¹ Boghakindapo amasiku manandi , akisa anyokela sona ku Kapenamu , po sikapulikwa ukuti ali munyumba. ² Po abandu abingi bakabungana poka namalo ghakasobela , napopamulyangobu, po uyesu akisa akanda pakulumbilira amasyu kukwabo. ³ Abandu bamo bakisa kwake nu mundu yo umilire umubili , akanyamuliwa nabandu folo(4). ⁴ Bobabagha ukuti biswile batakafika papipi, bakapangula inyumba momukaba uyesu, nukupanga umulyango, po bakisa bingisya ichibonde cho akaghonapo umundu yo akumilira umubili yula. ⁵ B o aketa ulwitiko lwabo , uyesu akamubusya umundu yo umilire umubuli yula akati, '' mwana wangu imbibi syako syahobokeliwa." ⁶ Po abamanyandaghilo bamo bo bakikala palapala , bakanda pakwilalusya mumyoyo yabo , ⁷ Ngimba choni cho umundu uyu akuyugha isi? akutuka amahelu! weweni yo angahobokela imbibi lori we chala mwene. ⁸ Mwalubilo uyesu akisa asyaghania mumbepo syake syobakinong'ona. akababula akati " choni po mukwinong'ona isi mu myoyo yinu? ⁹ .Chochilikwi cho chipepe , ukumubusya umundu yo umilire umubili, ukuyugha ukuti , " nyamuka , nyamula amachila ghako endagha' ? imbibi syako syahobokeliwa. ¹⁰ Lori umwe mumanye ukuti umwana wamundu ali nu bulamuliro panu pachisu cha pansi nukuhobokela imbibi, akayugha kumundu umubine yula, '' ¹¹ Ngukubusya ukuti nyamuka egha ichinyasi chako bwelagha ku nyumba yako.'' akanyamuka , ¹² Mwalubilo nukwegha ichinyasi chake nukubuka kunyumba mundasi mubandu , abandu bosi bakaswigha ngani nukumukwesya ukyala, abandu bakati tutafibweni lumo ifi. ¹³ Akisa abuka sona mumbali munyanja abandu abingi bakisa kukwake , akanda pakumanyisya. ¹⁴ Bo akwenda , akamubona U levi umwna wa Alufeyo ikile po umundu yo akasongesyanga imisongo akikalagha akayugha kukwake, '' ngongagha" Akanyamuka nukwanda ukumukonga. ¹⁵ U Yesu bo akulya munyumba ya Levi abasongesyasongo nabandu abatulanongwa ( abambibi) nabafundiwa bake , bakaba bingi leka bokamukongagha. ¹⁶ Bo abamanyakalata, nabafalisayi, baketa ukuti uyesu akulya nababomba mbibi (abatulanongwa) pamupene nabasongesyasongo , bakayugha kubamanyili ba yesu bakati , ''choni po akulya nabasongesyasongo naba bombambiwi aba?" ¹⁷ Bo uyeso apulika isi , akisa ayugha ati,abandu bamaka mumubili batakulonda umughanga lori bene bobabinite, ndakisila abagholofu lori ababomba mbibi. ¹⁸ Po abafundiwa ba Yahani nabafalisyi bakafunga ifyakulya (batakalya nachimo) . Abandu bamo bakisa kukwake bakati ,' ''choni cho abamanyili ba Yohani naba falisayi bakufunga lori abamanyili bako batakufunga ¹⁹ U Yesu akababusya akati ''' ka umwene nyegha angafunga bulibuli , pakulya bo akali nabandu? pakabaliro ko umwene nyegha alinabo batangafunga. ²⁰ Lori amasiku ghakwisa po umwenenyegha bakwisa pakumutisya kukwabo, po amasiku ,agho bakwisa ukufunga pakulya. ²¹ Nayumo yo akwegha ichigamba chamwenda ghoghumalite nukugambika pa mwenda umupya, ichigamba ichipya ukufuma kuchikulu Po fikunyepukila ngania. ²² Nayumo umundu yo angakusya ubwalwa ubupya mutunyambi utwamakwera atwakale pamo utukulu, pala unagabomba sisi ubwalwa bunganyepulania utunyambi po fyosi fibili ubwalwa nutunyambi fikwisa pakukomanika pamo ukunangika mumalo ghake , ubwalwa ubpya bukusiwe mutunyambi utupya'' ²³ Pisiku lya sabata uyesu akatumusania mumighunda ya ngano po abamanyili bake bakanda pakuyaba iseke sya ngano. ²⁴ Abafalisayi bakamubusya bakati, ''keta, choni cho bakubomba ifindu fyo fitakwitikisiwa ukubomba pa sabata?. ²⁶ Akisa ababusya mutabelengite lumo fyo u Deveti akisa abomba pamupene nabandu. bake pakabaliro ko bakaba nisala. ²⁵ Bo Abihatala we muputi usongo ngani, u Deveti akisa ingila munyumba ya chala nichakwiyipa cho chikaba cha kususania nindaghilo kumundu wesi yuyo temuputi, sona akawapa nabandu bo akaba nabe. ²⁷ U yesu akati , ''ísiku lya sabata likapeliwa ukuti limafwe umundu , umundu atakapeliwa ukuwa mutumwa wa lisiku lya sabata. ²⁸ Umwene umwana wa mundu we malafyale napisiku lya sabata.