¹ Ili papitile imyaka ikumi na ine nalile nakabili ku Yelusalemu ne Banabasi, ne Tito naye nali mupintile. ² Nalile pa mulandu wa ku fisulula icebo na shimikile ku bena fyelo. Nali labile ku bufisolo kuli abo aba bonekele uku cindama, mukulinga beshibishe ati nshabutukile- neli kubutuka apa lukoso. ³ Sombi neli Tito, umwali ne cebo umwali mu Giliki, bali mwebele uku sembululwa. ⁴ Aba kwabo aba kutumpaika balishile mubu fisolo mu ku ceta uku nakilisha ati tuli muli ba Yesu Kilistu. Ba lukufwaya uku tucita abasha, ⁵ sombi twalisuminepo muli fyefyo ifi balu kufwaya ekweba ati bu ciine bwa ciine bwa cebo bungashala nabo. ⁶ Sombi kuli abo aba luku boneka abacine (fyonse ifi bacita tafikwetepo incito kuli ne, Lesa tabalengapo umu salululo)-abo, na labila aba luku boneka aba cine tapali po ifi ba cita kuli nebo. ⁷ Bali alulukile pa kubona ati nali ne cebo ici weme kuli babo abataba sembululwe, kuba ati ni Petulo uwa alulukile ku cebo kuli babo aba sembulwilwe. ⁸ Kuli Lesa, uwa bombelel mu Petulo umuntu mwa kuli babo aba sembulwilwe, nabo bali bombele ku bena fyalo. ⁹ Ili Yakobo, Kayafa ne Yohane umwali kwete impupoke shapo iyakukosa ukwibukisha inkumbu isho shapelwe kuli nebo, bali pele ukuboko ukwa lwine ukwa cetekela kuli Banabasi na nebo. Bali pangene ati twalinga ukuya ku bena fyalo balinga ukuya muku bali bebele. Ukuya kuli babo aba kopwelwe. ¹⁰ Ba litilwe likoso ukwibukisha aba pengele ecintu icikulu ici na lingile ukucita. ¹¹ Sombi ili Kayafa aishile ku Antyoki, nali mu musulile pa menso pakwe pali sekelwe. ¹² Ili abo aba lalume taba ngesa ukufuma kuli Yakobo, Kayafa alu kulya ne bene fyalo. Sombi ili aba lalume ba ishile alilekele ne kufuma kube fyalo. Alu kutina aba luku labila atibali sembulwilwe. ¹³ Bonse aba Yuda bali ka bengilemo ba kuli temwa. Neli ni Banabasi naye alibele wa kuli bo iciyeyeye na babo aba kuli temwa. ¹⁴ Sombi ili na bwene ati imisango yabo tayali kukonkapo bu cine bwa cebo, nali labile kuli Kayafa kuntanshi yabo, "Kany muli ba Yuda, pano ukwikala koti bena fyalo koti ni munga funda shani abene fyalo ukwikala kuti ba Yuda?" ¹⁵ Fwe fwebene tuli ba Yuda muku fyalwa kabili tatuli be fyalo, imbifi; ¹⁶ ili twishi ati takulipo umuntu uuswesha ku milimo yakwe mwi funde uku pitila mu milimo ye funde ukupitila muli ba Yeu Kilistu. Twali sumine ne muli ba Yesu Kilistu tungali swesha mucitetekelo muli ba Yesu teku milimo ye funde. Pakuti imilimo yama funde taisweshapo. ¹⁷ Sombi ili twafwaya ukuli swesha muli ba Kilistu, fwense tu sangwa tuli mbifi, kani Kilistu anagaba mukulu uwa fibipile? Icine tekuti fibepo ifyo! ¹⁸ Kani tu suminishe ifyo fintu ninshi ukonaula, nde suminisha nemwine ukaukutoba ifunde. Kani ukulule fili fyonse ifi naunale ndu ku sumina ukuba katoba wa mafunde. ¹⁹ Pakuti ukupitila mwifunde nali fwilile mwifunde, ati nalingila ukwikala muli Lesa ²⁰ Nali tanikillwe pamo naba Kilistu. Te nebo pano ne kwikala. Sombi ba Yesu ebekele muli nebo. Umweo ndikele mu mubili ndikele micitetekelo mu mwana waba Lesa, uwantemenwe ne kuli pela pali nebo. ²¹ Nshibikile pambali inkumbu sha ba Lesa, kani ubu lungami bunga sangwa ukupitila mwifunde, ninshi Kilistu alu kufwa apa lukoso.