¹ Mwo wisa nutwe akisa, Tukamanya ukuti achisu kapanyamba kakwitishiwa Mata. ² Abandu abenekaya mulamula bakatupelela utwe ichisa, nukutupembela umolilo nukutupokela tweboshi chifukwa cha fula yiyo yikalindilashe sona kukapola. ³ Lyo u Pauli abungania ingwi nukuwika pamulilo, uchipili akafuma mungwi chifukwa cha mulilo nuku munienga munyobe. ⁴ Bwo abenekaya watesha ichikano chikukwela kunyowe kwake, bakayughisania bene, ''umundu uyu lumo mughoghi yuyo akapulumuka kunyanja, ubwanalloli buta kumwitikisha ukuti abe mwumi.'' ⁵ Po akachisanyandila pamulilo lole umwene atakafulala napamu. ⁶ Bakamulindilila ukuti tiande pakutetema pamu tiafwe. Bwo wamuketelesha pakabalilo akatali batakatesha nachimo ichibibi ichakumwagha bakandula inyinong'ono shabo ukuyugha ukuti umundu uyuwi Chala. ⁷ Po amalo ghapa papipi pakaba ichisu chochikaba cha mulongoshi wa kachisu kapanyanja, umundu uyu ingamu yake Pauliasi akatupokela nubwololo nukutupa fwochi ifindu pamashiku matatu. ⁸ Shikaboneka ukuti utata wa Fabuliyasi akabina umaleliya nukupela. bwo u Pauli aya kukwake, akiputa nukulambalika inyowe papake, nukumuposha. ⁹ Bwo ifi fwabombwa abandu abingi pakachisu kala bobakabina bope bakisa ukuti bapole. ¹⁰ Abandu bope bakatughindika ninjindi inyingi. Bwotukusengania ubulendo bwapanyanja, bakatupa fyoshi fifyo tukalondagha. ¹¹ Bwo penda imyeshi mitatu tukanyamuka ubulendo bwa pa sitima nukukagha akambepo kalupepo pakachisu ka panyanja, isitima ya Alekizanda, nu ''two chala utwo mapasa'' isa chimanyisho. ¹² Bwotwafika mukaya ka Silakusi, tukikalako amashiku matatu. ¹³ Ukufuma apo tukenda ukufika mukaya ka Lijiyamu. bwopenda ishiku limulyene imbepo iyakumila kulubafu ulwakundende yikanyamuka pomumashiku mabili twafika mukaya ka Puteyoli. ¹⁴ Kula tukabagha abo wamwitu bakatwitisha ukuti twikale nabo amashiku seveni(7). Musila yiyiyi tukisa ku Loma. ¹⁵ Ukufuma apo abowamwitu, bwo batupulika utwe bakisa ukumana nutwe kubutali ko bakughulikishikisha ku malo gha Piyasi naku filabu fitatu. Bwo u Pauli atesha abowamwabo, akamupalisha u Chala nukubwa ubukifu. ¹⁶ Bwo twingila muloma, u Pauli akitikisha ukwikala mwene numusilikali uwakumufughatila. ¹⁷ Po pakisa pakinda amashiku ghatatu u Pabuli akabitisha abalongoshi bachiyuda. Bwo bisa pamupenene akayugha nabo, ''bowamwitu, pobule ndabombite nachimo ichibibi pakususania nabandu pamu nindaghilo yabotata, ngenda isa mundu wa mujele ukufuma mu Yelusalemu ukuya munyobe isa baloma. ¹⁸ Bwo bambushikisha, bakalonda ukunabula chifukwa patakawa ichifukwa nachimo palufundo lyabufwe munongwa yangu. ¹⁹ Lole bwo abayuda bayugha ukususania ifyakulondiwa fyabo ngipatikisha ukuti imbike inongwa kwa Siza pobule yitakaba yakuti nise ni fyakususania nabanyitu. ²⁰ Pachifukwa ichi, loli, ngakwitisha ukuti ingomane nawe nukuyugha nawe chifulkwa lwolwo lusubilo lwa Isilayele ukun ifwalite iminyololo iyi. ²¹ Pobakayugha kukwake, '' tutakapokelapo abokalata kuyudeya aba umwe, pope nayumo uwamwinyu yuyo akisa ukuyugha ifibibi ifya umwe. ²² Lole tukulonda tupulike ku kwako shisho ukwinong'ona pa luko ulu, chifukwa fyamanyikwa kukwitu ukuti fyayughiwa kabibi poshi pala.'' ²³ Bwobabika ishiku lyake, abandu abwingi bakisa kukwake m,umalo ghake gho akikalagha. Akisa abapa ififukwa nukushimikisha isha bunyafyale bwa Chala. Akaghesha ukubanyengelela isha Yesu, ukufuma kululaghilo lwa Mose nakubakunguluka, ukufuma pangelo mupaka namasuba. ²⁴ Bamu wakikutishiwa nifindu fifyo fikayughiwa,lole bope bamo batakasubila. ²⁵ Bwo batapulikana uyu numunine, bakafumapo bwo u Pauli ayugha ishu limulyene: ''umbepo umwikemo akuyugha akisa ukwendela mwa Yesaya umukunguluka kubo ghuso binu. ²⁶ Akatyi, 'buka kubandu aba nukuyugha ukuti, ''ukupulika mukupulika, lole mutakupulikisha; nukutesha mukutesha, lole mutakwisa ukuketelesha. ²⁷ Pakuti indumbula yabandu aba yisa yambula kumanya, sona nifyufyo fyabo fipala pakupulika, sona bighalila amaso ghabo. Pamu lumu bangatesha namaso ghabo, sona nukupulika nifyufyo fyabo, sona nukushaghania mundumbula shabo nukung'anamuka sona, nukuti imbaposhe." ²⁸ Lole mumanye ukuti ubupoki bwa Chala bwatumiwa kuba pasi, po bakuya pakupulikisha. ²⁹ Bwo ayugha ifi abayuda bakafumapo. Bakanda ukupusana benebene pabukulu ngani. ³⁰ Pauli akikala ifinja fibili fyoshi munyumba yake yiyo akalipilagha, akabapokelagha boshi babo bakisagha pakumutesha. ³¹ Akafumusha ubunyafyale bwa Chala nukumanyisha ifindu ifya malafyale u Yesu Kilisitu nubukifu nukushita ukupingiwa.