalaba nakuambela nji, ''Anu mwape inu no kulya.'' ³⁸ ''Yopo aamba nji,'' mahima mutanu nashi cili.'' ³⁹ '' Yopo laela anu oshe kutongomana muikwata pa muhonyi no utala. ⁴⁰ Opo atongomana muikwata no mwaanda umweya na kutongomana kuimweya ikwata no makumi mutanu. ⁴¹ Yopo himba mahima mutanu na shi cili, nakutanekela kuwilu opo Yopo fuyaula na kungomauna mahima nakuapa alutiwa ae nji alukiseze anu.Opo atapa eco shi cili mukaci ko oshe. ⁴² Oshe kuma nalya kutwala apa nakaikutela. ⁴³ Yopo ahimba oungululwa no mahima no kucolauliwa, oizuma likumi naili yakumba, naiemba nowshi kame. ⁴⁴ Neli ikiti mutanu waanu aa naalya ihima. ⁴⁵ Ohisepe nakuca koshe ku Bethaida, Opo olaela hicaba nji hice. ⁴⁶ Awanaci, opo ca kulilundu kuka lapela. ⁴⁷ Omangolwa ngolwa opo a keya,nahisepe ohikile pakaci no liwate, Kame manaikala ohoci pa likamba. ⁴⁸ Opo mona nji mwana palelwa kabuwa, omepo coci aluhice. Pacaci no uhiku, opo keya koo, Yoendile pa liwate mukuhinga nji a pitelela. ⁴⁹ Kono apa na mumona yo endile pa liwate mana kengeela nji hilumba na kulila. ⁵⁰ Kakuli na mwa mu mona nakuikala muutata, apo bene opo wa mbela, ''muongole yome! Komunaiyapa! ⁵¹ Yopo ingena muhisepe noo, namepo opo cihiya kufuka. kumanamakala. ⁵² Nakena autwisisa taluso no mahima mukutenda nji, micima coo monaciongola. ⁵³ Apo na tunda muhisepe, apo bene opo ambokela pa Geresani nakufueka hisepe. ⁵⁴ Apa na tunda muhisepe, apo bene anu opo amulimuka, ⁵⁵ opo aituka moshe muibaka nakutateka kuleta akuli oshe pa mihyeme coo, kohye oko nayuba nji kwa wanahalile. ⁵⁶ Koshe ku naingenanga muminji, kapa muma tolopo kapa mumatunga, Mwana twehya kupakanga akuli mumisika. Mana mulomba nji akwate ku mafelelezo no hyaplo hyae, muungi omuna mukwatelanga manayoihyanga.