¹ Mukonda mupulisita shokulu yomuhe, oyu nahanguliwa mukaci ka anu onahanguliwa ci emanene anu ku enu ya Nyambi, ci ape mbuyo no nupu thzo ivi. ² Atwesha kukwama nawa na anu akana nawa ana angeliwa, mukonda naye oli no umango. ³ Mukonda wei, naye aloela kupa nupo thzo ivi yenji, eci eli ku ivi ya anu. ⁴ Kwithsa oyu twesha kulikwamena ei wkwama yo kulemekiwa. Unohoni, onaishiwa ko Nyambi, eci eli akalile Aroni. ⁵ Mofoci, shanga Kilesite kanalilemeka aye shinda ko kulikwama mupulisita shokulu. Unone, oyu amba kukwenji amba ci, ''Yowe Mwanange; lelo ninapiluka Tata oe.'' ⁶ Kwalipitula eci omu ana ambela mumweya ci, '' Yowe mupulisita o liyeleko muikalelo wa Melechizeki.'' ⁷ Mu mayuwa enji o nyama, Kilesete kuma alombelangile no kulomba kwa Nyambi kukuwelela kulila no mihothzi, oyu twesha kumuyoisha ku lifu, ne kama nayuviwa mukonda o muikalelo wenji ou nyambi. ⁸ Shanga ci neli Mwana kuma alifundishile kuyuva mukando anyandile. ⁹ Kuma akwamiwile omuwawa no kunakala omuwawa, ku munu yomuhe oyu muyuva, oyu leta kuyoishiwa kokukana kupwa. ¹⁰ Nyambi wamukwamine mupulisita shokulun ko muikalelo wa Melechizedeki. ¹¹ Tuli nei yoingi yokuamba ya Jesu, unone ikalu kuitongola inene mwakata kukuyuvishisha. ¹² Mukonda shino shikati nga munapiluka afundishi, nahingeno mushifota munu oyu mifundisha eamba ya Nyambi. Mwafota mahwe kali ilya yoikolo! ¹³ Mukonda munu yomuhe oyu yoya pohuma mahwe kayuvishisha maywi o kuluka mukonda oshili mwanuke. ¹⁴ Unone ilya yoikolo po ya akulu. Awa woliyo mukonda o kukula ko ayuvishisha ei anafundishiwa kokutwesha kuhangula uwa ku umango.