¹ Mwo chatumuliwa ukuti baloboke inyanja nukuya ku Itale, u Paulo nabanine bamu abamujele bakababika mutukono twa Juliyasi umulongoshi wa basikali. ² Tukingila musitima yakufuma ku Adramyttium yoyikaketagha ichighaba chaku Asiya. Po tukabuka ku nyanja. Aristarchus uwaku Tesalonika ku Masedoniya akabuka nutwe. ³ Ishiku inine tukafika mukaya ka Sidoni, kuko u Juliyasi akamupelela ichisa u Paulo nukumwikisha ukuti abuke kubakamu bake ukuti baye bamusungilile. ⁴ Ukufuma kula tukabuka ku nyanja nukututilisha kulubafu lwa Sayipulasi, kupipi nakachisu ka pakati pa nyanja, papo imbepo yikalimbanagha nutwe. ⁵ Mwo twaloboka inyanja ku Silisiya na Pamphyliya, tukafika ku Mayila, mukaya ka Lisiya. ⁶ Kulakula, umulongoshi wa basilikali akayagha isitima ya ku Alekezandiliya yiyo yikabukagha ku Itale, akatubika mulamula. ⁷ Mwo twendela amashiku amingi panandi panandi sona tukaya twafika ku Kinidasi umwakutamiwa sona tutakabukilisha papo imbepo yitakatwitikishanga ukwenda isila yila, tukenda muchitengela ichakulubafu lwa Kelete, nulubafu lwa Salimoni. ⁸ Tukenda ubulendo mulubafu nukutamiwa mupaka twaya twafika pabuyo bumo ghagho ghakwitishiwa ubuyo ubwisa ubwakutushikishamo, ghagho ghali kupipi nakaya ka Laseya. ⁹ Tukeghapo ngani akababalilo akatali, pakabalilo kako abayuda bakafungagha ukulya, sona chikaba chipala ukwenda ubulendo. Po u Paulo akabasokesha, ¹⁰ nukuti, ''Bandu, ngutesha ubulendo bubwo tukuya oakunyamuka bwakufulala nukutaya ifindu ifyingi, tawikatundu mwene pamu isitima, lole nubwumi bwitu.'' ¹¹ Lole abalongoshi babasilikali bakapulikisha ingani kwasongo babo nukumwenecho wa sitima ukukinda fifyo u Paulo akayughagha. ¹² Chifukwa ubuyo bula butaba bwisa hagha ukutushamwo akabalilo kaluepo, abingi babo bakendagha bakabushiwa ukuti bafumeko, pala chingaba chakuchitika tubaghile tufike mukaya ka Fonekisi, nukuti tuye tutusheko mukaballilo ka lupepo. Fonekisi bwuyo ubwisa ubwakutushikishamwo Mukilete, yiketite kundende kwabukililo bwa lisuba sona nakumitu kwa bukililo bwalisuba. ¹³ Mwo imbepo yakundende yanda ukukuka panandi, abendeshi basitima bakinong'ona ukuti baba nacho balondagha. Po bakapima ichela ukwenda mulubafu lwa Kelete, kupipi nulubafu lwa nyanja. ¹⁴ Mwo penda akabalilo kanandi ichimbepo ichikulu chikanda ukukuka namaka, yiyo yikwitiwa imbepo yakubufumilo bwa lisuba, yikanda ukukoma ukufuma pa kachisu ka pakati pa nyanja. ¹⁵ Mwo isitima yikoliwa nimbepo yamaka ngani yitaba yakuti yingingila mumbepo, tukapeleka isila ku mbepo yikanda ukututa isitima. ¹⁶ Tukenda mulubafu lwa kachisu akanandi kokakwitishiwa ukuti Kawuda, nukutamiwa tukakwanisha ukuponesha ubwato bwo tukaba nabo ukushita kukomanika. ¹⁷ Bwo bisha ubwato bula, bakapinya ningoye kusitima. Bakanda ukoghopa ukuti batakaye bakungule umusesenga uwa Sayilitisi, po bakaponia ichela panyanja nukwenda mulubafu. ¹⁸ Tukegha akabalilo pakulimbana ni mbepo ukuti ishiku ilingi twande pakuponia ukutundu pabwima. ¹⁹ Ishiku lya butatu bakaponia ukatundu kubwima mufililo fya sitima ninyobe shabo. ²⁰ Bwo isuba nindondwa fitakubala amashiku amingi, po nimbepo ingulu yiyo yikatukomagha, ulusubilo