¹ Lyo Sabata opo nalipwa, Maliya Magalena na Maliya, ina wa Jacobo, Nasolome opo aula mutondo okunuka kuka wesha lutu lwa Jesu. ² Omahikuhiku yonene muliwa no pili muviki, opo acha kuingo oliwa yolihila. ³ Opo akuipula nji, anyi yo alumuna eli liwe mumwelo no hingo?" ⁴ Apa nataneka musilu, opawana nji liwe lina alumuniwapo, kakuli likulu yonene. ⁵ Opo aingena mulibita, opo amona mucaha wakukumanga ito ikenu , yotongamanine ku ulyo, opo aiyapa. ⁶ Opo ambela,'' komuneiyapa mwa faa Jesu, noku Nazaleta , oyu nanokokotela. One nguka! Akumuhyako kuno, mutaneke muhibaka nomu muhendeka. ⁷ Kono muce mukaembele alutiwa aye na Pitolosi, Jesu akutangeca ku Galilea. Komukamu monena, kuca omu na mi ambelela. ⁸ Opo tunda mulibita nakuituka; opoiyapa na kukomoka. Hiwanjiko einamba kuinu yoshe kakuli kuma naiyapa. ⁹ Oma hikuhiku no liyuwa no pili muviki, mumanyima nokwinguka kwae, Jesu opokumonahalihya weli ku Malia Magadalena, oyu natundihya mioya mutanu nacili. ¹⁰ Opoca kukaambela anaikalanga naye, aikile mukuswaba naku lila. ¹¹ Opo ayubanji muyumi kame ma namoniwa kwa Malia Magadalena kono hiwanji amwitanena. ¹² Mumanyima noyoshe inu Jesu opo kumonahaza mihibupeho hyahyo kwa aluti aili ana tunda mulitunga. ¹³ Opoca kukaambela alutiwa ae oshe,kono hiwanji amuyubela. ¹⁴ Mumanyima Jesu opo kumonahaza kwa likumi no mwea akuikalelile fa tafule opo anyaza mukuhaitana kwoo na miOcima cho chikalu kakuli hiwanji aitanena ana mumona yoi nguka kwa afu. ¹⁵ Apo ambelanji, " muchemukaye koshe, muambele yoshe ibupiwa Evangeli. ¹⁶ Munu opi kambaopi itana yoshe nakukolobezia kumamba yoihiwa, kono oukana kuitana kuma piwa mulandu. ¹⁷ Eisupo kumo ica naitanine: mulicina lyange kumachicha madimona. Nakuamba mushobo upya. ¹⁸ Kumakwata mayoka namakaha oo kame hiwaanwa hifanu noku aipaa kohya kuatenda unyangunyu maa kwata akuli namakaha oo nakwa yoihya." ¹⁹ Mulena apanamana kuamba no, opohimbelwa kuwilu, nakuikala kulikaha no ulyo. ²⁰ Alutiwa opo aca nakukutaza mulitunga lyoshe, namulena abelekile naye, nakuyubihihya olii kuca muisupo nacanayo.