¹ Akanda sona ukumanyisya mumbali munyanja , ichilundilo cha bandu ichikulu chikamuisyungulira , U Yesu akisa ingila mubwato bobukaba munyanja akikala mulamula mkati . Lori ichilundilo cha bandu abingi chikimilira kubwima kumbali ku nyanja. ² U Yesu akanda ukumanyisya ifindu ifingi mufili , sona mufimanyisyo fyake fyofyo akayugha ku kwawo. ³ " Pulikisya ! umulimi akabuka pakupesa imbeyu. ⁴ Bo apesa , imbeyu simo sikawa mumusewo , ifiyuni fikisa fyaseba fyamala. ⁵ Simo imbeyu sikawa pamabwe popatakabapo ilyongwi nalimo nalubilo sikumila, chifukwa patakabapo ilyongwi. ⁶ Bo akasanya kabala imbeyu sikumila, chifukwa sitakaba nimisisi . ⁷ Imbeyu simo sikawa mumifwa. imifwa yikakula yikanda ukuputa imbeyu sitakela ifyakulya. ⁸ Imbeyu simo sikawa pamufundo sona sikela sikakula akisa sona bakinula fingi ngani sikafumya 30, 60 simo nukongelerapo." ⁹ Akayugha akati , '' yo alinamakutu ghukupulikila , yo apulika!'' ¹⁰ Bo uyesu abamwene , bosi bosi bo bakaba nawe pamupene papipi nabala 12 bakamulalusya isya fili fila ¹¹ .Akababula akati ," umwe mupeghiwe ukusimanya isyakubufifamu isya chitangalala chakumwanya cha chala, lori kubosi bobali kusi fyosi fikwisila mufili. ¹² umwakuti linga bakuketa inga bakete, lori manye bafibone nukuti pala bakupulika inga bapulike lori manye basyaghanie, nukuti pamo bangang'anamuka ukuti uchala abahobokele." ¹³ Akababusya akati , '' ka mutakufyaghania ifili ifi? timukise mufimanye lighi? ¹⁴ Uwakupesa akupesa amasyu ¹⁵ .Imbeyu iyi yawile misila ghomasyu gho ghakalumbiliwa kubandu bobapulika usetano akisa mwalubilo nukupoka amasyu gho ghakalumbiliwa. ¹⁶ Nimbeyu iyi yapesiwe pa chisu chamabwe , bo bandu bo bakupulika amasyu nubuhobofu pamo nukuhoboka ¹⁷ . lori ghatakuwa nimisisi nayimo , lori ghakwikala panandibu lori pala indamyo syafika pamo ingero nukufwimiwa pachifukwa cha lisyu bakuwa. ¹⁸ Yope iyingi yikapesiwa mumifwa , bo babandu bo bakapulika amasyu, ¹⁹ lori bakwighana ifya chisu nukubomba fyo ichisu chikulonda nukunyonywa fyosi ifyamuchisu nukughana indalama fyosi ifi fikukonamania amasyu ghatakupa iseke. ²⁰ Lori yosi yo yikupesiwa pilongwi ilyisa bobandu bobakapulika ilisyu nukulipokela, nukupa iseke 30, 60 na100 bubo. ²¹ U Yesu akababula akati , '' ungababika inyali munyumba yibe muchitundu pamo pansi pa chitala? nukwegha nukuyibika pa mwanya po ukubikapo inyali. ²² Pakuti nachimo chochibwamite chicho chingapotwa ukumanyikwa . ²³ Pala yo ali namakutu yo apulikeghe! " ²⁴ U Yesu akababula mube myee mupulikisye, ichipimo cho ukumupila umunyako chocho nuwe wakwisa pakupimila . sona ifingi fikwisa pakongelesiwapo papinu. ²⁵ lori yo atanako nakamo akwisa pakupokiwa nafyo alinafyo.'' ²⁶ Akayugha sona akati , " ichitangalala cha chala chili ngati mundu yo akupesa imbeyu mumughunda. ²⁷ Akupitila pabusiku nukunyamuka pa ngero, iyene imbeyu yikumela nukukula , lori atakumanya ukuti yikumela bulibuli . ²⁸ Ichisu chochikupa iseke chene; chikwanda ichikodi ,chise ichisasali , po kundasi kwake sikuboneka iseke muchasasali. ²⁹ Linga iseke syatona nalubilo akwegha ichikwakwa akucheka chifukwa akabaliro kakwana akakwinulira. ³⁰ U Yesu Sona akati , " tungafwanikisya buli buli ichitangalala cha chala , pamo fili fiki fyotungabombera pakulingania ? ³¹ kalingati kaseke ka mutaka , ko linga kakukpesiwa mumughunda, kanandi ukukinda iseke syosi syamuchisu cha pansi. ³² Lori linga kapesiwa kakumela nukula nukupota imbeyu syosi mumughunda, sona kakupanga isamba , ingulu ukuti, ifiyuni fyakumwanya fingatengelamo ififumbo nukupanga nakasunda. ³³ Mufili ngati ifi momo akayughilamo amasyu akuti bapulike . ³⁴ Atakababulapo fimo kwambula fili , lori akalingania kubamanyili bake (abafundiwa) bobiyekila bane. ³⁵ Pisiku lila m ilyanamasuba akababula akati , '' satwambuke tubuke isila lila ," ³⁶ Bakachileka ichilundilo , bakamwegha uyesu poka nawo ngati mo akabela mubwato pakaba sona amabwato ghoghaka mundasi mwake . ³⁷ Mulamula yikanyamuka imbepo yamaka ngani , amayigha ghakabonekela mu bwato, ubwato bukanda ukwisula namisi. ³⁸ Umwene Yesu akaba mubwato munyuma , mo akapitila utulo pachinuli cha mutu.Pala bakamunyasya, bakamubula bakati , "manyisi utakupakisya ukuti tuli pakufwa?" ³⁹ U Yesu akanyamuka akayikalipila imbepo , nukuyibula inyanja ukuti batama ! ube myee!" palapla yikatengana , kukaba myee nokukuta. ⁴⁰ Akababula , akati , "choni cho mukoghopa? mukalibu nulu mutanulwitiko?'' ⁴¹ Palapala bukabagha ubogha ubukulu bakalalusania bakati , "weweni yuyu,chifukwa imbepo namayigha fikumupulikila?''