¹ Mahikuhiku, a manduna no mapulisita apa akuwana nañoli naakuta coshe no mujuda. Einyi apo amununga Jesu nakumutwala. Apa mutwala kwa pilato. ² Pilato yopo mipulanji, " yowe mulena no ma Juda? Opo alaba, '' Onaamba. ³ Ama pulisita akulu apa mushangesha ingi. ⁴ Pilato kame opo muipula, kowa kupa kalabo? Inu ingaci eina kushangece! ⁵ kono Jesu wihanji alaba Pilato, yopo komoka. ⁶ Yenyi, onako mukiti, Pilato mana tundihya lipanditi limweya mutolongo, oyo lipananditi ana lomba, ⁷ Mana kuikala mulume no i hyaniwa Mbanabasi mutolongo na kwe mana kwa teliwa kuipa anu munako noku fetuhela mubuso. ⁸ Ohicaba yopo hikeya kwa pilato nakutateka kulomba otundele ei no tendanga kukale. ⁹ Pilato yopo alaba nakuambanji " momuna faya nji nimitundihyele mulena no majuda? ¹⁰ Neli alimbununa akulu no mapilisita nji apa namiletela jesu neeli muuna. ¹¹ Kono akulu no mapilisita mana hongeleca o hicaba nji mulombe mbanambasi yo swanelile kutunda, ¹² Pilato opo alaba nakuamba nji, 'ike enyi einiswanela kutenda ku mulena no majuda? ¹³ Apa kuwelela kamenji, " omukokotele! ¹⁴ Pilato opo ambela," unyangunyu mbike ou a na tende? kono opo akuwelela yonene, "mu-mungongotele!" ¹⁵ Pilato mwana faa kuwapelihya sicaba, cwale yopo atundiheca mbanambasi. Yopo shapa Jesu nakuambanji a mungongotele. ¹⁶ Ama sole opo amutwala mukaci no lilapa no kuta (eibaka hikulu no mubusisi), opo akuihyanahyana muhi kwata yo masole. ¹⁷ Opo amufuka lwambi lukihu Jesu, apa tata mingunguya kuciwaneka pamweya kupanga mushukwe umu paka. ¹⁸ Apa tateka kumupa likute nakumbanji, "apa noka, mulena no majuda. ¹⁹ Opo amu shapaka ku mutwi na lutaka na kumuhipwekela mate. Yopo akubama kumanwi kumukubamena. ²⁰ Opo namushubaula ngeyo ,apa mutundihya olwamnbi lukihu nakumanga oito yae, apo amutwala kukamungotela. ²¹ Mana kuikala mulume, Saimoni noku hilene nokeya mukaci kutundu kunaha (neli iwa Alexannda na Rufusi ), na kumuhapeleza nji a himbe hifapano hiae. ²² Masole op amu himba Jesu kumutwala kuhibaka hiyaniwa Golota ( ehipa hii yaniwa " katendele". ²³ Opo amupa waine nokukuwana na mira, kono hiwanji a munwa. ²⁴ Mwana mungongotela naku uka njiamone musole na musole eiahimba. ²⁵ neli nako cauhatu opo amu ngongotela. ²⁶ Ohisupo na muatulela iñoliwa nji, " mulena majuda" ²⁷ Oye mana kokotela na mbui aili, hi mweya kuihilyo hi mweya ku hiñomo. ²⁸ Amañola nokukupitela anokale kuma naulwa Maleka 15:28, oliñolo lyateleleza, 'ona baliwa naisinyi; ²⁹ Ana kupitela omushubaula , anyunga omutwi coo naku ambanji, akomoka! Owe tweha kusinya tempele nakucuima kame mumayuwa mahatu, ³⁰ Okuyohye ene na kushuluka kutunda pa hifapano!" ³¹ Munjila cimweya ama pulisita akulu manaca nakumuhyeka , pamweya nañoli, nakuamba nji,'' muno tusa akoe, kono wa palelwa kukutusa ohoci. ³² Tumone kelesite , mulena no ma isilaele apa shuluke kuhifapano, nji tumone na ku itana," Nao na kokotela nae mana mu shwaula. ³³ Onako apa naci kwana mutanu na kamweya, olififi apo lifuka naha coshe kutwala panako mutanu na tune. ³⁴ Munako no mutanu totune Jesu opo yukuwa nilii likulu, "Eloi Eloi, lyo ma sabakatani?" kuti" mulimu wange ike elonile shelile?" ³⁵ Amweya anaikalako apanayuba mai ae ambanji, "mumone, ahehana Eliya. ³⁶ O mweya opo ituka, naukapaka waine pa iponji, nakupaka pa lutaka, na kumupa nji anwe. Oyo mulume ambanji, "tange tumone nji Eliya ma amushulukiha. ³⁷ Jesu okuwa nalii likulu nakufa. ³⁸ Apo bene lwambi no mutempele lyopo liyatuka pakaci kutateka ku wilu kutwala paci. ³⁹ Cwale oyo noimana kunyonga nae Jesu nakumumona yofa omo munjila no ngeyo, yopo amba, "hikuma uyumunu mwana mulimu." ⁴⁰ Mana kuikala kame akaci ou namona yalipale naye. Mukaci koo mana kuikala Maliya Mangandalena na Maliya (inawa jamesi omutomo no josesi ) na munu iyani wa Josesi kuno aiyaniwa Josefa mana imanena olicina muhihebelu, nelicina lya Josesi mana liimanena olicina mu hingelike, na Solomoni. ⁴¹ Kanako naikala mu Galilea mana muñoleca na kumuyusa. Akaci angi a mweya mana keya nae ku Jelusalema. ⁴² Omangolangola akuma, neli henyi, liwa lyakukutukisa ,elyo liyuwa, lelitatamine lya Sabata, ⁴³ Josefa noku Arimatea yopo keya ko. Neli omweya nokutekiwa kwanu omukuta no libelela mubuso wa mulimu. Yopo kwata undume nokuca ku Pilato kukalomba olutu lwa Jesu. ⁴⁴ Pilato mwana eyala nji Jesu onafu kale; yopo iyana mukui na kumuipula nji Jesu neli afa. ⁴⁵ Opo na yuba kumusole mukulu nji Jesu onafu, opapa Josefa hiyupu. ⁴⁶ Josefa mana ula lwambi. Yopo mushulukiya pa hifapano, nakumuputaputela mu lwambi, yopo amupaka muliteke eli na cakula mu licwe, apa lumenela licwe mumaingene no libita. ⁴⁷ Maliya mangandalena na maliya inawa Josesi mana mona hibaka na bulukiwa Jesu.