¹ bapuneme mweba Galatya! Nga nibani aba mu tumpaikileni ? Chalipa menso enu epo balwembelwe apaswetele Yesu Klistu ati atanikilwe ² ici chenka ndelukufiwaya uku sambilila kuli mwebo! Muli pokele umupashi ku milimo yamafunde neli nikuku fwa kwaku cetekela? ³ Neli mulitumpile ukwakube fyo? Mwe ba tatikile mu mupashi, neli mulukuya mukushila kufya ku munefu? ⁴ Neli mwalisomenwe ifya kube fyo ifinge ukuwalukoso- ⁵ pakuti abo abamupeleni umupashi nekucita fimpelampela pakati pali mwebo balacitefyo neli nikufyakucita ifya kuma funde, neli nikuku fwakwa cicetekelo? ⁶ Koti nififyo Abrahamu ''Acetekela Lesa kwati ifi chilembelwe ati kulungama kwakwe.'' ⁷ Pakuti pali fifyo, mwishebe ati, abo abakamucetekela bana bakwe Abrahamu. ⁸ Pakuti amalembo, pakumo limo ati Lesa bakalungeka abena fyalo kuku cetekela, alimwishibishelimo Abrahamu icebo ichiweme ati, ''Imikowa iya bantu bonse ikashuka.'' ⁹ Pakuti abo abacetekela balichindeme pamo nankwe Abrahamu uyo uwa umuntu uwalucetekelo. ¹⁰ Pakuti ali kufya kuchita ifya kumafunde bonse abo bali munshi yakufinga pakuti fililembelwe ati balifingelwe bonse abo abatabekala mu filembelwe fyonse ifyamwibuku lya mafunde ukulufichita.'' ¹¹ Eli filimonekele ati papo umuntu ulungekwa mumafunde pa menso ya kwa Lesa: Pakuti umuntu ulungeme paku cetekela epo akalukwikalila.'' ¹² Kabili amafunde taya fuma mucetekelo, sombi uyo u chita eukalukwikele ne mweo mulio. ¹³ Klistu alitulubwile kukufinga kwamafunde pakuba abakufinga pakati kupali fyebo-pakuti,''Fili lembelwe ati, balifingelwe bonse abapateme pa cimuti- ¹⁴ ukwebati lishuko iyakwe Abrahamu lingesa pabena fyolo muli Klistu Yesu ati tukapokele ukulya ukwa mpashi. ¹⁵ Mwebakwasu, lekeni ndabile kwati muntunshi ili kwaba ifya kufwana mwwifunde takuli unga limfumyapo neli kulundapo. ¹⁶ Sombi nikuli Abrahamu ekwalabilwe amalailo naku mwana wakwe. Tabalabilepo ati, nakubana, koti kweba ati abenge, sombi koti kweba ati umo, ati, ''Nakumwana wobe.'' uli ni Klistu. ¹⁷ Nebo ifi ndukulabila nififi: Ifunde, iyaishile imyanda ine nemakumi atatu panuma ya fyonse, taibikilwe pambali ifunde iya bikilwe na Lesa, ukufumyapo ichipangano. ¹⁸ Kani ifya bupyani fyaisa mwi funde, ninshi talilukwisa mubulayo. Sombi Lesa kapela Abrahamu mubulayo. ¹⁹ Nindo amafunde angabelako? fya lilundilweko pakuti pakulufyana paka ukwisa bakamufyalwa bakwa Abrahamu uko apangilwe ubulayo. Ifunde lyali titilwepo ukupitila mukalamba ne maboko akwe utwimakanine. ²⁰ Nomba uwa kutwimakanina chilikwalula ukuchila pamuntu umo, sombi Lesa umo. ²¹ Bushe ifunde lile lwisha ifilayo fyakwa Lesa? Ifyo tefyo! Nga chakuti ifunde lya lipelwe ati linga pela umweo, ukusweta nga kwalishile ukupulamwi funde. ²² Sombi amalembo akakala ifintu fyonse mufya kubifya Lesa kafimpanga ifi ukweba ati ifilayo ukutupulusha mulu cetekelo muli Yesu Klistu ukwe ati ulucetekelo muli Yesu Klistu lupelwe kuli babo abasumina. ²³ Sombi ili taku ngesa ukucetekela twalikacilwe mukukomekwa kwifunde, twAlikakilwe paka ulucetekelo lukafisuluke. ²⁴ Pakuti amafunde alibele musambishi wesu ukufika nakuli Klistu, ati tukalungekwe kulucetekelo. ²⁵ Sombi ilikwishile ukucetekela, tatukomekelwe kumusambishi na bukumo. ²⁶ Pakuti bonse muli bana bakwa Lesa ukupitila mulucetekelo muli Klistu Yesu. ²⁷ Pakuti mwebo bonse mwebabatishiwe muli Klistu, muli fwite Klistu. ²⁸ Takulipo Yuda neli mu Abeya takulipo umushaneli mwaume, pakuti bonse muli umo muliKlistu Yesu. ²⁹ Kani muli baba Klistu, muli filundwa fya kwa Abrahamu. Aba bupyani ukulingana no bulayo