¹ U Yesu akafuma ko akaba akisa mukaya kake , abamanyili bake bakamukongagha. ² Bo lyakwana isiku lya sabata, akamanyisyanga muchalichi(sinagogi) . Abandu abingi bakamupulika sona bakaba bakuswigha ngani.,bakati '' ka akafyagha kwighi ifimanyisyo ifi?'' ''' ka ghomahala ghaki gho apeghiwe umwene? '' ka fisyigho fiki fyo akubomba ninyobe syake? '' '' ³ Ata weyo akapala amatabwa, umwana wa maliya umukulu wa Yakobe Yose, yuda nu simoni ? Ka abayemba bake tutanawo panu ?'' bakakanisiwa nu Yesu. ' ⁴ Po uyesu akayugha akati , umusolori wakuyindikiwa kosi kosi lori kukwabo atakuyindikiwa pamupene nabakamu bake naba munyumba yake ''. ⁵ Akaba mundu wakupotwa ukubomba imbombo ya maka , pene papo akubika inyobe syake pa bandu banandi ababine sona bakapolagha . ⁶ Akasyigha ni nimyiko yabo. po ukusyungulira mutwaya nukumanyisya. ⁷ Po a kabitisya abamanyili 12 nukwanda ukubatuma babili babili , sona akabapa amaka ghakufumikisya imbepo imbibi. Sona akabakomelesya bosi ukuti manye banyamule nachimo pabulendo ⁸ ,lori yo ngomo yene , ichibama hagha ichola hagha indalama hagha ⁹ ,Lori mufwale abapatapata pamo ifilato, lori sona koma ukufwala amalaya mabili mabili. ¹⁰ Akababusya abandu akati , '' pala mukwingila munyumba muye mwikale mulamula ¹¹ pala akaya ko batabapokela pamo batakubapulikisya umwe, pala mukufuma mubakung'undile ukafumbi kakufinama fyinu chochikulangisya ukuba chisimiksyo chabo.'' ¹² Bakabuka pakulumbilra ukuti abandu bapindu indumnbula syabo. ¹³ Bakafyumia imbepo inyingi , nukubapakasya amafuta a bandu abalwale bakenda nukupola. ¹⁴ Umalafyale u Helod bo apulika , isya ngamu ya Yesu ukuti yafumukwa kosi . bamo bakayugha, ''Yohani wa losyo asyuka kubufwe , chochifukwa amaka gha fiswigho ghakubombiwa mumwake. '' ¹⁵ Bamo abangi bakatingi ''we Eliya bamo bakati we muketi (musolori) mubaketi abatubaliro utwakale. ¹⁶ Bo umalafyale u Herod apulika isi akati, ''uYohani , yoyo ngamuputula umutui weyo asyukite kubufwe,'' ¹⁷ Po umalfyale Herod akatuma ukuti u Yohani apinyiwe mu jere pa chifukwa cha Herodi umukasi wa Filipu . umwana umunine nayuyo Herodi akabegha. ¹⁸ u Yohani akamula umalafyale akati, '' ka chakwitikisiwa ku kwalo pakwegha umukasi wamung'una wako.''' ¹⁹ Bo uherodi apulika akamukalalira uYohan sona akalondagha ukumukoma ,lori akapotwa pa kumukoma . ²⁰ Cho chifukw a u Herodi akamoghopagha uYohani chifukwa akamanya ukuti mundu wanalori sona musayiwa sona akamufighiliragha akisa, akati amupulika uYohani akatamiwa ngani nindumbula pouli akahobokagha ngani pakupulikisya . ²¹ Bo isku ilisa lyafika , ilya kupapiwa kwa Herodi po akaba nosekesya ichakulya abambombo bake naba sikali bake naba longosi ba galiliya ' ²² Umwana wa herodi akingila nukwimba , pamaso gha bandu , po akamuhobosya u Herodi nabalendo bo akaba nabo pachakulya chake Umalafyale Herodi akati kumulindu '' suma kukwangu chosi chokulonda une ngubapa.''. ²³ Akalapa kumulindu akati '' chotusume kukwangu, tingupe napo we hafu wabunyafyale bwa chisu changu.'' ²⁴ Umulindu yula akafuma nukubusya umayi wake akati , imba inye usumek umutu wa Yohan uwa losyo.'' ²⁵ Mwalubilo akendelera pakunyokera kwa malafyala , akamulalusya , akati . '' ngulonda uwe umbe , losi ulu umutu wa Yohani uwa losyo mumbale. ²⁶ Umalafyale akaba nichitima ngani , akapotwa ukuti achenje , i chilapo cho akalapa po sona chifukwa cha balendo bake, ²⁷ Po umalafyale akatuma umusilikali ukufuma mu bobakamufighiliragha nukumulamula yula ukuti Uye umusenyele umutu waYohani, mujere ²⁸ .Akisa nagho umutu wa Yohani pamwenda nukumupa umulindu yula , po