¹ Pamulandu wabuntugwa ba Yesu balitukakwile. iminine ndi, pakwebati tamubwelelepo kwikoli lya busha. ² Boneni, nebo ne Paulo, nalabila kuli mwebo ngacakwebati mwasembululwa ba Yesu tapalipo ifi bakabona muli mwebo munshila ili yonse. ³ Ndepele bunte kumuntu onse ukwebati onse uuwaipela ukusembululwa alilingile ukusunga amafunde yonse. ⁴ Mwaputulwa mwebo kuli Yesu Klistu, mwebo mwebaikalila mwifunde, mwebo tamukwetepo icakaniko mukusenamina. ⁵ Ukupitila mumupashi, mucitetekelo, fwebo tulili mpafiwe ukulolela ubulungami. ⁶ Mu Yesu Klistu neli ulisembululwiwepo tapapo ubupilibulo, sombi icitetekelo ukubombela pama ne kutemwa. ⁷ Mwaleebutuka bwino nibani bamukenge ukusunga icitetekelo? ⁸ Iimibele tayafuminepo kuli uyo uwa mwitile! ⁹ Icitutumuko icinini ilalenga umufuba onse ukwima. ¹⁰ Ndikwete isubilo muli shikulu ukwebati tamukatontonkanyapo ifintu ifililele. Onse ulu kumushupeni mwebo akacula kubupingushi nangu akaleli wamusango shani. ¹¹ Mwebakwasu, ngacakwabati ndukulabila palwa kusembululwa, nindo balukuncushisha? palici icakulipununako icamusalaba cili fumishiwepo. ¹² Kuli babo abalu kumufulunganyeni, bafwile batungulwa abene! ¹³ Mwebo mulitilelwe kubuntungwa, mwebakwasu. Spombi tamufwilepo ukubomfya ubuntungwa bwenu ngaci belesho camubili; lelo, ukupitila mukutemwa umo nebyakwe. ¹⁴ Pakwebati fyonse fi fili mwishiwi limo: ''Temweni umubyeni ngefyo muli temenwe mwebene.'' ¹⁵ Sombi kani mwasuma ne konaula umo ne byakwe, loleni ukwebati tamulyonawilepo umo nemu byakwe. ¹⁶ Sombi nalabila, eendeni mu mupashi tamukacitapo mumibelo yamubili. ¹⁷ Pakwebati imbela sha mubili shilalwishikana ne mupashi, nakambi imbela sha bumupashi na shena shiila lwishikana nemubili. Pakuti ifintu filalwishanya ciimo ne cibyakwe, pakwebati tamuka citapo ifi mulukufyas ukucita. ¹⁸ Sombi nga muletungululwa ne mupashi, tamulipo panshi yefunde. ¹⁹ Lomba imilimo yabumubili ili apaswetele ucende, ukukowela, nefibipile, nolukambwa ²⁰ ne kupepo tulubi, ne bufwiti, nelupato, nelubo, ne kuli tota, ne kukalipa, nekulekana nemipaka, ²¹ ne cikani, ne kukolwa kolwa, ukusekela mufyakunwa. Ifintu ifyakupala kwati nifyo. Efi namusopesha ukwebati bonse abalukucita fi tabekengilapo mubufumu bwaba Lesa. ²² Sobi ifisabo fya kumupashi nifi kutemwa, ukusekelela, umutende, umutekatima, nkumba, ubusuma, icitetekelo, ²³ ukutekanya, ukulikanya wemwine, takupo ifunde ili ngacila pali fifi. ²⁴ Abakwa Yesu balitanikilwa pano ne mibile yabo ne lunkumbwa ne malangulushi yabo. ²⁵ Nga twikala mu mupashi, fyenkefyo tulu kwenda mumupashi. ²⁶ Tatulingilepo ukulitota, ne kubalanshyanga umo ne mubyakwe, ne kucite cikani kuli umo ne mubyakwe.