¹ Nde labila ati, "impyani, pa mpindi yo ali mu nini, tapusenepo ne musha, nangu ali mwine wafintu fyonse. ² Sombi ali pansh ya balamishi ne filolo mpaka ukafike ubushiku ba wishi bateyenye. ³ Pano ili twali aba nini, twalikakilwe ka mufunde ya ba bwikashi bwa mu calo. ⁴ Pano ili mpindi yafika, Lesa katuma umwana wakwe uwafyelwe mu mwanakashi, ukufyalwa panshi ye funde. ⁵ Ali citile ici muka bapulusha abali panshi ye funde, ukweba ati tunga pelwa kati bana bwa bupyani. ⁶ Kabili pakuti muli bana, Lesa atuma mu mitima yesu umupashi wa bana bakwe, uyo wita, "Abba, Father." ⁷ Pano uli musha, sombi umwana, sombi kaani umwana pano mwebo mulimpyani ukupitila muli Lesa. ⁸ Pano pa mpindi yo, ili tamungeshiba Lesa, mwalibele ukuba abasha kuli babo abali, ne makosa bakwete, ututelipo ni tu lesa. ⁹ Sombi bukumo pakuti mwaisa mukwishiba Lesa, sombi pano Lesa amwishibeni, cingaba shani mwebo ukwaluka kunuma ku bunake ne ku fintu fya ma funde lukoso? Muli kufwaya kuba abasha ne kabili ¹⁰ Mulaceta makosainshiku ne myenshi ne mpindi ne myaka! ¹¹ Namutineni mwebo ukweba ati pambi uku bomba ne mwebo kwali kwa lukoso. ¹² Na mulombeleni, mweba kwesu, ukuba koti ninde, pakuti na nebo naba koti nimwe. Tamwancitilepo icibipile. ¹³ Sombi mulishi ati cali pakuti ca bulwelel bwa munefu ubu nabile icebo ici weme kuli webo mukutanga. ¹⁴ Nangu umunefu wanji wali mulengeleni ukweshiwa, twamwa njebawilepo neli ku nkana. Sombi mwali mpokelele koti nali ni nkalamba sha kwa Lesa, koti nali Yesu Christu umwine. ¹⁵ Nikwisa pano ishuko lyenu pano? Pakuti nde labila ifi kuli mwebo ati, kani cinga kanshiwa, ngawa citonto mekesha amenso yenu neku mpela. ¹⁶ Pano efyo, nebo ningaba umulwani wenu, pakuti ne mwebeni ifya cine? ¹⁷ Ba fwaisha uku mucinfyeni mwebo, ukwa kubula umulandu. Bale fwaya ukumwisalileni ukweba ati mube abakuba fwaisha. ¹⁸ Lyonse cili ici weme ukufwaisha ukwapa fiweme. tepa mulandu wekuti nebo pamo na mwebo. ¹⁹ Mwe bana bandi aba nini, nekabili naba mukusomemwa ukwakupotwa kwabu fyashiu pali mwebo mpaka Christu akabe muli imwe. ²⁰ Ninga fwaisha ukuba na mwebo ne kwalula ishiwi, pakuti ndili bambile pali mwebo. ²¹ Njebeni, mwebo mweba fwaya ukuba panshi ye funde, pano mwebo tamu kutikapo kwi funde? ²² Pakuti cililembelwe ati Abrahamu alikwete abana babili, umo ali mwana wa moye umusha umo naye mu mwanakashi umukakulukile. ²³ Umo alifyelwe umwakashi umusha uku lingana ne munefu, sombi umbi alifyelwe ku mwanakashi umu kakulukile ukupitiloa mucilayi. ²⁴ Ifi fintu fingalulwa koti fyaku palanya, pakuti aba banakashi baleimakanina ifi pangano fibilki. Umo pali bo uku fuma kuli pili lwa Sinai kabili alafyala abana ba musha. Uyu ni Haga. ²⁵ Pano Haga aleimakanina ulu pili lwa Sinai mu Arabya; kabili aleimakanina Yelusalemu uwa bukumo, pakuti ali mu busha pamo ne bana bakwe. ²⁶ Pakuti Yelusalemu uyo uuli peulu mukakulukile, kabili ninyenefwe. ²⁷ Kili lembelwe, "Sangalala, we ng'umba umo uta fyalapo; lilisha kabili bilikishaneku sangalala, webo taungofwapo uksomena kwa bufyashi, pakuti abana ba mwanakashi uuli kalile bakuti ubwingi ukucila abo aba mwanakashi uuli neba lume. ²⁸ Sombi mwebo, mweba kwasu, koyti ni Isake, tuli bana ba bulayo. ²⁹ Pa mpindi ilya uyo uwafyelwe ukulingana ne munefu alikululwishe uyo uwafyelwe ukulinga neku mupashi. Fili cintu cimo ne lelo. ³⁰ Pano ama lembo ala labila ati shani? "Tanfyeni moye wa busha ne mwana wakwe umwana lume. Pakuti umwana wamwana umusha takabanako ubupyani ne mwana wa mwanakashi uukakulukile." ³¹ Panwefyo, mweba kwasu, tatulipo bana bakwe moye umusha, sombi aba mukakulukile.