¹ Nehoni amepo nimona shimonisha shimweya kalo muwilu, shoshikulu no kukomokisha: Kuma kwakalile man'eloi mutanu na eli aa akalile no ukalu mutanu na wili, awo ukalu okumanenena, mukonda woliyo wakumanenena uanji wa Nyambi. ² Amepo nimona eshi shamonahalile eci likulu lwale lyo shiponi linalivandakana no mulilo. Awa aimanine kumbali walyo woliyo awa atweshile kulea shikondwama no shihanga shahso no kutwesha kulea nombolo ethzi thziimanena lithzina lyasho. Kuma akwatile maharepa anawapu Nyambi. ³ Kuma aimbile limbo lya Mushe, ngamba wa Nyambi, no limbo lya Nguana: Ekwama yoe ikulu kalo shakomokisha, Fumu Nyambi shokolo. Kuluka no shemwa woliyo mukalelo woe, Fumu o matunga. ⁴ Elye wakukana kukuyapa, Fumu, no kukana kulombela lithzina lyoe? Mukonda yowe okukena ofoci pohuma. Matunga oahe kenge akukeya kuna lombela kukoe mukonda ekwama yoe yo kusepahala inamonahala.'' ⁵ Munyima wei enu amepo nitaneka, ne amepo nimona tempele thzo tabanakele thzo upaki ko thzinayanjuuka muwilu. ⁶ Mutempele amopo kupuna man'eloi mutanu na eli anakwatelela ukalu mutanu na wili. Kuma avatile line o kukena no miya thzo gauda pa miili thzao. ⁷ Shimweya ku iumbiwa ine yokuyoya ashopo shitambeka man'eloi mutanu na eli tufuma to gauda tunayala uanji wa Nyambi, oyu yoya kokukana kupwa. ⁸ Tempele athzopo thziyala mushi utunda ku kutethzima kwa Nyambi no ku okolo wenji. Kwithsa watweshile kuingena mo shime ou ukalu mutanu na wili o man'eloi ko unapu.