¹ U yesu akingila sona munyumba ya kwiputilamo( sinagogi) mula mula akabamo umundu uwambina ya maketa. ² A bandu bamo bakamuketesya ngani papipi linga tamuposye abandu pisiku lya sabata , ukuti motusyaghilemo isya kumobesekesya," ³ Uyesu akayugha kumundu umubine uwambungo ya maketa akati ,'' " nyamuka wimilire panu pakati pabandu ,'' ⁴ Akayugha kubandu akati, '' ka chibibi ukubomba imbombo inyisa pisiku lya sabata pamo ukubomba ububibi ; ukubupoka ubumi pamo ukukoma?'' lori bosi bakaba myee . ⁵ U yesu akati abaketa ngani umwakukalala , sona akaba wakusulumania ngani pachifukwa cha bukafu bwa ndumbula myoyo ( indumbula) yabo. popo akanda pakumubula umundu yula akati gholosya inyobe yako," umene akayigholosya inyobe yake, yikisa yaba akisa. ⁶ Abafalisayi nalubilo bakafuma panja , bakapakuyughisania pamupene nabandu babo baka bunganagha poka nu Herodi , bakitikisania isyakuti mobangamukolera nukumughogha( nukumukoma) uyesu. ⁷ Umwene uyesu akisa afumapo nabamanyili bake , bakabuka ku njanya , abandu abingi bakanda ukumukonga ukufuma ku Galilayi sona ukufuma Yudeya ⁸ Sona ukufuma mu Yerusalemu sona ukufuma indumeya sona namufisu fya kwisilla lya lusoko lwa Yorodani nukusyungulira akaya kosi ka tayala na sidoni . Bobapulika fyosi fyo akabombagha abandu abingi bakisa bakanda ukumukonga. ⁹ Akababula abnamanyili bake ukuti bamubikile akabwato akanandi kabe pabwisa papipi chifukwa abandu bakaba bingi ngani ukuti bangamufyenya . ¹⁰ Akaposya abandu abingi leka. chobene abandu bobakakwasiwa nimbungo syamumubili bakakindilira kukwake ukuti bamupalamasye u Yesu. ¹¹ Imbepo imbibi sikati syamuketa U yesu , sikanda ukubunguna pandasi pake nukukuta , sikati , " uwe we mwana wa chala. ¹² uyesu akasikalipila imbepo imbibi sila ukuti manye sifumufusyeghe. ^{13 16} Ùyesu akakwera pachighamba akabitisya babo akabalondagha , bakabuka ku kwake . ¹⁴ U yesu kabimika abandu bamo twelovu(12)u( akabapa ingamu ya batumiwa ) pamo bapositoli nukukuti babe nawe sona nukuti abatumaghe pakufumusya amasyu ghake (ukulumbilira), ¹⁵ akabapa amaka gha kufumikisya imbepo imbibi. Akabimika abandu bala twelovu; Simon , yo akmupa ingamu ya pitala. ¹⁷ U yakobe umwana wa Zebediya sona umukulu wa Yakobe akabapa ingamu iyingi iya njasi kokuti ayane nukulira kwa njasi (ukugilima kwa fula) . ¹⁸ sona Andulu , Filipu , nu Batulumeya , Matayi Tomasi , Yakobe umwana wa Alufasi, Tadeyasi, Simoni wa ku Ziloti, ¹⁹ sona nu Judasi Kaliyoti yo akamubika uyesu mubalughu, ²⁰ UYesu akabwela ku kaya abandu abingi bakisa sona , batakalya nichakulya ²¹ Abakmu bake bakati bapulika, isi , bakabuka pakumukola, abandu bayughisania ukuti umukutu wake ghukomaniokite. '' ²² Abamanyandaghilo bobisa ukufumila mu Yerusalemu bakati, '' uyu ali nimbepo imbibi isya belezebule." sona bakayugha bakati uyesu weyo akufuma nimbepo imbibi . ²³ Uyesu akabitisya abandu akayughisana nabo mufili, , '' imba usetano ( imbepo imbibi) angamutisya usetano? ²⁴ pala ubunyafyale bwene bwene bukugawanikana butangima namaka. ²⁵ Pala inyumba yigawana yene yene , inyumba iyo yitangima namaka. ²⁶ Wepe nandi usetano isambukila mwene, isabulania mwene , atangaba wakubukilira sona; bo imalisya mwene, sona nakokubako atabaghile ukubako ²⁷ .Umundu atangaya ingile munyumba ya mundu uwa maka nukwiba ifyuma fyake, lori nandi amukola uwamaka yula nukumupinya tasi uwamaka yula, po abaghile ukupwasula inyumba yake. ²⁸ Lori une ngubabula umwe , nguti syosibu bakahobokeliwagha abana babandu, imbibi namahelu , lori nguyugha umundu wesi abaghile ukuhobokeliwa, ²⁹ Lori linga yuyo akutuka umbepo mwikemo (umusyepu), atabghile uluhonbokeliwa, sona akuba mubibi akabaliro kosi . ³⁰ U Yesu akayugha isi chifukwa chakuti bakatingi , '' alinimbepo imbibi." ³¹ Umayi wake nabakulu bake bakabuka , bakimilira kusi(panja). Bakakatuma yumo akuti amwitisye. ³² Abandu abingi bakikala nukumusyungulira sona bakayugha bakati kukwake , "Umayi wako nabamukulu bako bali panja, bakulonda uwe." ³³ U yesu akabamuliua akati , '' weweni yo we mayi wangu sona bakulu bangu?" ³⁴ U yesu akakelengania akaketa abandu bobakamusyungulira yuyo akati, ''keta, aba bobo bamayi bangu sona bakulu bangu! ³⁵ wesi yo akubomba ubwighane bwa tata, umundu uyo akuba we mkulu wangu, sona muyemba sona we mayi wangu.