¹ Honine, amona shikulupelisho shonkuingena mu kulitulumwishela kukwenji shihsiliko, tuyape, ci kwawaniwa kukwenu oyu kwanga. ² Mukonda natutongweliwa eamba yoiwa eci omu atongweliwile nawo. Unone eyo eamba kanaikwathsa awo nakana kuliyuva mushitawo nawa namamela ei eamba. ³ Mukonda tunalitawa twaingena omo mukulitulumwisha, eci eli ambile ci, ''Eci eli nani liethze mu uanji wange, kakuingena mukulutulumwisha kwange.'' Shanga kengeyo, ekwama yenji kuma yapwile kumatatekelo o kaye. ⁴ Mukonda pokuli apa anambaa yo liyuwa lyo u 7 ci: ''No Nyambi neli alitulumwisha kuikwama yenji yoihe pa liyuwa lyo u 7.'' ⁵ Ne kalo pokuli apa anamba ci, ''Kakuingena mu kulutulumwisha kwange.'' ⁶ Nehoni, kushili shivaka ci wamweya aingene omo mukulitulumwisha, ne awo atangile kuyuba eamba yoiwa ko iambawa kukwo kanaingina mukonda okukana kulitawa ko. ⁷ Honi Nyambi kalo onahangula liyuwa limweya, eli aisha ci ''Lelo,'' apa ambile ko Davida munyima mu maywi tunaamba kale: ''Lelo apa muyuva liywi lyenji, mwakolopisha micima thzenu.'' ⁸ Mukonda ngeci Joshuwa kuma awapile kulitulumwisha, Nyambi nga kana amba yo liyuwa limweya. ⁹ Honi kushili kulitulumwisha ko Savata oku kunatulekeliwa anu a Nyambi. ¹⁰ Mukonda oyu ingena mu kulitulumwaisha kwa Nyambi naye onalitulumwisha ku ekwama yenji, eci eli alitulumwishile Nyambi ku ekwama yenji. ¹¹ Honine tuhime kuingena omo mukulitulumwisha, ci kwawaniwa munu oyu kala mukukana kutawa oko akwamine. ¹² Mukonda liywi lya Nyambi lyayoya no ukolo kalo litwe kupita mwele oku kuhotola oku no ku. Lya waaa kukakuma apa walihandela mwoyo no mupepo, nopaliwanekelo lyo eshoko, kalo lyatwesha kuatula maayalo no eanekela yo mumucima. ¹³ Kwithsa eshi shaumbiwile eshi shitwesha kuliholeka ci Nyambi ashimona, unone enu yoihe ili popakenu mu meho enji oyu twakulitawela kukwenji. ¹⁴ Honine, amona tuli no mupulisita shokulu oyu wapitile muwilu, Jesu Mwana Nyambi, tutanalishe mukulitngola shitawo shetu. ¹⁵ Mukonda katuli no mupulisita shokulo okukana kutuyuvela n'eke omu tukwama omango. Unone tuli no munu oyu waelekiwile mu enu yoihe eci eli tuelekiwa atwe, shime kuninga ci aye kali no shivi. ¹⁶ Nehoni tuthzenu ko kukulupela kokulu ku muvuthso o shihemo, ci tutambule shihemo no kuwana kuhemiwa ci tukwathsiwe mushikati sho makando.