¹ Bobafika kwisila limo lya nyanja mukaya aka Garesani. ² U Yesu bo afuma mubwato umundu umwanalume uwa mbepo imbibi yo akafuna kumapumba akakomana nawe . ³ Umundu yo akafuma mumapumba . Nayumo umundu uwakuti amupinye nindisi pamo imbingwi. ⁴ Umundu uyu utubaliro utwingi akapinyiwa inyobe namufinama nabacheni nindisi . lori pope akasatulagha imbingwi nindisi syobakamupinya mufinama fyake, nayumo yo akawa namaka ghakumukolera umundu yula. ⁵ Akabaliro kosi ababusiku nu musanya akikalagha kumapumba naku maghamba , akakutagha pamo akakolomokagha nukwichekania namabwe . ⁶ Bo amuketa u Yesu pabutali akamukindilira nukufughama mufinama fyake. ⁷ Akakolera ngani akati ukulonda ngubombeleki,Yesu mwana wa chala umukulu? i ngubasuma mungamu ya chala umwenemaka ghosi, ukuti manye mufundeghe une." ⁸ Umwene yesu akamubula akati," fumamo mumundu uyu we mbepo inyali.'' ⁹ U Yesu sksmubusikisya akati ingamu yako weweni?'' umwene akamwamula akati une lejoni ( mbepo imbibi ) twebingi .'' ¹⁰ Isyene imbepo sila sikamusuma uYesu ukuti aleke ukusituma kubutali. ¹¹ Papi palapala pakabapo umutimo uwangulube inyingi syosikalyanga pa pachighamba , ¹² ,sikamusuma sikati , tutume uswe mungulube momotwingile. ¹³ Umwene akitikisya , imbepo sila sikafuma mumundu sikingila mula mungulube .ingulube syosi sikafuma pa chighamba pala sikingila munyanja nukutwiba mulamula. ¹⁴ Bosi bobakalisyagha ingulube sila bakakinda pakubabusya abandu mukaya pakuketana nfyo fyabombiwa. Abandu bakisa pakuketa fyofyabombiwa. ¹⁵ Bakisa kwa Yesu pakuketa umundu wa mbepo inyali pamo uwambepo imbibi,akikala palapala akafwala amalaya , inyinong'ono syake sikanyokela sona abandu bakanda ukoghopagha. ¹⁶ Bosi bobakaketa fyofikabombiwa kumundu uwambepo imbibi bakanda ukulongosola mosi mo fikabera sona bakayugha mosi mo fgikabela ningulube . ¹⁷ Po bakamusuma U Yesu ukuti batilemo mukaya kabo kala. ¹⁸ Bo uyesu akukwela mu mbwato umundu yumo akaba nimbepo inyali akamusuma ukuti abuke nawe . ¹⁹ Lori uyesu atakamwitikisya , mumalo mwake akamubusya akati ' ''Nyokela kunyumba isya bandu bako nukubabula ifindu fyo ukyala akubombela uwe namo akupelera ichisa . ²⁰ Umundu yula akabuka mu dekapolsi nukwanda ukubabusya abandu fyo u Yesu amubombela . Abandu bakapulika sona bakaswigha ngani. ²¹ Bo u Yesu akwanda ukwambuka sona inyanja akubuka ku sila ilingi , abandu abingi bakamubunganila, ²² usongo yumo uwanyumba ya kwiputilamo, yo we jayilasi ingamu yake wepe akisa palapala bo amuketa uyesu akisa itagha mufinama fya ²³ yesu. Akamusuma ukuti, ''umwana wangu umulindu mubine ngani alipipi ukufwa ! nakusuma ukuti wise ukuti umupalamasyeko ninyobe ukuti apole.'' ²⁴ u yesu akabuka nabo abandu abingi bakamukonga uyesu umwakufyenyana nawe. ²⁵ Kukabako yumo umukolo yo akatamiwa ngani akaba nububine bwa kutonya ibanda ifinja twelovu(12) ²⁶ Akenda mubaghanga akapotwa akatagha ichuma chake nafyosi fyo akaba nafyo ukuti pamo angapola, lori ububine bukabukila pakumunyasya. ²⁷ Bo umukukolo yula apulika isya yesu akanyamuka nubendela mwibumba lya bandu nukuya kya yesu ukuti amupalamasye umwenda gho uyesu akafwala. ²⁸ Akayugha akati , '' pala ningamupalamasya umwenda wake basi, ningapola.'' ²⁹ Bo amukola uyesu, ibanda likaleka ukutonya sona akanda ukwipilika mumubili akuti apolite ububine bosi bukamala ³⁰ U Yesu mwalubilo akasimanya ukuti amaka ghamo ghafumamo mumwake , po akasanukila kubandu nubusikisya ukuti weweni yo ambalamasya amalaya ghangu?. ³¹ Abamanyili bake bakamubula bakati , ukuketa muno abandu mobakubunganile inga ukubusya ukuti weni yo ambalamasya? ³² uYesu akakelengania ukuti akete yo asibomba isi. ³³ Umama, yo akamanya syosi syo sikabombiwa ubogha bukamukola akanda ukutetema akisa nuwa mufinama nukuyugha ubwanalori ³⁴ .Akayugha ku kukwake , '' Mwana,'' uwe ulwitiko lwako lwakuposya' bukagha mubololo sona wapola kumbungo syako syosi,'' ³⁵ Bo akali akuyugha sisi abandu bamo bakafuma mu nyumba bakiputilaghamo (sinagogi) nukumubusya, '' umwana wako afwa .choni ukumutamya umumanyisi?. ³⁶ U Yesu akasulumania pasyosi syo bakayugha , lori akamubusya usongo wachipanga akati , utakakayikille subila ³⁷ .'' U Yesu atakamwitikisya nayumo umundu ukuti abuke nawe , lori akamwegh upitala , Yakobe nuYohani numusuna . ³⁸ Bakisa kunyumba iyasongo wachipanga , akaketa abandu bakusuma ichongo; sona bakulira ngani . ³⁹ Bo ingila munyumba , akayugha akati , ''choni musulumanisye sona choni po mukulira? umwana atafwile lori aghonite utulo,'' ⁴⁰ Bakamusekela uyesu. akabafumya bosi kusi nukubuku nabapapi bake bene nabo akanabo ku ko mwana akaghona. ^{41 42} Akamukola inyobe nukumubusya ukuti , ''Talita, kumi! chochikung'anamula ukuti we mulindu ngubusya ukuti nyamuka'' Mwalubilo umwana akanda ukwenda(akaba nifinja 12)bosisi syabombiwa bosi bakaswigha ngani. ⁴³ U Yesu akabasokesya ngani akati mutamubulepo nayumo umundu, akayugha sona akati mumupe chimo ichakulya'' ''uyesu akayugha akati,ne sila nubwanaloli