¹ Amepo nitaneka ne amepo nimona nguana kunemana pa mukinya o Sione. Kuma akalile no anu okukuma pa 144,000 awa an'oliwile lithzina lyenji neli lya Tata wenji pa lupala lo. ² Amepo niyuva liywi kutunda kuwilu eli lyayuvahalile eci shipupo sho meyu oangi no mushika oshokulu. Liywi nayuvile kalo kuma lyalipitulile eci aka kushika harepa awa ashika harepa thzo. ³ Kuma aimbile limbo lyolipe pa lupala lo shipula sho ufumu no pa lupala lo iumbiwa ine yokuyoya no akulu. Kwithsa okutwesha kulifundisha elyo limbo shime awa o 144,000 awa nauliwa kutunda pa kaye. ⁴ Awa woliyo anakana kulithzilaula na ambuyama, mukonda kuma alikenishile kwei yo luthziho. Awa woliyo nashupwelanga nguana kokuhe oku athza. Awa woliyo nayoyishiwa mukaci ka anu wahe ci akale oshuka omutatekelo wa Nyambi na nguana. ⁵ Kwithsa n'anda ethzi thzawaniwile mutunwa to; kali no umango. ⁶ Amepo nimona lin'eloi limweya ko liunduka muwilu, eli lyakalile no evangeli thzokukana kupwa kunaambela awa ali pa kaye- ku matunga oahe, mikuta thzothzihe, mishovo thzothzihe, no anu wahe. ⁷ Alyopo likuwelela no liywi lyoshokulu, ''Muyape Nyambi ne mumulemeke. Mukonda shikati sho kuatula kwenji shinakumu. Mumulombele, oyu wakwamine liwilu, kaye likulu lwale, no maweluwelu o meyu.'' ⁸ Lin'eloi limweya- lin'eloi lyomushili- alyopo lishupwela koliamba ci, ''Onau, onau Babilona shokulu, oyu nanwisha matunga oahe ku wine o luthziho lwenji.'' ⁹ Lin'eloi limweya -lin'eloi lyomushihatu- alyopo lishupwela ao eli, koliamba no liywi lylikulu, ''Munu yomuhe oyu lombela shikondwama no shihanga shasho ne atambula nombolo pa lupala lwenji nji pa lyoko lyenji, ¹⁰ naye kenge anwa ku waine ouanji wa Nymbi, waine okukana kupesuliwa namwaeliwa munganja thzo uanji wenji. Munu okunwamo kenge akuyuvishiwa kukola mu mulilo no mu sulufula palupala lo man'eloi a Nyambi okukena no pa lupala lwa Nguana. ¹¹ Mushi utunda pa kunyandishiwa ko wathza muwilu kokukana kupwa, ne kali no liyuwa lyo kulitulumwisha shanga ushiku- awa akakulombela shikondwama no shihanga shahso, no munu yomuhe oyu tambula nombolo thzo lithzina lyasho. ¹² Apa kwatongweliwa anu a Nyambi o kukena ci alitanalishe, awo amamela milao thza Nyambi no shitawo sho kwa Jesu.'' ¹³ Amepo niyuva liywi kutunda muwilu kuamba ci, ''On'ole ei: Ali no fiyauthzi awa anafu awa anafela kwa Fumu.'' ''Eee,'' kwa amba mupepo, ''Ci alitulumwishe ku ekwama yo, mukonda ekwama yo kenge iwashupwela.'' ¹⁴ Amepo nitneka ne kuma kwakalile livui lyolikenu. Oyu wakalie pa livui kuma amonahalile eci Mwana Munu. Kuma avatile huthsi thzo ufumu thzo gauda ku mutwi wenji ne kuma akwatile cekesi thzothzitwe mu lyoko lyenji. ¹⁵ Nehoni lin'elo limweya alyopo lipuna mu tempele no kukuwelela no liywi lyoshokulu koyu wakalile pa livui: ''Oshimbe cekesi thzoe ne otateke kuyanga. Muoknda shikati sho kuyanga shinakumu, mbuto thzo kaye thzinapi.'' ¹⁶ Nehoni oyo nakwata cekesi ayepo thzingulukisha cekesi thzenji mukaye, ne kaye akopo kayangiwa. ¹⁷ Lin'eloi limweya alyopo lipuna mu tempele muwilu; nalyo kuma lyakwatile cekesi thzothzitwe. ¹⁸ Kalo lin'eloi limweya alyopo lipuna ku insense yoku aletale(katala), eylyo lyakalile no okolo peulu thzo mulilo. Alyopo likuwelela no liywi lyolikulu ku lin'eloi nalikwata cekesi, ''Oshimbe cekesi thzoe thzothzitwe oungumeke malambo o insansa yo veine yo kaye, mukonda insansa thzayo inapi. ¹⁹ Lin'eloi alyopo lithzingulukisha cekesi thzalyo mu kaye nomkuyanga insansa yo veine thzo mu kaye. Alyopo iikonjela mushiluvelo sho waine sho uanji wa Nyambi. ²⁰ Shiluvelo ashopo shikalyatangeliwa pola thzo mbongi, ne amopo kukamwala onyinga kukakuma pa ule o kukuma pa masitadia 1,600.