ulwakuti titupone lukisa lwashila. ²¹ Bwo benda ubulendo kushita kulya, u Paulo akimilila pakati pabo nukuyugha ukuti, ''Bandu, ngali mukambulikishanga une, ukuti manye twende ukufumila ukeleti, ukuti tukomane nukufulala uku nukusofya ukatundu. ²² Po ingabasuma umwe ukuti mube bakifu, pakuti tamutaghe ubwumi bwinu lole isitima yikuya pakusoba. ²³ Ubwushiku bwo bwamalagha uwandumi wa Chala yuyo ndinawe pamupene sona ngumwiputa, uwandumi wake akimilila pambali nune ²⁴ akayugha akati, ''utakoghope, Paulo. Ubaghile wimilile pandashi pa Siza nukumuesha, u Chala muchisa chake akupa boshi babo ukwenda nabo.' ²⁵ Po lole mube bakifu, bandu! Pakuti ngusubila u Chala ukuti tifibioneke isa mumwo ngabushiwa. ²⁶ Po tubaghile tuye tuwile mukachisu kamu akapanyanja.'' ²⁷ Bwo ubushiku bwanambala fotini bwafika botukwandila isila iyi nukuti munyanja indiyatiki, pabushiku pakati bakayugha ukuti bapalamila ichisu chimo. ²⁸ Bakisa begha ifyakupimila bakagha yikufika twenthe ubutali; bwopenda akabalilo kanandi,bakegha sona ifyakupimila ifyingi bakagha ubutali bwakukisana fifitini. ²⁹ Bakaba nubwogha ukuti bagha akamesha isitima mumabwe, pobakaponia sona ifyela folo ukufuma kunyuma nukwiputa ukuti kuche lubilo. ³⁰ Abakwendesha isitima bakalonda isila yukulekela Isitima nukwegha akabwato ukuponia munyanja, bakabonesha ngati tibaponye pase ifyela ifi. ³¹ Lole u Pabuli akati kubosongo ba basilikali nakuba silikali, ''pene po abandu aba bikala musitima,po bakuya pakupona.'' ³² Po aba silikali bakisa baputula ingonye nukulekelela. ³³ Bwo kukisa ubwelu, u Pabuli akabalimbikisha boshi ukuti balye ichakulya. Akuti, ''ishiku ili lyanambala fotini mwali pabulindilili kwambula ukuleka sona mwenda ukwambula ichakulya mtalile nachimo ³⁴ .Ngubasuma ukuti muyabane ichakulya ichi, pakuti ubu bwo bupoki bwinyu. Pakuti taabupo nayunio yuyo ukuti ataghe nakang'wili kamu kumutu wake.'' ³⁵ Bwo ayugha ifi akegha ichibama nukumupalisha u Chala pamaso ghaboshi. po akamenyula ichibama bakanda pakulya. ³⁶ Boshi bakalimbikishiwa nukwegha ichakulya. ³⁷ Pamupene tukaba 276 musitima. ³⁸ Bobalya bakwana bakisa bayipepula isitima pakwanda kutaghila ingomo munyanja. ³⁹ Bwo ishiku lyafika batakachaghania ichisu lole bakatesha mulubafu lwa nyabja, pobakayughisania ukuti pamu bangayendesha isitima ukuya kuko. ⁴⁰ Pobakisa batumula ifyela nukufileka munyanja. Pakabalilo kamukene bakasheghembesha ingoye sha mateghelelo nukunyamusha ifyakwendekesha ubwato, pobakaya kupipi kunyumba ya bagheni. ⁴¹ Po isitima yikaya yakoma kumusesenga nakubwima. Po u bwatu bukapatila kuko nukushalikila kwambula kwenda, nichakunyuma chikisa chakumanika chifukwa cha manyigha. ⁴² Ulubatiko lwabasilikali lukaba lwakughogha abamu Jela ukuti banye yumo akinde pakoghelamunyanja nukupulumuka. ⁴³ Lole usongo wabasilikali akalonda ukumupoka u Pauli nukukanisha ulubatiko lwabo, po akalamula boshi bo bakoghelagha ukuya kwisila babe babwandilo ukuya kubwima. ⁴⁴ Po abandu abangi bakongaghe abangi bende pama tabwa abangi pafinfu ifingi ifya kufuma kusitima. Musilayiyi chikaboneka ukuti boshi bakambuka akisa ukuya pabwima