umulindu yula akamupa u mayi wake. ²⁹ Mo abamanyili (Abafundiwa) ba yohani bapulika ichi, bakabuka nukwegha umubili wake nukusila mwipumba ³⁰ Abatumiwa bakisa pamupene nu Yesu bakamubusya fyosi fyo bakabomba nukumumanyisya ³¹ .U Yesu akababula akati isagha mwebene mungolongo m o muta abandu ukuti mutusyepo panandi'' papo abandu abingi bakisagha nukubuka , sona batakabanga nakabaliro ka kulira. ³² pobakafumapo nukwera mubwato nukubuka ku malo gha mu ngolongo ko kutali abandu. ³³ Abandu a bingi bakababona po bakabukagha sona bakabamanya bosi. po bakenda mwabuliro ngani ukufuma mutwaya nukumutangulira uyesu sona bakafika pa buyo bula mo abene bakali ukufika ³⁴ ,Bo bafika kumbali kunyanja U Yesu akafuma mubwato , akaketa umbwingi bwa bandu ,po sona akabapelera ichisa chifukwa bakaba ngati syo ng'osi syo sita numundu wa kulisya . po uyesu akanda pakubamanyisya ifindu ifingi. ³⁵ Bo lyakwana ilyanamasuba abamanyili bake bakisa kukwake bakati panu tuli popangolongo pambula bandu sona chanamasuba . ³⁶ Batume (babwesye) abandu baye muchisu cha mumbali na mutwaya baye bighulile utwakulya twabo. ³⁷ UYesu akabamula akati, '' umwe mubape tumo utwakulya '' Bakati kwa Yesu , ka twetwe tubuke tukaghule nisalabasya 200agha fibama nukubapa ukuti balye,? ³⁸ U Yesu akababusya akati , '' muli nifibama filinga? bukagha mukakete,'' bakati baketi , ''bakati bali nifibama fayifi(5) niswi sibili("2) ³⁹ U yesu akababula abamanyili akati bikasye abandu mufibukiutila bukutila pisote ibisi. ⁴⁰ Bakikala pansi mufibukutila 100 nabangi mufibikutila 50. ⁴¹ Akegha ifibama 5 niswi 2 akaketa kumwanya , akafisaya , akamenyulania nmukubapa abafundiwa bake ukuti babikasye pansi abandu po bakabalya niswi sibili ⁴² Bosi bakalya nukwikuta ⁴³ .Bakaseba ifimenyumenyu iifya fibama fikisula ifitundu 12 nifya swi bu. ⁴⁴ Bakabapo abanalume 5000 bo bakalya ifibama. ⁴⁵ Mwalubilo uYesu akababula abamanyili bake ukuti bingile mubwato nukuti batangileko ukuya kwisila ilingi kuchisu cha Betisayida, po umwene akabwesyagha ifibukutila fyabandu. ⁴⁶ Bobabwera uYesu akakwela kuchighamba pakwiputa. ⁴⁷ Kati kakwana akabaliro kanamasuba, ubwato bukawa pakati panyanja po uyesu akaba pa bwima mwene. ^{50 48} U Yesu akabaketa abamanyili bake bakutamiwa ukufigha, (ukwendasya ubwato)chifukwa cha mbepo inyingi . akabaliro kamo pakati pa 3 okoloko na 6 okoloko pangero akisa kukwanbo, nukwanda ukwenda pamwanyam panyanja akalonda ukuti abapulire abamanyili bake ⁴⁹ .lori bobamubona uYesu akwenda pa nyanja wakinong'ona ukuti chochisyuka , Chifukwa bakaba nubogha ubukulu, bakakuti ngani (pamo ukukolomoka) . Po bakati bamubona batetema, lori mwalubilo uYesu akayugha nabo akati, kiba ! mwapulika ! manye moghope . ⁵¹ U Yesu akakwela mu bwato momukaba aba abamanyili bake. Imbepo yikasima.(yikaleka ukukuka manaka) Bakaswigha ngani nukusyighanika ngani ⁵² .Pa chifukwa chakuti batakamanya chochikabomnbiwagha pa fibama, mumalo ghake, indumbula syabo sikaba sikafu. ⁵³ Bakati bambuka inyanja nukufika ku bwima ku chisu cha Ganesareti, po bakakwesya ubwato palapala. ⁵⁴ Bo bafuma mubwato ,abandu bakamumanya uyesu mwalubilo. ⁵⁵ Bakingila mosi mutwaya namumatawuni pamo muchisu chila abandu bo bakaghona pansi ababine bakanda ukubanyamulira kukwake kosi ko bamupulika ukuti koko ali.. ⁵⁶ Mosi mo bakingilagha mutwaya mumatawuni pamo namuchisu chila , abandu bakabaghonekagha ababine mumabuyo gho abandu bakughulisyako nukughula ifindu( Mariket) .bakamusuma ukuti abalwale bosi bamupalamasye pamo bamukole kubumaliro bwa lilaya lyake , bosi bokamupalasya bakapola.