¹ Honine twaloela kupaka maano kwei tuna yuvu, eci katele tuyembulukele kwako. ² Mukonda ngeci eamba naiambiawa ko man'eloi inamonahala ci yashemwa, ne okukana kualandelela no kukana kuamamela kenge akuwana mulandu uloela, ³ ngepi elinga tuyoishiwa ngecipo twakana kuyoishiwa koshokulu? Oku koliyo kuyoishiwa oku kwatangile kuambiwa ko Fumu no kutaanalishiwa kukwetu kowa ayuvile. ⁴ Pashikatii shofoci Nyamnbi natutongwela ko eonisha, ekomokisha, no ikomaulisha yokulishiyashiya, no ko kutupa mbuyo thzo mupepo oukena kuthza ko kuhima kwenji. ⁵ Mukonda kali ku man'eloi oku napa Nyambi aka kaye kakeya, aka tuamba. ⁶ Unone kwali munu yumweya kumweya oyu napaka, kuamba ci, ''Munu ne shine, ci mumubuluke? Nji mwana munu ne shine ci mumubabale? ⁷ Wakwamine munu ci akale omuonye ku man'elo; no muvateka kutethzima no lilema. No mupa kuendisha ekwama yo moko oe. ⁸ No paka enu yoihe mushi thzo maulu enji eci aiendishe.'' Mukonda kukwenji Nyambi napa enu yoihe ci ikale mushi thzenji. Kwithsa eshi nashii kukana kushipaka mushi thzenji. Unone honi tushime kumona enu yoihe inapakiwa mushi thzenji. ⁹ Unone twamona aye wakwamiwile omuonye ku man'eloi pashikatiana , Jesu, onavatekiwa kutethzima no lilema inene mumakndo enji no kufa kwenji, ci ko shihemo sha Nyambi afele anu wahe. ¹⁰ Neli kuhima kwa Nyambi, mukonda enu yoihe yakwamiwelile aye kalo yakwamiwile ko aye, ci alete ana oangi mu kutethzima. Neli kuhima kwenji ci alete kuyoshiwa ko kuyala ko makando enji. ¹¹ Mukonda mukakukenisha nawa akenishiwa wahe atunda kofoci. Honine kayuvu honyi kuwesha ci apenji. ¹² Amba ci, ''Kenge nitongola lithzina lyoe kwa apange, kenge niimba yoye mukaci ko mungi wa anu.'' ¹³ Ne kalo amba ci, ''Kenge nakumukulupela.'' Kalo amba ci, ''Mumone yamono na aana ananipa Nyambi.'' ¹⁵ Honine, eli aliwana aana mu nyama no mu unyina, naye aliwana no omo muinu, ci ko kufa kwenji atweshe kumana oyu li no ukolo wo lifu, aye, diavulosi. ¹⁴ Kuma kwakalile kengeyo ci alete kuliyala kwa wo wahe nakala mu upika ko kuyapa kufa. ¹⁶ Yoshemwa kali man'eloi aa akwathsa, unone akashikuta sha Abrahama. ¹⁷ Honi kwamuloelile ci alipitule na apenji mu inu yoihe, ci akale muprisita shokulu o n'eke no uwa ko kuthza kenu ya Nyambi, ne kalo ci akale otetelo wo ivi ya anu. ¹⁸ Mukonda Jesu aye wanyandile no kuelekiwa, atwesha kukwathsa awa ali mukuelekiwa.